Languages

Work 5 · Passage 37

Work 5 · Passage 37

Plato

Greek

ΣΩ. οὐκοῦν οὕτω δὴ κατὰ πάντων εἰπεῖν ἔστιν, τῷ ἀνθρώπῳ τὰ μὲν ἄλλα πάντα εἰς τὴν ψυχὴν ἀνηρτῆσθαι, τὰ δὲ τῆς ψυχῆς αὐτῆς εἰς φρόνησιν, εἰ μέλλει ἀγαθὰ εἶναι· καὶ τούτῳ τῷ λόγῳ φρόνησις ἂν εἴη τὸ ὠφέλιμον· φαμὲν δὲ τὴν ἀρετὴν ὠφέλιμον εἶναι; ΜΕΝ. πάνυ γε. ΣΩ. φρόνησιν ἄρα φαμὲν ἀρετὴν εἶναι, ἤτοι σύμπασαν ἢ μέρος τι; ΜΕΝ. δοκεῖ μοι καλῶς λέγεσθαι, ὦ Σώκρατες, τὰ λεγόμενα. ΣΩ. οὐκοῦν εἰ ταῦτα οὕτως ἔχει, οὐκ ἂν εἶεν φύσει οἱ ἀγαθοί. ΜΕΝ. οὔ μοι δοκεῖ. ΣΩ. καὶ γὰρ ἄν που καὶ τόδʼ ἦν· εἰ φύσει οἱ ἀγαθοὶ ἐγίγνοντο, ἦσάν που ἂν ἡμῖν οἳ ἐγίγνωσκον τῶν νέων τοὺς ἀγαθοὺς τὰς φύσεις, οὓς ἡμεῖς ἂν παραλαβόντες ἐκείνων ἀποφηνάντων ἐφυλάττομεν ἂν ἐν ἀκροπόλει, κατασημηνάμενοι πολὺ μᾶλλον ἢ τὸ χρυσίον, ἵνα μηδεὶς αὐτοὺς διέφθειρεν, ἀλλʼ ἐπειδὴ ἀφίκοιντο εἰς τὴν ἡλικίαν, χρήσιμοι γίγνοιντο ταῖς πόλεσι. ΜΕΝ. εἰκός γέ τοι, ὦ Σώκρατες. ΣΩ. ἆρʼ οὖν ἐπειδὴ οὐ φύσει οἱ ἀγαθοὶ ἀγαθοὶ γίγνονται, ἆρα μαθήσει; ΜΕΝ. δοκεῖ μοι ἤδη ἀναγκαῖον εἶναι· καὶ δῆλον, ὦ Σώκρατες, κατὰ τὴν ὑπόθεσιν, εἴπερ ἐπιστήμη ἐστὶν ἀρετή, ὅτι διδακτόν ἐστιν. ΣΩ. ἴσως νὴ Δία· ἀλλὰ μὴ τοῦτο οὐ καλῶς ὡμολογήσαμεν; ΜΕΝ. καὶ μὴν ἐδόκει γε ἄρτι καλῶς λέγεσθαι. ΣΩ. ἀλλὰ μὴ οὐκ ἐν τῷ ἄρτι μόνον δέῃ αὐτὸ δοκεῖν καλῶς λέγεσθαι, ἀλλὰ καὶ ἐν τῷ νῦν καὶ ἐν τῷ ἔπειτα, εἰ μέλλει τι αὐτοῦ ὑγιὲς εἶναι. ΜΕΝ. τί οὖν δή; πρὸς τί βλέπων δυσχεραίνεις αὐτὸ καὶ ἀπιστεῖς μὴ οὐκ ἐπιστήμη ᾖ ἡ ἀρετή; ΣΩ. ἐγώ σοι ἐρῶ, ὦ Μένων. τὸ μὲν γὰρ διδακτὸν αὐτὸ εἶναι, εἴπερ ἐπιστήμη ἐστίν, οὐκ ἀνατίθεμαι μὴ οὐ καλῶς λέγεσθαι· ὅτι δὲ οὐκ ἔστιν ἐπιστήμη, σκέψαι ἐάν σοι δοκῶ εἰκότως ἀπιστεῖν. τόδε γάρ μοι εἰπέ

Transliteration

SŌ. oukoyn houtō dē kata pantōn eipein estin, tō anthrōpō ta men alla panta eis tēn psychēn anērtēsthai, ta de tēs psychēs autēs eis phronēsin, ei mellei agatha einai kai toutō tō logō phronēsis an eiē to ōphelimon phamen de tēn aretēn ōphelimon einai; MEN. pany ge. SŌ. phronēsin ara phamen aretēn einai, ētoi sympasan ē meros ti; MEN. dokei moi kalōs legesthai, ō Sōkrates, ta legomena. SŌ. oukoyn ei tauta houtōs echei, ouk an eien physei hoi agathoi. MEN. ou moi dokei. SŌ. kai gar an pou kai todʼ ēn ei physei hoi agathoi egignonto, ēsan pou an hēmin hoi egignōskon tōn neōn tous agathous tas physeis, hous hēmeis an paralabontes ekeinōn apophēnantōn ephylattomen an en akropolei, katasēmēnamenoi poly mallon ē to chrysion, hina mēdeis autous diephtheiren, allʼ epeidē aphikointo eis tēn hēlikian, chrēsimoi gignointo tais polesi. MEN. eikos ge toi, ō Sōkrates. SŌ. arʼ oun epeidē ou physei hoi agathoi agathoi gignontai, ara mathēsei; MEN. dokei moi ēdē anankaion einai kai dēlon, ō Sōkrates, kata tēn hypothesin, eiper epistēmē estin aretē, hoti didakton estin. SŌ. isōs nē Dia alla mē touto ou kalōs hōmologēsamen; MEN. kai mēn edokei ge arti kalōs legesthai. SŌ. alla mē ouk en tō arti monon deē auto dokein kalōs legesthai, alla kai en tō nyn kai en tō epeita, ei mellei ti autou hygies einai. MEN. ti oun dē; pros ti blepōn dyscheraineis auto kai apisteis mē ouk epistēmē ē hē aretē; SŌ. egō soi erō, ō Menōn. to men gar didakton auto einai, eiper epistēmē estin, ouk anatithemai mē ou kalōs legesthai hoti de ouk estin epistēmē, skepsai ean soi dokō eikotōs apistein. tode gar moi eipe

Translation coming soon for this language.

Source edition (provenance)

perseus:tlg0059.tlg024.perseus-grc2; plato:meno; section 89 part 1; transliteration: greek-transliteration (build)

Share X Facebook