Work 5 · Passage 20
Plato
Greek
ΜΕΝ. ὦ Σώκρατες, ἤκουον μὲν ἔγωγε πρὶν καὶ συγγενέσθαι σοι ὅτι σὺ οὐδὲν ἄλλο ἢ αὐτός τε ἀπορεῖς καὶ τοὺς ἄλλους ποιεῖς ἀπορεῖν· καὶ νῦν, ὥς γέ μοι δοκεῖς, γοητεύεις με καὶ φαρμάττεις καὶ ἀτεχνῶς κατεπᾴδεις, ὥστε μεστὸν ἀπορίας γεγονέναι. καὶ δοκεῖς μοι παντελῶς, εἰ δεῖ τι καὶ σκῶψαι, ὁμοιότατος εἶναι τό τε εἶδος καὶ τἆλλα ταύτῃ τῇ πλατείᾳ νάρκῃ τῇ θαλαττίᾳ· καὶ γὰρ αὕτη τὸν ἀεὶ πλησιάζοντα καὶ ἁπτόμενον ναρκᾶν ποιεῖ, καὶ σὺ δοκεῖς μοι νῦν ἐμὲ τοιοῦτόν τι πεποιηκέναι, · ἀληθῶς γὰρ ἔγωγε καὶ τὴν ψυχὴν καὶ τὸ στόμα ναρκῶ, καὶ οὐκ ἔχω ὅτι ἀποκρίνωμαί σοι. καίτοι μυριάκις γε περὶ ἀρετῆς παμπόλλους λόγους εἴρηκα καὶ πρὸς πολλούς, καὶ πάνυ εὖ, ὥς γε ἐμαυτῷ ἐδόκουν· νῦν δὲ οὐδʼ ὅτι ἐστὶν τὸ παράπαν ἔχω εἰπεῖν. καί μοι δοκεῖς εὖ βουλεύεσθαι οὐκ ἐκπλέων ἐνθένδε οὐδʼ ἀποδημῶν· εἰ γὰρ ξένος ἐν ἄλλῃ πόλει τοιαῦτα ποιοῖς, τάχʼ ἂν ὡς γόης ἀπαχθείης. ΣΩ. πανοῦργος εἶ, ὦ Μένων, καὶ ὀλίγου ἐξηπάτησάς με. ΜΕΝ. τί μάλιστα, ὦ Σώκρατες; ΣΩ. γιγνώσκω οὗ ἕνεκά με ᾔκασας. ΜΕΝ. τίνος δὴ οἴει; ΣΩ. ἵνα σε ἀντεικάσω. ἐγὼ δὲ τοῦτο οἶδα περὶ πάντων τῶν καλῶν, ὅτι χαίρουσιν εἰκαζόμενοι—λυσιτελεῖ γὰρ αὐτοῖς· καλαὶ γὰρ οἶμαι τῶν καλῶν καὶ αἱ εἰκόνες—ἀλλʼ οὐκ ἀντεικάσομαί σε. ἐγὼ δέ, εἰ μὲν ἡ νάρκη αὐτὴ ναρκῶσα οὕτω καὶ τοὺς ἄλλους ποιεῖ ναρκᾶν, ἔοικα αὐτῇ
Transliteration
MEN. ō Sōkrates, ēkouon men egōge prin kai syngenesthai soi hoti sy ouden allo ē autos te aporeis kai tous allous poieis aporein kai nyn, hōs ge moi dokeis, goēteueis me kai pharmatteis kai atechnōs katepadeis, hōste meston aporias gegonenai. kai dokeis moi pantelōs, ei dei ti kai skōpsai, homoiotatos einai to te eidos kai talla tautē tē plateia narkē tē thalattia kai gar hautē ton aei plēsiazonta kai haptomenon narkan poiei, kai sy dokeis moi nyn eme toiouton ti pepoiēkenai, alēthōs gar egōge kai tēn psychēn kai to stoma narkō, kai ouk echō hoti apokrinōmai soi. kaitoi myriakis ge peri aretēs pampollous logous eirēka kai pros pollous, kai pany eu, hōs ge emautō edokoun nyn de oudʼ hoti estin to parapan echō eipein. kai moi dokeis eu bouleuesthai ouk ekpleōn enthende oudʼ apodēmōn ei gar xenos en allē polei toiauta poiois, tachʼ an hōs goēs apachtheiēs. SŌ. panourgos ei, ō Menōn, kai oligou exēpatēsas me. MEN. ti malista, ō Sōkrates; SŌ. gignōskō hou heneka me ēkasas. MEN. tinos dē oiei; SŌ. hina se anteikasō. egō de touto oida peri pantōn tōn kalōn, hoti chairousin eikazomenoi—lysitelei gar autois kalai gar oimai tōn kalōn kai hai eikones—allʼ ouk anteikasomai se. egō de, ei men hē narkē autē narkōsa houtō kai tous allous poiei narkan, eoika autē
Translation coming soon for this language.
Source edition (provenance)
perseus:tlg0059.tlg024.perseus-grc2; plato:meno; section 80 part 1; transliteration: greek-transliteration (build)