Work 5 · Passage 39
Plato
Greek
ΣΩ. πολλάκις γοῦν ζητῶν εἴ τινες εἶεν αὐτῆς διδάσκαλοι, πάντα ποιῶν οὐ δύναμαι εὑρεῖν. καίτοι μετὰ πολλῶν γε ζητῶ, καὶ τούτων μάλιστα οὓς ἂν οἴωμαι ἐμπειροτάτους εἶναι τοῦ πράγματος. καὶ δὴ καὶ νῦν, ὦ Μένων, εἰς καλὸν ἡμῖν Ἄνυτος ὅδε παρεκαθέζετο, ᾧ μεταδῶμεν τῆς ζητήσεως. εἰκότως δʼ ἂν μεταδοῖμεν· Ἄνυτος γὰρ ὅδε πρῶτον μέν ἐστι πατρὸς πλουσίου τε καὶ σοφοῦ Ἀνθεμίωνος, ὃς ἐγένετο πλούσιος οὐκ ἀπὸ τοῦ αὐτομάτου οὐδὲ δόντος τινός, ὥσπερ ὁ νῦν νεωστὶ εἰληφὼς τὰ Πολυκράτους χρήματα Ἰσμηνίας ὁ Θηβαῖος, ἀλλὰ τῇ αὑτοῦ σοφίᾳ κτησάμενος καὶ ἐπιμελείᾳ, ἔπειτα καὶ τὰ ἄλλα οὐχ ὑπερήφανος δοκῶν εἶναι πολίτης οὐδὲ ὀγκώδης τε καὶ ἐπαχθής, ἀλλὰ κόσμιος καὶ εὐσταλὴς ἀνήρ· ἔπειτα τοῦτον εὖ ἔθρεψεν καὶ ἐπαίδευσεν, ὡς δοκεῖ Ἀθηναίων τῷ πλήθει· αἱροῦνται γοῦν αὐτὸν ἐπὶ τὰς μεγίστας ἀρχάς. δίκαιον δὴ μετὰ τοιούτων ζητεῖν ἀρετῆς πέρι διδασκάλους, εἴτʼ εἰσὶν εἴτε μή, καὶ οἵτινες. σὺ οὖν ἡμῖν, ὦ Ἄνυτε, συζήτησον, ἐμοί τε καὶ τῷ σαυτοῦ ξένῳ Μένωνι τῷδε, περὶ τούτου τοῦ πράγματος τίνες ἂν εἶεν διδάσκαλοι. ὧδε δὲ σκέψαι· εἰ βουλοίμεθα Μένωνα τόνδε ἀγαθὸν ἰατρὸν γενέσθαι, παρὰ τίνας ἂν αὐτὸν πέμποιμεν διδασκάλους; ἆρʼ οὐ παρὰ τοὺς ἰατρούς; ΑΝ. πάνυ γε. ΣΩ. τί δʼ εἰ σκυτοτόμον ἀγαθὸν βουλοίμεθα γενέσθαι, ἆρʼ οὐ παρὰ τοὺς σκυτοτόμους; ΑΝ. ναί. ΣΩ. καὶ τἆλλα οὕτως; ΑΝ. πάνυ γε. ΣΩ. ὧδε δή μοι πάλιν περὶ τῶν αὐτῶν εἰπέ. παρὰ τοὺς ἰατρούς, φαμέν, πέμποντες τόνδε καλῶς ἂν ἐπέμπομεν, βουλόμενοι ἰατρὸν γενέσθαι
Transliteration
SŌ. pollakis goun zētōn ei tines eien autēs didaskaloi, panta poiōn ou dynamai heurein. kaitoi meta pollōn ge zētō, kai toutōn malista hous an oiōmai empeirotatous einai tou pragmatos. kai dē kai nyn, ō Menōn, eis kalon hēmin Anytos hode parekathezeto, hō metadōmen tēs zētēseōs. eikotōs dʼ an metadoimen Anytos gar hode prōton men esti patros plousioy te kai sophou Anthemiōnos, hos egeneto plousios ouk apo tou automatou oude dontos tinos, hōsper ho nyn neōsti eilēphōs ta Polykratous chrēmata Ismēnias ho THēbaios, alla tē hautou sophia ktēsamenos kai epimeleia, epeita kai ta alla ouch hyperēphanos dokōn einai politēs oude onkōdēs te kai epachthēs, alla kosmios kai eustalēs anēr epeita touton eu ethrepsen kai epaideusen, hōs dokei Athēnaiōn tō plēthei hairountai goun auton epi tas megistas archas. dikaion dē meta toioutōn zētein aretēs peri didaskalous, eitʼ eisin eite mē, kai hoitines. sy oun hēmin, ō Anyte, syzētēson, emoi te kai tō sautou xenō Menōni tōde, peri toutoy tou pragmatos tines an eien didaskaloi. hōde de skepsai ei bouloimetha Menōna tonde agathon iatron genesthai, para tinas an auton pempoimen didaskalous; arʼ ou para tous iatrous; AN. pany ge. SŌ. ti dʼ ei skytotomon agathon bouloimetha genesthai, arʼ ou para tous skytotomous; AN. nai. SŌ. kai talla houtōs; AN. pany ge. SŌ. hōde dē moi palin peri tōn autōn eipe. para tous iatrous, phamen, pempontes tonde kalōs an epempomen, boulomenoi iatron genesthai
Translation coming soon for this language.
Source edition (provenance)
perseus:tlg0059.tlg024.perseus-grc2; plato:meno; section 90 part 1; transliteration: greek-transliteration (build)