Work 5 · Passage 29
Plato
Greek
· οὐ τὸ μὲν τετράπουν τοῦτο ἡμῖν ἐστι χωρίον; μανθάνεις; ΠΑΙ. ἔγωγε. ΣΩ. ἕτερον δὲ αὐτῷ προσθεῖμεν ἂν τουτὶ ἴσον; ΠΑΙ. ναί. ΣΩ. καὶ τρίτον τόδε ἴσον ἑκατέρῳ τούτων; ΠΑΙ. ναί. ΣΩ. οὐκοῦν προσαναπληρωσαίμεθʼ ἂν τὸ ἐν τῇ γωνίᾳ τόδε; ΠΑΙ. πάνυ γε. ΣΩ. ἄλλο τι οὖν γένοιτʼ ἂν τέτταρα ἴσα χωρία τάδε; ΠΑΙ. ναί. ΣΩ. τί οὖν; τὸ ὅλον τόδε ποσαπλάσιον τοῦδε γίγνεται; ΠΑΙ. τετραπλάσιον. ΣΩ. ἔδει δέ γε διπλάσιον ἡμῖν γενέσθαι· ἢ οὐ μέμνησαι; ΠΑΙ. πάνυ γε.
Transliteration
ou to men tetrapoun touto hēmin esti chōrion; manthaneis; PAI. egōge. SŌ. heteron de autō prostheimen an touti ison; PAI. nai. SŌ. kai triton tode ison hekaterō toutōn; PAI. nai. SŌ. oukoyn prosanaplērōsaimethʼ an to en tē gōnia tode; PAI. pany ge. SŌ. allo ti oun genoitʼ an tettara isa chōria tade; PAI. nai. SŌ. ti oun; to holon tode posaplasion toude gignetai; PAI. tetraplasion. SŌ. edei de ge diplasion hēmin genesthai ē ou memnēsai; PAI. pany ge.
Translation coming soon for this language.
Source edition (provenance)
perseus:tlg0059.tlg024.perseus-grc2; plato:meno; section 84 part 2; transliteration: greek-transliteration (build)