Work 5 · Passage 27
Plato
Greek
· καὶ ἐνθένδε ὡσαύτως δύο μὲν οἵδε, ὁ δὲ εἷς· καὶ γίγνεται τοῦτο τὸ χωρίον ὃ φῄς. ΠΑΙ. ναί. ΣΩ. οὐκοῦν ἂν ᾖ τῇδε τριῶν καὶ τῇδε τριῶν, τὸ ὅλον χωρίον τριῶν τρὶς ποδῶν γίγνεται; ΠΑΙ. φαίνεται. ΣΩ. τρεῖς δὲ τρὶς πόσοι εἰσὶ πόδες; ΠΑΙ. ἐννέα. ΣΩ. ἔδει δὲ τὸ διπλάσιον πόσων εἶναι ποδῶν; ΠΑΙ. ὀκτώ. ΣΩ. οὐδʼ ἄρʼ ἀπὸ τῆς τρίποδός πω τὸ ὀκτώπουν χωρίον γίγνεται. ΠΑΙ. οὐ δῆτα.
Transliteration
kai enthende hōsautōs dyo men hoide, ho de heis kai gignetai touto to chōrion ho phēs. PAI. nai. SŌ. oukoyn an ē tēde triōn kai tēde triōn, to holon chōrion triōn tris podōn gignetai; PAI. phainetai. SŌ. treis de tris posoi eisi podes; PAI. ennea. SŌ. edei de to diplasion posōn einai podōn; PAI. oktō. SŌ. oudʼ arʼ apo tēs tripodos pō to oktōpoun chōrion gignetai. PAI. ou dēta.
Translation coming soon for this language.
Source edition (provenance)
perseus:tlg0059.tlg024.perseus-grc2; plato:meno; section 83 part 2; transliteration: greek-transliteration (build)