Work 5 · Passage 54
Plato
Greek
ΣΩ. τῶν ἐκείνου ποιημάτων λελυμένον μὲν ἐκτῆσθαι οὐ πολλῆς τινος ἄξιόν ἐστι τιμῆς, ὥσπερ δραπέτην ἄνθρωπον —οὐ γὰρ παραμένει—δεδεμένον δὲ πολλοῦ ἄξιον· πάνυ γὰρ καλὰ τὰ ἔργα ἐστίν. πρὸς τί οὖν δὴ λέγω ταῦτα; πρὸς τὰς δόξας τὰς ἀληθεῖς. καὶ γὰρ αἱ δόξαι αἱ ἀληθεῖς, ὅσον μὲν ἂν χρόνον παραμένωσιν, καλὸν τὸ χρῆμα καὶ πάντʼ ἀγαθὰ ἐργάζονται· πολὺν δὲ χρόνον οὐκ ἐθέλουσι παραμένειν, ἀλλὰ δραπετεύουσιν ἐκ τῆς ψυχῆς τοῦ ἀνθρώπου, ὥστε οὐ πολλοῦ ἄξιαί εἰσιν, ἕως ἄν τις αὐτὰς δήσῃ αἰτίας λογισμῷ. τοῦτο δʼ ἐστίν, ὦ Μένων ἑταῖρε, ἀνάμνησις, ὡς ἐν τοῖς πρόσθεν ἡμῖν ὡμολόγηται. ἐπειδὰν δὲ δεθῶσιν, πρῶτον μὲν ἐπιστῆμαι γίγνονται, ἔπειτα μόνιμοι· καὶ διὰ ταῦτα δὴ τιμιώτερον ἐπιστήμη ὀρθῆς δόξης ἐστίν, καὶ διαφέρει δεσμῷ ἐπιστήμη ὀρθῆς δόξης. ΜΕΝ. νὴ τὸν Δία, ὦ Σώκρατες, ἔοικεν τοιούτῳ τινί. ΣΩ. καὶ μὴν καὶ ἐγὼ ὡς οὐκ εἰδὼς λέγω, ἀλλὰ εἰκάζων· ὅτι δέ ἐστίν τι ἀλλοῖον ὀρθὴ δόξα καὶ ἐπιστήμη, οὐ πάνυ μοι δοκῶ τοῦτο εἰκάζειν, ἀλλʼ εἴπερ τι ἄλλο φαίην ἂν εἰδέναι—ὀλίγα δʼ ἂν φαίην—ἓν δʼ οὖν καὶ τοῦτο ἐκείνων θείην ἂν ὧν οἶδα. ΜΕΝ. καὶ ὀρθῶς γε, ὦ Σώκρατες, λέγεις. ΣΩ. τί δέ; τόδε οὐκ ὀρθῶς, ὅτι ἀληθὴς δόξα ἡγουμένη τὸ ἔργον ἑκάστης τῆς πράξεως οὐδὲν χεῖρον ἀπεργάζεται ἢ ἐπιστήμη; ΜΕΝ. καὶ τοῦτο δοκεῖς μοι ἀληθῆ λέγειν. ΣΩ. οὐδὲν ἄρα ὀρθὴ δόξα ἐπιστήμης χεῖρον οὐδὲ ἧττον ὠφελίμη ἔσται εἰς τὰς πράξεις, οὐδὲ ἁνὴρ ὁ ἔχων ὀρθὴν δόξαν ἢ ὁ ἐπιστήμην. ΜΕΝ. ἔστι ταῦτα. ΣΩ. καὶ μὴν ὅ γε ἀγαθὸς ἀνὴρ ὠφέλιμος ἡμῖν ὡμολόγηται εἶναι. ΜΕΝ. ναί. ΣΩ. ἐπειδὴ τοίνυν οὐ μόνον διʼ ἐπιστήμην ἀγαθοὶ ἄνδρες ἂν εἶεν καὶ ὠφέλιμοι ταῖς πόλεσιν, εἴπερ εἶεν, ἀλλὰ καὶ διʼ ὀρθὴν δόξαν, τούτοιν δὲ οὐδέτερον φύσει ἐστὶν τοῖς ἀνθρώποις, οὔτε ἐπιστήμη οὔτε δόξα ἀληθής, οὔτʼ ἐπίκτητα—ἢ δοκεῖ σοι φύσει ὁποτερονοῦν αὐτοῖν εἶναι
Transliteration
SŌ. tōn ekeinou poiēmatōn lelymenon men ektēsthai ou pollēs tinos axion esti timēs, hōsper drapetēn anthrōpon —ou gar paramenei—dedemenon de pollou axion pany gar kala ta erga estin. pros ti oun dē legō tauta; pros tas doxas tas alētheis. kai gar hai doxai hai alētheis, hoson men an chronon paramenōsin, kalon to chrēma kai pantʼ agatha ergazontai polyn de chronon ouk ethelousi paramenein, alla drapeteuousin ek tēs psychēs tou anthrōpou, hōste ou pollou axiai eisin, heōs an tis autas dēsē aitias logismō. touto dʼ estin, ō Menōn hetaire, anamnēsis, hōs en tois prosthen hēmin hōmologētai. epeidan de dethōsin, prōton men epistēmai gignontai, epeita monimoi kai dia tauta dē timiōteron epistēmē orthēs doxēs estin, kai diapherei desmō epistēmē orthēs doxēs. MEN. nē ton Dia, ō Sōkrates, eoiken toioutō tini. SŌ. kai mēn kai egō hōs ouk eidōs legō, alla eikazōn hoti de estin ti alloion orthē doxa kai epistēmē, ou pany moi dokō touto eikazein, allʼ eiper ti allo phaiēn an eidenai—oliga dʼ an hphaiēn—en dʼ oun kai touto ekeinōn theiēn an hōn oida. MEN. kai orthōs ge, ō Sōkrates, legeis. SŌ. ti de; tode ouk orthōs, hoti alēthēs doxa hēgoumenē to ergon hekastēs tēs praxeōs ouden cheiron apergazetai ē epistēmē; MEN. kai touto dokeis moi alēthē legein. SŌ. ouden ara orthē doxa epistēmēs cheiron oude hētton ōphelimē estai eis tas praxeis, oude hanēr ho echōn orthēn doxan ē ho epistēmēn. MEN. esti tauta. SŌ. kai mēn ho ge agathos anēr ōphelimos hēmin hōmologētai einai. MEN. nai. SŌ. epeidē toinyn ou monon diʼ epistēmēn agathoi andres an eien kai ōphelimoi tais polesin, eiper eien, alla kai diʼ orthēn doxan, toutoin de oudeteron physei estin tois anthrōpois, oute epistēmē oute doxa alēthēs, outʼ epiktēta—ē dokei soi physei hopoteronoun autoin einai
Translation coming soon for this language.
Source edition (provenance)
perseus:tlg0059.tlg024.perseus-grc2; plato:meno; section 98 part 1; transliteration: greek-transliteration (build)