Work 5 · Passage 26
Plato
Greek
ΣΩ. θεῶ δὴ αὐτὸν ἀναμιμνῃσκόμενον ἐφεξῆς, ὡς δεῖ ἀναμιμνῄσκεσθαι.σὺ δέ μοι λέγε· ἀπὸ τῆς διπλασίας γραμμῆς φῂς τὸ διπλάσιον χωρίον γίγνεσθαι; τοιόνδε λέγω, μὴ ταύτῃ μὲν μακρόν, τῇ δὲ βραχύ, ἀλλὰ ἴσον πανταχῇ ἔστω ὥσπερ τουτί, διπλάσιον δὲ τούτου, ὀκτώπουν· ἀλλʼ ὅρα εἰ ἔτι σοι ἀπὸ τῆς διπλασίας δοκεῖ ἔσεσθαι. ΠΑΙ. ἔμοιγε. ΣΩ. οὐκοῦν διπλασία αὕτη ταύτης γίγνεται, ἂν ἑτέραν τοσαύτην προσθῶμεν ἐνθένδε; ΠΑΙ. πάνυ γε. ΣΩ. ἀπὸ ταύτης δή, φῄς, ἔσται τὸ ὀκτώπουν χωρίον, ἂν τέτταρες τοσαῦται γένωνται; ΠΑΙ. ναί. ΣΩ. ἀναγραψώμεθα δὴ ἀπʼ αὐτῆς ἴσας τέτταρας. ἄλλο τι ἢ τουτὶ ἂν εἴη ὃ φῂς τὸ ὀκτώπουν εἶναι; ΠΑΙ. πάνυ γε. ΣΩ. οὐκοῦν ἐν αὐτῷ ἐστιν ταυτὶ τέτταρα, ὧν ἕκαστον ἴσον τούτῳ ἐστὶν τῷ τετράποδι; ΠΑΙ. ναί. ΣΩ. πόσον οὖν γίγνεται; οὐ τετράκις τοσοῦτον; ΠΑΙ. πῶς δʼ οὔ; ΣΩ. διπλάσιον οὖν ἐστιν τὸ τετράκις τοσοῦτον; ΠΑΙ. οὐ μὰ Δία. ΣΩ. ἀλλὰ ποσαπλάσιον; ΠΑΙ. τετραπλάσιον. ΣΩ. ἀπὸ τῆς διπλασίας ἄρα, ὦ παῖ, οὐ διπλάσιον ἀλλὰ τετραπλάσιον γίγνεται χωρίον. ΠΑΙ. ἀληθῆ λέγεις. ΣΩ. τεττάρων γὰρ τετράκις ἐστὶν ἑκκαίδεκα. οὐχί; ΠΑΙ. ναί. ΣΩ. ὀκτώπουν δʼ ἀπὸ ποίας γραμμῆς; οὐχὶ ἀπὸ μὲν ταύτης τετραπλάσιον; ΠΑΙ. φημί. ΣΩ. τετράπουν δὲ ἀπὸ τῆς ἡμισέας ταυτησὶ τουτί; ΠΑΙ. ναί. ΣΩ. εἶεν· τὸ δὲ ὀκτώπουν οὐ τοῦδε μὲν διπλάσιόν ἐστιν, τούτου δὲ ἥμισυ; ΠΑΙ. ναί. ΣΩ. οὐκ ἀπὸ μὲν μείζονος ἔσται ἢ τοσαύτης γραμμῆς, ἀπὸ ἐλάττονος δὲ ἢ τοσησδί; ἢ οὔ; ΠΑΙ. ἔμοιγε δοκεῖ οὕτω. ΣΩ. καλῶς· τὸ γάρ σοι δοκοῦν τοῦτο ἀποκρίνου. καί μοι λέγε· οὐχ ἥδε μὲν δυοῖν ποδοῖν ἦν, ἡ δὲ τεττάρων; ΠΑΙ. ναί. ΣΩ. δεῖ ἄρα τὴν τοῦ ὀκτώποδος χωρίου γραμμὴν μείζω μὲν εἶναι τῆσδε τῆς δίποδος, ἐλάττω δὲ τῆς τετράποδος. ΠΑΙ. δεῖ. ΣΩ. πειρῶ δὴ λέγειν πηλίκην τινὰ φῂς αὐτὴν εἶναι. ΠΑΙ. τρίποδα. ΣΩ. οὐκοῦν ἄνπερ τρίπους ᾖ, τὸ ἥμισυ ταύτης προσληψόμεθα καὶ ἔσται τρίπους; δύο μὲν γὰρ οἵδε, ὁ δὲ εἷς
Transliteration
SŌ. theō dē auton anamimnēskomenon ephexēs, hōs dei anamimnēskesthai.sy de moi lege apo tēs diplasias grammēs phēs to diplasion chōrion gignesthai; toionde legō, mē tautē men makron, tē de brachy, alla ison pantachē estō hōsper touti, diplasion de toutoy, oktōpoun allʼ hora ei eti soi apo tēs diplasias dokei esesthai. PAI. emoige. SŌ. oukoyn diplasia hautē tautēs gignetai, an heteran tosautēn prosthōmen enthende; PAI. pany ge. SŌ. apo tautēs dē, phēs, estai to oktōpoun chōrion, an tettares tosautai genōntai; PAI. nai. SŌ. anagrapsōmetha dē apʼ autēs isas tettaras. allo ti ē touti an eiē ho phēs to oktōpoun einai; PAI. pany ge. SŌ. oukoyn en autō estin tauti tettara, hōn hekaston ison toutō estin tō tetrapodi; PAI. nai. SŌ. poson oun gignetai; ou tetrakis tosouton; PAI. pōs dʼ ou; SŌ. diplasion oun estin to tetrakis tosouton; PAI. ou ma Dia. SŌ. alla posaplasion; PAI. tetraplasion. SŌ. apo tēs diplasias ara, ō pai, ou diplasion alla tetraplasion gignetai chōrion. PAI. alēthē legeis. SŌ. tettarōn gar tetrakis estin hekkaideka. ouchi; PAI. nai. SŌ. oktōpoun dʼ apo poias grammēs; ouchi apo men tautēs tetraplasion; PAI. phēmi. SŌ. tetrapoun de apo tēs hēmiseas tautēsi touti; PAI. nai. SŌ. eien to de oktōpoun ou toude men diplasion estin, toutoy de hēmisy; PAI. nai. SŌ. ouk apo men meizonos estai ē tosautēs grammēs, apo elattonos de ē tosēsdi; ē ou; PAI. emoige dokei houtō. SŌ. kalōs to gar soi dokoun touto apokrinou. kai moi lege ouch hēde men dyoin podoin ēn, hē de tettarōn; PAI. nai. SŌ. dei ara tēn tou oktōpodos chōriou grammēn meizō men einai tēsde tēs dipodos, elattō de tēs tetrapodos. PAI. dei. SŌ. peirō dē legein pēlikēn tina phēs autēn einai. PAI. tripoda. SŌ. oukoyn anper tripous ē, to hēmisy tautēs proslēpsometha kai estai tripous; dyo men gar hoide, ho de heis
Translation coming soon for this language.
Source edition (provenance)
perseus:tlg0059.tlg024.perseus-grc2; plato:meno; section 83 part 1; transliteration: greek-transliteration (build)