Work 5 · Passage 48
Plato
Greek
ΑΝ. ὦ Σώκρατες, ῥᾳδίως μοι δοκεῖς κακῶς λέγειν ἀνθρώπους. ἐγὼ μὲν οὖν ἄν σοι συμβουλεύσαιμι, εἰ ἐθέλεις ἐμοὶ πείθεσθαι, εὐλαβεῖσθαι· ὡς ἴσως μὲν καὶ ἐν ἄλλῃ πόλει ῥᾷόν ἐστιν κακῶς ποιεῖν ἀνθρώπους ἢ εὖ, ἐν τῇδε δὲ καὶ πάνυ· οἶμαι δὲ σὲ καὶ αὐτὸν εἰδέναι. ΣΩ. ὦ Μένων, Ἄνυτος μέν μοι δοκεῖ χαλεπαίνειν, καὶ οὐδὲν θαυμάζω· οἴεται γάρ με πρῶτον μὲν κακηγορεῖν τούτους τοὺς ἄνδρας, ἔπειτα ἡγεῖται καὶ αὐτὸς εἶναι εἷς τούτων. ἀλλʼ οὗτος μὲν ἐάν ποτε γνῷ οἷόν ἐστιν τὸ κακῶς λέγειν, παύσεται χαλεπαίνων, νῦν δὲ ἀγνοεῖ· σὺ δέ μοι εἰπέ, οὐ καὶ παρʼ ὑμῖν εἰσιν καλοὶ κἀγαθοὶ ἄνδρες; ΜΕΝ. πάνυ γε. ΣΩ. τί οὖν; ἐθέλουσιν οὗτοι παρέχειν αὑτοὺς διδασκάλους τοῖς νέοις, καὶ ὁμολογεῖν διδάσκαλοί τε εἶναι καὶ διδακτὸν ἀρετήν; ΜΕΝ. οὐ μὰ τὸν Δία, ὦ Σώκρατες, ἀλλὰ τοτὲ μὲν ἂν αὐτῶν ἀκούσαις ὡς διδακτόν, τοτὲ δὲ ὡς οὔ. ΣΩ. φῶμεν οὖν τούτους διδασκάλους εἶναι τούτου τοῦ πράγματος, οἷς μηδὲ αὐτὸ τοῦτο ὁμολογεῖται; ΜΕΝ. οὔ μοι δοκεῖ, ὦ Σώκρατες. ΣΩ. τί δὲ δή; οἱ σοφισταί σοι οὗτοι, οἵπερ μόνοι ἐπαγγέλλονται, δοκοῦσι διδάσκαλοι εἶναι ἀρετῆς; ΜΕΝ. καὶ Γοργίου μάλιστα, ὦ Σώκρατες, ταῦτα ἄγαμαι, ὅτι οὐκ ἄν ποτε αὐτοῦ τοῦτο ἀκούσαις ὑπισχνουμένου, ἀλλὰ καὶ τῶν ἄλλων καταγελᾷ, ὅταν ἀκούσῃ ὑπισχνουμένων· ἀλλὰ λέγειν οἴεται δεῖν ποιεῖν δεινούς. ΣΩ. οὐδʼ ἄρα σοὶ δοκοῦσιν οἱ σοφισταὶ διδάσκαλοι εἶναι; ΜΕΝ. οὐκ ἔχω λέγειν, ὦ Σώκρατες. καὶ γὰρ αὐτὸς ὅπερ οἱ πολλοὶ πέπονθα· τοτὲ μέν μοι δοκοῦσιν, τοτὲ δὲ οὔ. ΣΩ. οἶσθα δὲ ὅτι οὐ μόνον σοί τε καὶ τοῖς ἄλλοις τοῖς πολιτικοῖς τοῦτο δοκεῖ τοτὲ μὲν εἶναι διδακτόν, τοτὲ δʼ οὔ, ἀλλὰ καὶ Θέογνιν τὸν ποιητὴν οἶσθʼ ὅτι ταὐτὰ ταῦτα λέγει; ΜΕΝ. ἐν ποίοις ἔπεσιν; ΣΩ. ἐν τοῖς ἐλεγείοις, οὗ λέγει— καὶ παρὰ τοῖσιν πῖνε καὶ ἔσθιε, καὶ μετὰ τοῖσιν ἵζε, καὶ ἅνδανε τοῖς, ὧν μεγάλη δύναμις. ἐσθλῶν μὲν γὰρ ἄπʼ ἐσθλὰ διδάξεαι
Transliteration
AN. ō Sōkrates, rhadiōs moi dokeis kakōs legein anthrōpous. egō men oun an soi symbouleusaimi, ei etheleis emoi peithesthai, eulabeisthai hōs isōs men kai en allē polei rhaon estin kakōs poiein anthrōpous ē eu, en tēde de kai pany oimai de se kai auton eidenai. SŌ. ō Menōn, Anytos men moi dokei chalepainein, kai ouden thaumazō oietai gar me prōton men kakēgorein toutoys tous andras, epeita hēgeitai kai autos einai heis toutōn. allʼ houtos men ean pote gnō hoion estin to kakōs legein, pausetai chalepainōn, nyn de agnoei sy de moi eipe, ou kai parʼ hymin eisin kaloi kagathoi andres; MEN. pany ge. SŌ. ti oun; ethelousin houtoi parechein hautous didaskalous tois neois, kai homologein didaskaloi te einai kai didakton aretēn; MEN. ou ma ton Dia, ō Sōkrates, alla tote men an autōn akousais hōs didakton, tote de hōs ou. SŌ. phōmen oun toutoys didaskalous einai toutoy tou pragmatos, hois mēde auto touto homologeitai; MEN. ou moi dokei, ō Sōkrates. SŌ. ti de dē; hoi sophistai soi houtoi, hoiper monoi epangellontai, dokousi didaskaloi einai aretēs; MEN. kai Gorgiou malista, ō Sōkrates, tauta agamai, hoti ouk an pote autou touto akousais hypischnoumenoy, alla kai tōn allōn katagela, hotan akousē hypischnoumenōn alla legein oietai dein poiein deinous. SŌ. oudʼ ara soi dokousin hoi sophistai didaskaloi einai; MEN. ouk echō legein, ō Sōkrates. kai gar autos hoper hoi polloi pepontha tote men moi dokousin, tote de ou. SŌ. oistha de hoti ou monon soi te kai tois allois tois politikois touto dokei tote men einai didakton, tote dʼ ou, alla kai THeognin ton poiētēn oisthʼ hoti tauta tauta legei; MEN. en poiois epesin; SŌ. en tois elegeiois, hou legei— kai para toisin pine kai esthie, kai meta toisin hize, kai handane tois, hōn megalē dynamis. esthlōn men gar apʼ esthla didaxeai
Translation coming soon for this language.
Source edition (provenance)
perseus:tlg0059.tlg024.perseus-grc2; plato:meno; section 95 part 1; transliteration: greek-transliteration (build)