Languages

Work 5 · Passage 4

Work 5 · Passage 4

Plato

Greek

ΜΕΝ. καὶ ἄλλαι πάμπολλαι ἀρεταί εἰσιν, ὥστε οὐκ ἀπορία εἰπεῖν ἀρετῆς πέρι ὅτι ἐστίν· καθʼ ἑκάστην γὰρ τῶν πράξεων καὶ τῶν ἡλικιῶν πρὸς ἕκαστον ἔργον ἑκάστῳ ἡμῶν ἡ ἀρετή ἐστιν, ὡσαύτως δὲ οἶμαι, ὦ Σώκρατες, καὶ ἡ κακία. ΣΩ. πολλῇ γέ τινι εὐτυχίᾳ ἔοικα κεχρῆσθαι, ὦ Μένων, εἰ μίαν ζητῶν ἀρετὴν σμῆνός τι ἀνηύρηκα ἀρετῶν παρὰ σοὶ κείμενον. ἀτάρ, ὦ Μένων, κατὰ ταύτην τὴν εἰκόνα τὴν περὶ τὰ σμήνη, εἴ μου ἐρομένου μελίττης περὶ οὐσίας ὅτι ποτʼ ἐστίν, πολλὰς καὶ παντοδαπὰς ἔλεγες αὐτὰς εἶναι, τί ἂν ἀπεκρίνω μοι, εἴ σε ἠρόμην· ἆρα τούτῳ φῂς πολλὰς καὶ παντοδαπὰς εἶναι καὶ διαφερούσας ἀλλήλων, τῷ μελίττας εἶναι; ἢ τούτῳ μὲν οὐδὲν διαφέρουσιν, ἄλλῳ δέ τῳ, οἷον ἢ κάλλει ἢ μεγέθει ἢ ἄλλῳ τῳ τῶν τοιούτων; εἰπέ, τί ἂν ἀπεκρίνω οὕτως ἐρωτηθείς; ΜΕΝ. τοῦτʼ ἔγωγε, ὅτι οὐδὲν διαφέρουσιν, ᾗ μέλιτται εἰσίν, ἡ ἑτέρα τῆς ἑτέρας. ΣΩ. εἰ οὖν εἶπον μετὰ ταῦτα· τοῦτο τοίνυν μοι αὐτὸ εἰπέ, ὦ Μένων· ᾧ οὐδὲν διαφέρουσιν ἀλλὰ ταὐτόν εἰσιν ἅπασαι, τί τοῦτο φῂς εἶναι; εἶχες δήπου ἄν τί μοι εἰπεῖν; ΜΕΝ. ἔγωγε. ΣΩ. οὕτω δὴ καὶ περὶ τῶν ἀρετῶν· κἂν εἰ πολλαὶ καὶ παντοδαπαί εἰσιν, ἕν γέ τι εἶδος ταὐτὸν ἅπασαι ἔχουσιν διʼ ὃ εἰσὶν ἀρεταί, εἰς ὃ καλῶς που ἔχει ἀποβλέψαντα τὸν ἀποκρινόμενον τῷ ἐρωτήσαντι ἐκεῖνο δηλῶσαι, ὃ τυγχάνει οὖσα ἀρετή· ἢ οὐ μανθάνεις ὅτι λέγω; ΜΕΝ. δοκῶ γέ μοι μανθάνειν

Transliteration

MEN. kai allai pampollai aretai eisin, hōste ouk aporia eipein aretēs peri hoti estin kathʼ hekastēn gar tōn praxeōn kai tōn hēlikiōn pros hekaston ergon hekastō hēmōn hē aretē estin, hōsautōs de oimai, ō Sōkrates, kai hē kakia. SŌ. pollē ge tini eutychia eoika kechrēsthai, ō Menōn, ei mian zētōn aretēn smēnos ti anēurēka aretōn para soi keimenon. atar, ō Menōn, kata tautēn tēn eikona tēn peri ta smēnē, ei mou eromenou melittēs peri ousias hoti potʼ estin, pollas kai pantodapas eleges autas einai, ti an apekrinō moi, ei se ēromēn ara toutō phēs pollas kai pantodapas einai kai diapherousas allēlōn, tō melittas einai; ē toutō men ouden diapherousin, allō de tō, hoion ē kallei ē megethei ē allō tō tōn toioutōn; eipe, ti an apekrinō houtōs erōtētheis; MEN. toutʼ egōge, hoti ouden diapherousin, hē melittai eisin, hē hetera tēs heteras. SŌ. ei oun eipon meta tauta touto toinyn moi auto eipe, ō Menōn hō ouden diapherousin alla tauton eisin hapasai, ti touto phēs einai; eiches dēpou an ti moi eipein; MEN. egōge. SŌ. houtō dē kai peri tōn aretōn kan ei pollai kai pantodapai eisin, hen ge ti eidos tauton hapasai echousin diʼ ho eisin aretai, eis ho kalōs pou echei apoblepsanta ton apokrinomenon tō erōtēsanti ekeino dēlōsai, ho tynchanei ousa aretē ē ou manthaneis hoti legō; MEN. dokō ge moi manthanein

Translation coming soon for this language.

Source edition (provenance)

perseus:tlg0059.tlg024.perseus-grc2; plato:meno; section 72 part 1; transliteration: greek-transliteration (build)

Share X Facebook