Work 5 · Passage 30
Plato
Greek
ΣΩ. οὐκοῦν ἐστιν αὕτη γραμμὴ ἐκ γωνίας εἰς γωνίαν τέμνουσα δίχα ἕκαστον τούτων τῶν χωρίων; ΠΑΙ. ναί. ΣΩ. οὐκοῦν τέτταρες αὗται γίγνονται γραμμαὶ ἴσαι, περιέχουσαι τουτὶ τὸ χωρίον; ΠΑΙ. γίγνονται γάρ. ΣΩ. σκόπει δή· πηλίκον τί ἐστιν τοῦτο τὸ χωρίον; ΠΑΙ. οὐ μανθάνω. ΣΩ. οὐχὶ τεττάρων ὄντων τούτων ἥμισυ ἑκάστου ἑκάστη ἡ γραμμὴ ἀποτέτμηκεν ἐντός; ἢ οὔ; ΠΑΙ. ναί. ΣΩ. πόσα οὖν τηλικαῦτα ἐν τούτῳ ἔνεστιν; ΠΑΙ. τέτταρα. ΣΩ. πόσα δὲ ἐν τῷδε; ΠΑΙ. δύο. ΣΩ. τὰ δὲ τέτταρα τοῖν δυοῖν τί ἐστιν; ΠΑΙ. διπλάσια. ΣΩ. τόδε οὖν ποσάπουν γίγνεται; ΠΑΙ. ὀκτώπουν. ΣΩ. ἀπὸ ποίας γραμμῆς; ΠΑΙ. ἀπὸ ταύτης. ΣΩ. ἀπὸ τῆς ἐκ γωνίας εἰς γωνίαν τεινούσης τοῦ τετράποδος; ΠΑΙ. ναί. ΣΩ. καλοῦσιν δέ γε ταύτην διάμετρον οἱ σοφισταί· ὥστʼ εἰ ταύτῃ διάμετρος ὄνομα, ἀπὸ τῆς διαμέτρου ἄν, ὡς σὺ φῄς, ὦ παῖ Μένωνος, γίγνοιτʼ ἂν τὸ διπλάσιον χωρίον. ΠΑΙ. πάνυ μὲν οὖν, ὦ Σώκρατες. ΣΩ. τί σοι δοκεῖ, ὦ Μένων; ἔστιν ἥντινα δόξαν οὐχ αὑτοῦ οὗτος ἀπεκρίνατο; ΜΕΝ. οὔκ, ἀλλʼ ἑαυτοῦ. ΣΩ. καὶ μὴν οὐκ ᾔδει γε, ὡς ἔφαμεν ὀλίγον πρότερον. ΜΕΝ. ἀληθῆ λέγεις. ΣΩ. ἐνῆσαν δέ γε αὐτῷ αὗται αἱ δόξαι· ἢ οὔ; ΜΕΝ. ναί. ΣΩ. τῷ οὐκ εἰδότι ἄρα περὶ ὧν ἂν μὴ εἰδῇ ἔνεισιν ἀληθεῖς δόξαι περὶ τούτων ὧν οὐκ οἶδε; ΜΕΝ. φαίνεται. ΣΩ. καὶ νῦν μέν γε αὐτῷ ὥσπερ ὄναρ ἄρτι ἀνακεκίνηνται αἱ δόξαι αὗται· εἰ δὲ αὐτόν τις ἀνερήσεται πολλάκις τὰ αὐτὰ ταῦτα καὶ πολλαχῇ, οἶσθʼ ὅτι τελευτῶν οὐδενὸς ἧττον ἀκριβῶς ἐπιστήσεται περὶ τούτων. ΜΕΝ. ἔοικεν. ΣΩ. οὐκοῦν οὐδενὸς διδάξαντος ἀλλʼ ἐρωτήσαντος ἐπιστήσεται, ἀναλαβὼν αὐτὸς ἐξ αὑτοῦ τὴν ἐπιστήμην; ΜΕΝ. ναί. ΣΩ. τὸ δὲ ἀναλαμβάνειν αὐτὸν ἐν αὑτῷ ἐπιστήμην οὐκ ἀναμιμνῄσκεσθαί ἐστιν; ΜΕΝ. πάνυ γε. ΣΩ. ἆρʼ οὖν οὐ τὴν ἐπιστήμην, ἣν νῦν οὗτος ἔχει, ἤτοι ἔλαβέν ποτε ἢ ἀεὶ εἶχεν; ΜΕΝ. ναί. ΣΩ. οὐκοῦν εἰ μὲν ἀεὶ εἶχεν, ἀεὶ καὶ ἦν ἐπιστήμων
Transliteration
SŌ. oukoyn estin hautē grammē ek gōnias eis gōnian temnousa dicha hekaston toutōn tōn chōriōn; PAI. nai. SŌ. oukoyn tettares hautai gignontai grammai isai, periechousai touti to chōrion; PAI. gignontai gar. SŌ. skopei dē pēlikon ti estin touto to chōrion; PAI. ou manthanō. SŌ. ouchi tettarōn ontōn toutōn hēmisy hekastou hekastē hē grammē apotetmēken entos; ē ou; PAI. nai. SŌ. posa oun tēlikauta en toutō enestin; PAI. tettara. SŌ. posa de en tōde; PAI. dyo. SŌ. ta de tettara toin dyoin ti estin; PAI. diplasia. SŌ. tode oun posapoun gignetai; PAI. oktōpoun. SŌ. apo poias grammēs; PAI. apo tautēs. SŌ. apo tēs ek gōnias eis gōnian teinousēs tou tetrapodos; PAI. nai. SŌ. kalousin de ge tautēn diametron hoi sophistai hōstʼ ei tautē diametros onoma, apo tēs diametrou an, hōs sy phēs, ō pai Menōnos, gignoitʼ an to diplasion chōrion. PAI. pany men oun, ō Sōkrates. SŌ. ti soi dokei, ō Menōn; estin hēntina doxan ouch hautou houtos apekrinato; MEN. ouk, allʼ heautou. SŌ. kai mēn ouk ēdei ge, hōs ephamen oligon proteron. MEN. alēthē legeis. SŌ. enēsan de ge autō hautai hai doxai ē ou; MEN. nai. SŌ. tō ouk eidoti ara peri hōn an mē eidē eneisin alētheis doxai peri toutōn hōn ouk oide; MEN. phainetai. SŌ. kai nyn men ge autō hōsper onar arti anakekinēntai hai doxai hautai ei de auton tis anerēsetai pollakis ta auta tauta kai pollachē, oisthʼ hoti teleutōn oudenos hētton akribōs epistēsetai peri toutōn. MEN. eoiken. SŌ. oukoyn oudenos didaxantos allʼ erōtēsantos epistēsetai, analabōn autos ex hautou tēn epistēmēn; MEN. nai. SŌ. to de analambanein auton en hautō epistēmēn ouk anamimnēskesthai estin; MEN. pany ge. SŌ. arʼ oun ou tēn epistēmēn, hēn nyn houtos echei, ētoi elaben pote ē aei eichen; MEN. nai. SŌ. oukoyn ei men aei eichen, aei kai ēn epistēmōn
Translation coming soon for this language.
Source edition (provenance)
perseus:tlg0059.tlg024.perseus-grc2; plato:meno; section 85 part 1; transliteration: greek-transliteration (build)