Languages

Work 5 · Passage 22

Work 5 · Passage 22

Plato

Greek

ΜΕΝ. οὐκοῦν καλῶς σοι δοκεῖ λέγεσθαι ὁ λόγος οὗτος, ὦ Σώκρατες; ΣΩ. οὐκ ἔμοιγε. ΜΕΝ. ἔχεις λέγειν ὅπῃ; ΣΩ. ἔγωγε· ἀκήκοα γὰρ ἀνδρῶν τε καὶ γυναικῶν σοφῶν περὶ τὰ θεῖα πράγματα— ΜΕΝ. τίνα λόγον λεγόντων; ΣΩ. ἀληθῆ, ἔμοιγε δοκεῖν, καὶ καλόν. ΜΕΝ. τίνα τοῦτον, καὶ τίνες οἱ λέγοντες; ΣΩ. οἱ μὲν λέγοντές εἰσι τῶν ἱερέων τε καὶ τῶν ἱερειῶν ὅσοις μεμέληκε περὶ ὧν μεταχειρίζονται λόγον οἵοις τʼ εἶναι διδόναι· λέγει δὲ καὶ Πίνδαρος καὶ ἄλλοι πολλοὶ τῶν ποιητῶν ὅσοι θεῖοί εἰσιν. ἃ δὲ λέγουσιν, ταυτί ἐστιν· ἀλλὰ σκόπει εἴ σοι δοκοῦσιν ἀληθῆ λέγειν. φασὶ γὰρ τὴν ψυχὴν τοῦ ἀνθρώπου εἶναι ἀθάνατον, καὶ τοτὲ μὲν τελευτᾶν—ὃ δὴ ἀποθνῄσκειν καλοῦσι—τοτὲ δὲ πάλιν γίγνεσθαι, ἀπόλλυσθαι δʼ οὐδέποτε· δεῖν δὴ διὰ ταῦτα ὡς ὁσιώτατα διαβιῶναι τὸν βίον· οἷσιν γὰρ ἂν— Φερσεφόνα ποινὰν παλαιοῦ πένθεος δέξεται, εἰς τὸν ὕπερθεν ἅλιον κείνων ἐνάτῳ ἔτεϊ ἀνδιδοῖ ψυχὰς πάλιν, ἐκ τᾶν βασιλῆες ἀγαυοὶ καὶ σθένει κραιπνοὶ σοφίᾳ τε μέγιστοι ἄνδρες αὔξοντʼ· ἐς δὲ τὸν λοιπὸν χρόνον ἥρωες ἁγνοὶ πρὸς ἀνθρώπων καλεῦνται. Pind. fr. 133 Bergk ἅτε οὖν ἡ ψυχὴ ἀθάνατός τε οὖσα καὶ πολλάκις γεγονυῖα, καὶ ἑωρακυῖα καὶ τὰ ἐνθάδε καὶ τὰ ἐν Ἅιδου καὶ πάντα χρήματα, οὐκ ἔστιν ὅτι οὐ μεμάθηκεν· ὥστε οὐδὲν θαυμαστὸν καὶ περὶ ἀρετῆς καὶ περὶ ἄλλων οἷόν τʼ εἶναι αὐτὴν ἀναμνησθῆναι, ἅ γε καὶ πρότερον ἠπίστατο. ἅτε γὰρ τῆς φύσεως ἁπάσης συγγενοῦς οὔσης, καὶ μεμαθηκυίας τῆς ψυχῆς ἅπαντα, οὐδὲν κωλύει ἓν μόνον ἀναμνησθέντα—ὃ δὴ μάθησιν καλοῦσιν ἄνθρωποι—τἆλλα πάντα αὐτὸν ἀνευρεῖν, ἐάν τις ἀνδρεῖος ᾖ καὶ μὴ ἀποκάμνῃ ζητῶν· τὸ γὰρ ζητεῖν ἄρα καὶ τὸ μανθάνειν ἀνάμνησις ὅλον ἐστίν. οὔκουν δεῖ πείθεσθαι τούτῳ τῷ ἐριστικῷ λόγῳ· οὗτος μὲν γὰρ ἂν ἡμᾶς ἀργοὺς ποιήσειεν καὶ ἔστιν τοῖς μαλακοῖς τῶν ἀνθρώπων ἡδὺς ἀκοῦσαι, ὅδε δὲ ἐργατικούς τε καὶ ζητητικοὺς ποιεῖ

Transliteration

MEN. oukoyn kalōs soi dokei legesthai ho logos houtos, ō Sōkrates; SŌ. ouk emoige. MEN. echeis legein hopē; SŌ. egōge akēkoa gar andrōn te kai gynaikōn sophōn peri ta theia pragmata— MEN. tina logon legontōn; SŌ. alēthē, emoige dokein, kai kalon. MEN. tina touton, kai tines hoi legontes; SŌ. hoi men legontes eisi tōn hiereōn te kai tōn hiereiōn hosois memelēke peri hōn metacheirizontai logon hoiois tʼ einai didonai legei de kai Pindaros kai alloi polloi tōn poiētōn hosoi theioi eisin. ha de legousin, tauti estin alla skopei ei soi dokousin alēthē legein. phasi gar tēn psychēn tou anthrōpou einai athanaton, kai tote men hteleutan—o dē apothnēskein kalousi—tote de palin gignesthai, apollysthai dʼ oudepote dein dē dia tauta hōs hosiōtata diabiōnai ton bion hoisin gar an— PHersephona poinan palaiou pentheos dexetai, eis ton hyperthen halion keinōn enatō etei andidoi psychas palin, ek tan basilēes agauoi kai sthenei kraipnoi sophia te megistoi andres auxontʼ es de ton loipon chronon hērōes hagnoi pros anthrōpōn kaleuntai. Pind. fr. 133 Bergk hate oun hē psychē athanatos te ousa kai pollakis gegonuia, kai heōrakuia kai ta enthade kai ta en hAidou kai panta chrēmata, ouk estin hoti ou memathēken hōste ouden thaumaston kai peri aretēs kai peri allōn hoion tʼ einai autēn anamnēsthēnai, ha ge kai proteron ēpistato. hate gar tēs physeōs hapasēs syngenous ousēs, kai memathēkuias tēs psychēs hapanta, ouden kōlyei hen monon hanamnēsthenta—o dē mathēsin kalousin anthrōpoi—talla panta auton aneurein, ean tis andreios ē kai mē apokamnē zētōn to gar zētein ara kai to manthanein anamnēsis holon estin. oukoyn dei peithesthai toutō tō eristikō logō houtos men gar an hēmas argous poiēseien kai estin tois malakois tōn anthrōpōn hēdys akousai, hode de ergatikous te kai zētētikous poiei

Translation coming soon for this language.

Source edition (provenance)

perseus:tlg0059.tlg024.perseus-grc2; plato:meno; section 81 part 1; transliteration: greek-transliteration (build)

Share X Facebook