Languages

Work 5 · Passage 41

Work 5 · Passage 41

Plato

Greek

ΣΩ. καλῶς λέγεις. νῦν τοίνυν ἔξεστί σε μετʼ ἐμοῦ κοινῇ βουλεύεσθαι περὶ τοῦ ξένου τουτουῒ Μένωνος. οὗτος γάρ, ὦ Ἄνυτε, πάλαι λέγει πρός με ὅτι ἐπιθυμεῖ ταύτης τῆς σοφίας καὶ ἀρετῆς ᾗ οἱ ἄνθρωποι τάς τε οἰκίας καὶ τὰς πόλεις καλῶς διοικοῦσι, καὶ τοὺς γονέας τοὺς αὑτῶν θεραπεύουσι, καὶ πολίτας καὶ ξένους ὑποδέξασθαί τε καὶ ἀποπέμψαι ἐπίστανται ἀξίως ἀνδρὸς ἀγαθοῦ. ταύτην οὖν τὴν ἀρετὴν σκόπει παρὰ τίνας ἂν πέμποντες αὐτὸν ὀρθῶς πέμποιΜΕΝ. ἢ δῆλον δὴ κατὰ τὸν ἄρτι λόγον ὅτι παρὰ τούτους τοὺς ὑπισχνουμένους ἀρετῆς διδασκάλους εἶναι καὶ ἀποφήναντας αὑτοὺς κοινοὺς τῶν Ἑλλήνων τῷ βουλομένῳ μανθάνειν, μισθὸν τούτου ταξαμένους τε καὶ πραττομένους; ΑΝ. καὶ τίνας λέγεις τούτους, ὦ Σώκρατες; ΣΩ. οἶσθα δήπου καὶ σὺ ὅτι οὗτοί εἰσιν οὓς οἱ ἄνθρωποι καλοῦσι σοφιστάς. ΑΝ. Ἡράκλεις, εὐφήμει, ὦ Σώκρατες. μηδένα τῶν γʼ ἐμῶν μήτε οἰκείων μήτε φίλων, μήτε ἀστὸν μήτε ξένον, τοιαύτη μανία λάβοι, ὥστε παρὰ τούτους ἐλθόντα λωβηθῆναι, ἐπεὶ οὗτοί γε φανερά ἐστι λώβη τε καὶ διαφθορὰ τῶν συγγιγνομένων. ΣΩ. πῶς λέγεις, ὦ Ἄνυτε; οὗτοι ἄρα μόνοι τῶν ἀντιποιουμένων τι ἐπίστασθαι εὐεργετεῖν τοσοῦτον τῶν ἄλλων διαφέρουσιν, ὅσον οὐ μόνον οὐκ ὠφελοῦσιν, ὥσπερ οἱ ἄλλοι, ὅτι ἄν τις αὐτοῖς παραδῷ, ἀλλὰ καὶ τὸ ἐναντίον διαφθείρουσιν; καὶ τούτων φανερῶς χρήματα ἀξιοῦσι πράττεσθαι; ἐγὼ μὲν οὖν οὐκ ἔχω ὅπως σοι πιστεύσω

Transliteration

SŌ. kalōs legeis. nyn toinyn exesti se metʼ emou koinē bouleuesthai peri tou xenou toutoyi Menōnos. houtos gar, ō Anyte, palai legei pros me hoti epithymei tautēs tēs sophias kai aretēs hē hoi anthrōpoi tas te oikias kai tas poleis kalōs dioikousi, kai tous goneas tous hautōn therapeuousi, kai politas kai xenous hypodexasthai te kai apopempsai epistantai axiōs andros agathou. tautēn oun tēn aretēn skopei para tinas an pempontes auton orthōs pempoiMEN. ē dēlon dē kata ton arti logon hoti para toutoys tous hypischnoumenoys aretēs didaskalous einai kai apophēnantas hautous koinous tōn hEllēnōn tō boulomenō manthanein, misthon toutoy taxamenous te kai prattomenous; AN. kai tinas legeis toutoys, ō Sōkrates; SŌ. oistha dēpou kai sy hoti houtoi eisin hous hoi anthrōpoi kalousi sophistas. AN. hĒrakleis, euphēmei, ō Sōkrates. mēdena tōn gʼ emōn mēte oikeiōn mēte philōn, mēte aston mēte xenon, toiautē mania laboi, hōste para toutoys elthonta lōbēthēnai, epei houtoi ge phanera esti lōbē te kai diaphthora tōn syngignomenōn. SŌ. pōs legeis, ō Anyte; houtoi ara monoi tōn antipoioumenōn ti epistasthai euergetein tosouton tōn allōn diapherousin, hoson ou monon ouk ōphelousin, hōsper hoi alloi, hoti an tis autois paradō, alla kai to enantion diaphtheirousin; kai toutōn phanerōs chrēmata axiousi prattesthai; egō men oun ouk echō hopōs soi pisteusō

Translation coming soon for this language.

Source edition (provenance)

perseus:tlg0059.tlg024.perseus-grc2; plato:meno; section 91 part 1; transliteration: greek-transliteration (build)

Share X Facebook