Work 5 · Passage 47
Plato
Greek
ΣΩ. οὗτος μὲν δή σοι τοιοῦτος διδάσκαλος ἀρετῆς, ὃν καὶ σὺ ὁμολογεῖς ἐν τοῖς ἄριστον τῶν προτέρων εἶναι· ἄλλον δὲ δὴ σκεψώμεθα, Ἀριστείδην τὸν Λυσιμάχου· ἢ τοῦτον οὐχ ὁμολογεῖς ἀγαθὸν γεγονέναι; ΑΝ. ἔγωγε, πάντως δήπου. ΣΩ. οὐκοῦν καὶ οὗτος τὸν ὑὸν τὸν αὑτοῦ Λυσίμαχον, ὅσα μὲν διδασκάλων εἴχετο, κάλλιστα Ἀθηναίων ἐπαίδευσε, ἄνδρα δὲ βελτίω δοκεῖ σοι ὁτουοῦν πεποιηκέναι; τούτῳ γάρ που καὶ συγγέγονας καὶ ὁρᾷς οἷός ἐστιν. εἰ δὲ βούλει, Περικλέα, οὕτως μεγαλοπρεπῶς σοφὸν ἄνδρα, οἶσθʼ ὅτι δύο ὑεῖς ἔθρεψε, Πάραλον καὶ Ξάνθιππον; ΑΝ. ἔγωγε. ΣΩ. τούτους μέντοι, ὡς οἶσθα καὶ σύ, ἱππέας μὲν ἐδίδαξεν οὐδενὸς χείρους Ἀθηναίων, καὶ μουσικὴν καὶ ἀγωνίαν καὶ τἆλλα ἐπαίδευσεν ὅσα τέχνης ἔχεται οὐδενὸς χείρους· ἀγαθοὺς δὲ ἄρα ἄνδρας οὐκ ἐβούλετο ποιῆσαι; δοκῶ μέν, ἐβούλετο, ἀλλὰ μὴ οὐκ ᾖ διδακτόν. ἵνα δὲ μὴ ὀλίγους οἴῃ καὶ τοὺς φαυλοτάτους Ἀθηναίων ἀδυνάτους γεγονέναι τοῦτο τὸ πρᾶγμα, ἐνθυμήθητι ὅτι Θουκυδίδης αὖ δύο ὑεῖς ἔθρεψεν, Μελησίαν καὶ Στέφανον, καὶ τούτους ἐπαίδευσεν τά τε ἄλλα εὖ καὶ ἐπάλαισαν κάλλιστα Ἀθηναίων—τὸν μὲν γὰρ Ξανθίᾳ ἔδωκε, τὸν δὲ Εὐδώρῳ· οὗτοι δέ που ἐδόκουν τῶν τότε κάλλιστα παλαίειν—ἢ οὐ μέμνησαι; ΑΝ. ἔγωγε, ἀκοῇ. ΣΩ. οὐκοῦν δῆλον ὅτι οὗτος οὐκ ἄν ποτε, οὗ μὲν ἔδει δαπανώμενον διδάσκειν, ταῦτα μὲν ἐδίδαξε τοὺς παῖδας τοὺς αὑτοῦ, οὗ δὲ οὐδὲν ἔδει ἀναλώσαντα ἀγαθοὺς ἄνδρας ποιῆσαι, ταῦτα δὲ οὐκ ἐδίδαξεν, εἰ διδακτὸν ἦν; ἀλλὰ γὰρ ἴσως ὁ Θουκυδίδης φαῦλος ἦν, καὶ οὐκ ἦσαν αὐτῷ πλεῖστοι φίλοι Ἀθηναίων καὶ τῶν συμμάχων; καὶ οἰκίας μεγάλης ἦν καὶ ἐδύνατο μέγα ἐν τῇ πόλει καὶ ἐν τοῖς ἄλλοις Ἕλλησιν, ὥστε εἴπερ ἦν τοῦτο διδακτόν, ἐξευρεῖν ἂν ὅστις ἔμελλεν αὐτοῦ τοὺς ὑεῖς ἀγαθοὺς ποιήσειν, ἢ τῶν ἐπιχωρίων τις ἢ τῶν ξένων, εἰ αὐτὸς μὴ ἐσχόλαζεν διὰ τὴν τῆς πόλεως ἐπιμέλειαν. ἀλλὰ γάρ, ὦ ἑταῖρε Ἄνυτε, μὴ οὐκ ᾖ διδακτὸν ἀρετή.
Transliteration
SŌ. houtos men dē soi toioutos didaskalos aretēs, hon kai sy homologeis en tois ariston tōn proterōn einai allon de dē skepsōmetha, Aristeidēn ton Lysimachou ē touton ouch homologeis agathon gegonenai; AN. egōge, pantōs dēpou. SŌ. oukoyn kai houtos ton hyon ton hautou Lysimachon, hosa men didaskalōn eicheto, kallista Athēnaiōn epaideuse, andra de beltiō dokei soi hotouoyn pepoiēkenai; toutō gar pou kai syngegonas kai horas hoios estin. ei de boulei, Periklea, houtōs megaloprepōs sophon andra, oisthʼ hoti dyo hyeis ethrepse, Paralon kai Xanthippon; AN. egōge. SŌ. toutoys mentoi, hōs oistha kai sy, hippeas men edidaxen oudenos cheirous Athēnaiōn, kai mousikēn kai agōnian kai talla epaideusen hosa technēs echetai oudenos cheirous agathous de ara andras ouk ebouleto poiēsai; dokō men, ebouleto, alla mē ouk ē didakton. hina de mē oligous oiē kai tous phaulotatous Athēnaiōn adynatous gegonenai touto to pragma, enthymēthēti hoti THoukydidēs au dyo hyeis ethrepsen, Melēsian kai Stephanon, kai toutoys epaideusen ta te alla eu kai epalaisan kallista Athēnaiōn—ton men gar Xanthia edōke, ton de Eydōrō houtoi de pou edokoun tōn tote kallista palaiein—ē ou memnēsai; AN. egōge, akoē. SŌ. oukoyn dēlon hoti houtos ouk an pote, hou men edei dapanōmenon didaskein, tauta men edidaxe tous paidas tous hautou, hou de ouden edei analōsanta agathous andras poiēsai, tauta de ouk edidaxen, ei didakton ēn; alla gar isōs ho THoukydidēs phaulos ēn, kai ouk ēsan autō pleistoi philoi Athēnaiōn kai tōn symmachōn; kai oikias megalēs ēn kai edynato mega en tē polei kai en tois allois hEllēsin, hōste eiper ēn touto didakton, exeurein an hostis emellen autou tous hyeis agathous poiēsein, ē tōn epichōriōn tis ē tōn xenōn, ei autos mē escholazen dia tēn tēs poleōs epimeleian. alla gar, ō hetaire Anyte, mē ouk ē didakton aretē.
Translation coming soon for this language.
Source edition (provenance)
perseus:tlg0059.tlg024.perseus-grc2; plato:meno; section 94; transliteration: greek-transliteration (build)