Languages

Work 5 · Passage 2

Work 5 · Passage 2

Plato

Greek

ΣΩ. ἐνθάδε δέ, ὦ φίλε Μένων, τὸ ἐναντίον περιέστηκεν· ὥσπερ αὐχμός τις τῆς σοφίας γέγονεν, καὶ κινδυνεύει ἐκ τῶνδε τῶν τόπων παρʼ ὑμᾶς οἴχεσθαι ἡ σοφία. εἰ γοῦν τινα ἐθέλεις οὕτως ἐρέσθαι τῶν ἐνθάδε, οὐδεὶς ὅστις οὐ γελάσεται καὶ ἐρεῖ· ὦ ξένε, κινδυνεύω σοι δοκεῖν μακάριός τις εἶναι—ἀρετὴν γοῦν εἴτε διδακτὸν εἴθʼ ὅτῳ τρόπῳ παραγίγνεται εἰδέναι—ἐγὼ δὲ τοσοῦτον δέω εἴτε διδακτὸν εἴτε μὴ διδακτὸν εἰδέναι, ὥστʼ οὐδὲ αὐτὸ ὅτι ποτʼ ἐστὶ τὸ παράπαν ἀρετὴ τυγχάνω εἰδώς. ἐγὼ οὖν καὶ αὐτός, ὦ Μένων, οὕτως ἔχω· συμπένομαι τοῖς πολίταις τούτου τοῦ πράγματος, καὶ ἐμαυτὸν καταμέμφομαι ὡς οὐκ εἰδὼς περὶ ἀρετῆς τὸ παράπαν· ὃ δὲ μὴ οἶδα τί ἐστιν, πῶς ἂν ὁποῖόν γέ τι εἰδείην; ἢ δοκεῖ σοι οἷόν τε εἶναι, ὅστις Μένωνα μὴ γιγνώσκει τὸ παράπαν ὅστις ἐστίν, τοῦτον εἰδέναι εἴτε καλὸς εἴτε πλούσιος εἴτε καὶ γενναῖός ἐστιν, εἴτε καὶ τἀναντία τούτων; δοκεῖ σοι οἷόν τʼ εἶναι; ΜΕΝ. οὐκ ἔμοιγε. ἀλλὰ σύ, ὦ Σώκρατες, ἀληθῶς οὐδʼ ὅτι ἀρετή ἐστιν οἶσθα, ἀλλὰ ταῦτα περὶ σοῦ καὶ οἴκαδε ἀπαγγέλλωμεν; ΣΩ. μὴ μόνον γε, ὦ ἑταῖρε, ἀλλὰ καὶ ὅτι οὐδʼ ἄλλῳ πω ἐνέτυχον εἰδότι, ὡς ἐμοὶ δοκῶ. ΜΕΝ. τί δέ; Γοργίᾳ οὐκ ἐνέτυχες ὅτε ἐνθάδε ἦν; ΣΩ. ἔγωγε. ΜΕΝ. εἶτα οὐκ ἐδόκει σοι εἰδέναι; ΣΩ. οὐ πάνυ εἰμὶ μνήμων, ὦ Μένων, ὥστε οὐκ ἔχω εἰπεῖν ἐν τῷ παρόντι πῶς μοι τότε ἔδοξεν. ἀλλʼ ἴσως ἐκεῖνός τε οἶδε, καὶ σὺ ἃ ἐκεῖνος ἔλεγε· ἀνάμνησον οὖν με πῶς ἔλεγεν. εἰ δὲ βούλει, αὐτὸς εἰπέ· δοκεῖ γὰρ δήπου σοὶ ἅπερ ἐκείνῳ. ΜΕΝ. ἔμοιγε. ΣΩ. ἐκεῖνον μὲν τοίνυν ἐῶμεν, ἐπειδὴ καὶ ἄπεστιν

Transliteration

SŌ. enthade de, ō phile Menōn, to enantion periestēken hōsper auchmos tis tēs sophias gegonen, kai kindyneuei ek tōnde tōn topōn parʼ hymas oichesthai hē sophia. ei goun tina etheleis houtōs eresthai tōn enthade, oudeis hostis ou gelasetai kai erei ō xene, kindyneuō soi dokein makarios tis einai—aretēn goun eite didakton eithʼ hotō tropō paragignetai eidenai—egō de tosouton deō eite didakton eite mē didakton eidenai, hōstʼ oude auto hoti potʼ esti to parapan aretē tynchanō eidōs. egō oun kai autos, ō Menōn, houtōs echō sympenomai tois politais toutoy tou pragmatos, kai emauton katamemphomai hōs ouk eidōs peri aretēs to parapan ho de mē oida ti estin, pōs an hopoion ge ti eideiēn; ē dokei soi hoion te einai, hostis Menōna mē gignōskei to parapan hostis estin, touton eidenai eite kalos eite plousios eite kai gennaios estin, eite kai tanantia toutōn; dokei soi hoion tʼ einai; MEN. ouk emoige. alla sy, ō Sōkrates, alēthōs oudʼ hoti aretē estin oistha, alla tauta peri sou kai oikade apangellōmen; SŌ. mē monon ge, ō hetaire, alla kai hoti oudʼ allō pō enetychon eidoti, hōs emoi dokō. MEN. ti de; Gorgia ouk enetyches hote enthade ēn; SŌ. egōge. MEN. eita ouk edokei soi eidenai; SŌ. ou pany eimi mnēmōn, ō Menōn, hōste ouk echō eipein en tō paronti pōs moi tote edoxen. allʼ isōs ekeinos te oide, kai sy ha ekeinos elege anamnēson oun me pōs elegen. ei de boulei, autos eipe dokei gar dēpou soi haper ekeinō. MEN. emoige. SŌ. ekeinon men toinyn eōmen, epeidē kai apestin

Translation coming soon for this language.

Source edition (provenance)

perseus:tlg0059.tlg024.perseus-grc2; plato:meno; section 71 part 1; transliteration: greek-transliteration (build)

Share X Facebook