Languages

Work 5 · Passage 40

Work 5 · Passage 40

Plato

Greek

· ἆρʼ ὅταν τοῦτο λέγωμεν, τόδε λέγομεν, ὅτι παρὰ τούτους πέμποντες αὐτὸν σωφρονοῖμεν ἄν, τοὺς ἀντιποιουμένους τε τῆς τέχνης μᾶλλον ἢ τοὺς μή, καὶ τοὺς μισθὸν πραττομένους ἐπʼ αὐτῷ τούτῳ, ἀποφήναντας αὑτοὺς διδασκάλους τοῦ βουλομένου ἰέναι τε καὶ μανθάνειν; ἆρʼ οὐ πρὸς ταῦτα βλέψαντες καλῶς ἂν πέμποιμεν; ΑΝ. ναί. ΣΩ. οὐκοῦν καὶ περὶ αὐλήσεως καὶ τῶν ἄλλων τὰ αὐτὰ ταῦτα; πολλὴ ἄνοιά ἐστι βουλομένους αὐλητήν τινα ποιῆσαι παρὰ μὲν τοὺς ὑπισχνουμένους διδάξειν τὴν τέχνην καὶ μισθὸν πραττομένους μὴ ἐθέλειν πέμπειν, ἄλλοις δέ τισιν πράγματα παρέχειν, ζητοῦντα μανθάνειν παρὰ τούτων, οἳ μήτε προσποιοῦνται διδάσκαλοι εἶναι μήτʼ ἔστιν αὐτῶν μαθητὴς μηδεὶς τούτου τοῦ μαθήματος ὃ ἡμεῖς ἀξιοῦμεν μανθάνειν παρʼ αὐτῶν ὃν ἂν πέμπωΜΕΝ. οὐ πολλή σοι δοκεῖ ἀλογία εἶναι; ΑΝ. ναὶ μὰ Δία ἔμοιγε, καὶ ἀμαθία γε πρός.

Transliteration

arʼ hotan touto legōmen, tode legomen, hoti para toutoys pempontes auton sōphronoimen an, tous antipoioumenoys te tēs technēs mallon ē tous mē, kai tous misthon prattomenous epʼ autō toutō, apophēnantas hautous didaskalous tou boulomenoy ienai te kai manthanein; arʼ ou pros tauta blepsantes kalōs an pempoimen; AN. nai. SŌ. oukoyn kai peri aulēseōs kai tōn allōn ta auta tauta; pollē anoia esti boulomenoys aulētēn tina poiēsai para men tous hypischnoumenoys didaxein tēn technēn kai misthon prattomenous mē ethelein pempein, allois de tisin pragmata parechein, zētounta manthanein para toutōn, hoi mēte prospoiountai didaskaloi einai mētʼ estin autōn mathētēs mēdeis toutoy tou mathēmatos ho hēmeis axioumen manthanein parʼ autōn hon an pempōMEN. ou pollē soi dokei alogia einai; AN. nai ma Dia emoige, kai amathia ge pros.

Translation coming soon for this language.

Source edition (provenance)

perseus:tlg0059.tlg024.perseus-grc2; plato:meno; section 90 part 2; transliteration: greek-transliteration (build)

Share X Facebook