Work 5 · Passage 21
Plato
Greek
· εἰ δὲ μή, οὔ. οὐ γὰρ εὐπορῶν αὐτὸς τοὺς ἄλλους ποιῶ ἀπορεῖν, ἀλλὰ παντὸς μᾶλλον αὐτὸς ἀπορῶν οὕτως καὶ τοὺς ἄλλους ποιῶ ἀπορεῖν. καὶ νῦν περὶ ἀρετῆς ὃ ἔστιν ἐγὼ μὲν οὐκ οἶδα, σὺ μέντοι ἴσως πρότερον μὲν ᾔδησθα πρὶν ἐμοῦ ἅψασθαι, νῦν μέντοι ὅμοιος εἶ οὐκ εἰδότι. ὅμως δὲ ἐθέλω μετὰ σοῦ σκέψασθαι καὶ συζητῆσαι ὅτι ποτέ ἐστιν. ΜΕΝ. καὶ τίνα τρόπον ζητήσεις, ὦ Σώκρατες, τοῦτο ὃ μὴ οἶσθα τὸ παράπαν ὅτι ἐστίν; ποῖον γὰρ ὧν οὐκ οἶσθα προθέμενος ζητήσεις; ἢ εἰ καὶ ὅτι μάλιστα ἐντύχοις αὐτῷ, πῶς εἴσῃ ὅτι τοῦτό ἐστιν ὃ σὺ οὐκ ᾔδησθα; ΣΩ. μανθάνω οἷον βούλει λέγειν, ὦ Μένων. ὁρᾷς τοῦτον ὡς ἐριστικὸν λόγον κατάγεις, ὡς οὐκ ἄρα ἔστιν ζητεῖν ἀνθρώπῳ οὔτε ὃ οἶδε οὔτε ὃ μὴ οἶδε; οὔτε γὰρ ἂν ὅ γε οἶδεν ζητοῖ—οἶδεν γάρ, καὶ οὐδὲν δεῖ τῷ γε τοιούτῳ ζητήσεως—οὔτε ὃ μὴ οἶδεν—οὐδὲ γὰρ οἶδεν ὅτι ζητήσει.
Transliteration
ei de mē, ou. ou gar euporōn autos tous allous poiō aporein, alla pantos mallon autos aporōn houtōs kai tous allous poiō aporein. kai nyn peri aretēs ho estin egō men ouk oida, sy mentoi isōs proteron men ēdēstha prin emou hapsasthai, nyn mentoi homoios ei ouk eidoti. homōs de ethelō meta sou skepsasthai kai syzētēsai hoti pote estin. MEN. kai tina tropon zētēseis, ō Sōkrates, touto ho mē oistha to parapan hoti estin; poion gar hōn ouk oistha prothemenos zētēseis; ē ei kai hoti malista entychois autō, pōs eisē hoti touto estin ho sy ouk ēdēstha; SŌ. manthanō hoion boulei legein, ō Menōn. horas touton hōs eristikon logon katageis, hōs ouk ara estin zētein anthrōpō oute ho oide oute ho mē oide; oute gar an ho ge oiden zētoi—oiden gar, kai ouden dei tō ge toioutō zētēseōs—oute ho mē oiden—oude gar oiden hoti zētēsei.
Translation coming soon for this language.
Source edition (provenance)
perseus:tlg0059.tlg024.perseus-grc2; plato:meno; section 80 part 2; transliteration: greek-transliteration (build)