Languages

Work 5 · Passage 55

Work 5 · Passage 55

Plato

Greek

; ΜΕΝ. οὐκ ἔμοιγε. ΣΩ. οὐκοῦν ἐπειδὴ οὐ φύσει, οὐδὲ οἱ ἀγαθοὶ φύσει εἶεν ἄν. ΜΕΝ. οὐ δῆτα. ΣΩ. ἐπειδὴ δέ γε οὐ φύσει, ἐσκοποῦμεν τὸ μετὰ τοῦτο εἰ διδακτόν ἐστιν. ΜΕΝ. ναί. ΣΩ. οὐκοῦν διδακτὸν ἔδοξεν εἶναι, εἰ φρόνησις ἡ ἀρετή; ΜΕΝ. ναί. ΣΩ. κἂν εἴ γε διδακτὸν εἴη, φρόνησις ἂν εἶναι; ΜΕΝ. πάνυ γε. ΣΩ. καὶ εἰ μέν γε διδάσκαλοι εἶεν, διδακτὸν ἂν εἶναι, μὴ ὄντων δὲ οὐ διδακτόν; ΜΕΝ. οὕτω. ΣΩ. ἀλλὰ μὴν ὡμολογήκαμεν μὴ εἶναι αὐτοῦ διδασκάλους; ΜΕΝ. ἔστι ταῦτα. ΣΩ. ὡμολογήκαμεν ἄρα μήτε διδακτὸν αὐτὸ μήτε φρόνησιν εἶναι; ΜΕΝ. πάνυ γε. ΣΩ. ἀλλὰ μὴν ἀγαθόν γε αὐτὸ ὁμολογοῦμεν εἶναι; ΜΕΝ. ναί. ΣΩ. ὠφέλιμον δὲ καὶ ἀγαθὸν εἶναι τὸ ὀρθῶς ἡγούμενον; ΜΕΝ. πάνυ γε.

Transliteration

; MEN. ouk emoige. SŌ. oukoyn epeidē ou physei, oude hoi agathoi physei eien an. MEN. ou dēta. SŌ. epeidē de ge ou physei, eskopoumen to meta touto ei didakton estin. MEN. nai. SŌ. oukoyn didakton edoxen einai, ei phronēsis hē aretē; MEN. nai. SŌ. kan ei ge didakton eiē, phronēsis an einai; MEN. pany ge. SŌ. kai ei men ge didaskaloi eien, didakton an einai, mē ontōn de ou didakton; MEN. houtō. SŌ. alla mēn hōmologēkamen mē einai autou didaskalous; MEN. esti tauta. SŌ. hōmologēkamen ara mēte didakton auto mēte phronēsin einai; MEN. pany ge. SŌ. alla mēn agathon ge auto homologoumen einai; MEN. nai. SŌ. ōphelimon de kai agathon einai to orthōs hēgoumenon; MEN. pany ge.

Translation coming soon for this language.

Source edition (provenance)

perseus:tlg0059.tlg024.perseus-grc2; plato:meno; section 98 part 2; transliteration: greek-transliteration (build)

Share X Facebook