Languages

Work 5 · Passage 56

Work 5 · Passage 56

Plato

Greek

ΣΩ. ὀρθῶς δέ γε ἡγεῖσθαι δύο ὄντα ταῦτα μόνα, δόξαν τε ἀληθῆ καὶ ἐπιστήμην, ἃ ἔχων ἄνθρωπος ὀρθῶς ἡγεῖται— τὰ γὰρ ἀπὸ τύχης τινὸς ὀρθῶς γιγνόμενα οὐκ ἀνθρωπίνῃ ἡγεμονίᾳ γίγνεται—ὧν δὲ ἄνθρωπος ἡγεμών ἐστιν ἐπὶ τὸ ὀρθόν, δύο ταῦτα, δόξα ἀληθὴς καὶ ἐπιστήμη. ΜΕΝ. δοκεῖ μοι οὕτω. ΣΩ. οὐκοῦν ἐπειδὴ οὐ διδακτόν ἐστιν, οὐδʼ ἐπιστήμη δὴ ἔτι γίγνεται ἡ ἀρετή; ΜΕΝ. οὐ φαίνεται. ΣΩ. δυοῖν ἄρα ὄντοιν ἀγαθοῖν καὶ ὠφελίμοιν τὸ μὲν ἕτερον ἀπολέλυται, καὶ οὐκ ἂν εἴη ἐν πολιτικῇ πράξει ἐπιστήμη ἡγεμών. ΜΕΝ. οὔ μοι δοκεῖ. ΣΩ. οὐκ ἄρα σοφίᾳ τινὶ οὐδὲ σοφοὶ ὄντες οἱ τοιοῦτοι ἄνδρες ἡγοῦντο ταῖς πόλεσιν, οἱ ἀμφὶ Θεμιστοκλέα τε καὶ οὓς ἄρτι Ἄνυτος ὅδε ἔλεγεν· διὸ δὴ καὶ οὐχ οἷοί τε ἄλλους ποιεῖν τοιούτους οἷοι αὐτοί εἰσι, ἅτε οὐ διʼ ἐπιστήμην ὄντες τοιοῦτοι. ΜΕΝ. ἔοικεν οὕτως ἔχειν, ὦ Σώκρατες, ὡς λέγεις. ΣΩ. οὐκοῦν εἰ μὴ ἐπιστήμῃ, εὐδοξίᾳ δὴ τὸ λοιπὸν γίγνεται· ᾗ οἱ πολιτικοὶ ἄνδρες χρώμενοι τὰς πόλεις ὀρθοῦσιν, οὐδὲν διαφερόντως ἔχοντες πρὸς τὸ φρονεῖν ἢ οἱ χρησμῳδοί τε καὶ οἱ θεομάντεις· καὶ γὰρ οὗτοι ἐνθουσιῶντες λέγουσιν μὲν ἀληθῆ καὶ πολλά, ἴσασι δὲ οὐδὲν ὧν λέγουσιν. ΜΕΝ. κινδυνεύει οὕτως ἔχειν. ΣΩ. οὐκοῦν, ὦ Μένων, ἄξιον τούτους θείους καλεῖν τοὺς ἄνδρας, οἵτινες νοῦν μὴ ἔχοντες πολλὰ καὶ μεγάλα κατορθοῦσιν ὧν πράττουσι καὶ λέγουσι; ΜΕΝ. πάνυ γε. ΣΩ. ὀρθῶς ἄρʼ ἂν καλοῖμεν θείους τε οὓς νυνδὴ ἐλέγομεν χρησμῳδοὺς καὶ μάντεις καὶ τοὺς ποιητικοὺς ἅπαντας· καὶ τοὺς πολιτικοὺς οὐχ ἥκιστα τούτων φαῖμεν ἂν θείους τε εἶναι καὶ ἐνθουσιάζειν, ἐπίπνους ὄντας καὶ κατεχομένους ἐκ τοῦ θεοῦ, ὅταν κατορθῶσι λέγοντες πολλὰ καὶ μεγάλα πράγματα, μηδὲν εἰδότες ὧν λέγουσιν. ΜΕΝ. πάνυ γε. ΣΩ. καὶ αἵ γε γυναῖκες δήπου, ὦ Μένων, τοὺς ἀγαθοὺς ἄνδρας θείους καλοῦσι

Transliteration

SŌ. orthōs de ge hēgeisthai dyo onta tauta mona, doxan te alēthē kai epistēmēn, ha echōn anthrōpos orthōs hēgeitai— ta gar apo tychēs tinos orthōs gignomena ouk anthrōpinē hēgemonia hgignetai—ōn de anthrōpos hēgemōn estin epi to orthon, dyo tauta, doxa alēthēs kai epistēmē. MEN. dokei moi houtō. SŌ. oukoyn epeidē ou didakton estin, oudʼ epistēmē dē eti gignetai hē aretē; MEN. ou phainetai. SŌ. dyoin ara ontoin agathoin kai ōphelimoin to men heteron apolelytai, kai ouk an eiē en politikē praxei epistēmē hēgemōn. MEN. ou moi dokei. SŌ. ouk ara sophia tini oude sophoi ontes hoi toioutoi andres hēgounto tais polesin, hoi amphi THemistoklea te kai hous arti Anytos hode elegen dio dē kai ouch hoioi te allous poiein toioutoys hoioi autoi eisi, hate ou diʼ epistēmēn ontes toioutoi. MEN. eoiken houtōs echein, ō Sōkrates, hōs legeis. SŌ. oukoyn ei mē epistēmē, eudoxia dē to loipon gignetai hē hoi politikoi andres chrōmenoi tas poleis orthousin, ouden diapherontōs echontes pros to phronein ē hoi chrēsmōdoi te kai hoi theomanteis kai gar houtoi enthousiōntes legousin men alēthē kai polla, isasi de ouden hōn legousin. MEN. kindyneuei houtōs echein. SŌ. oukoyn, ō Menōn, axion toutoys theious kalein tous andras, hoitines noun mē echontes polla kai megala katorthousin hōn prattousi kai legousi; MEN. pany ge. SŌ. orthōs arʼ an kaloimen theious te hous nyndē elegomen chrēsmōdous kai manteis kai tous poiētikous hapantas kai tous politikous ouch hēkista toutōn phaimen an theious te einai kai enthousiazein, epipnous ontas kai katechomenous ek tou theou, hotan katorthōsi legontes polla kai megala pragmata, mēden eidotes hōn legousin. MEN. pany ge. SŌ. kai hai ge gynaikes dēpou, ō Menōn, tous agathous andras theious kalousi

Translation coming soon for this language.

Source edition (provenance)

perseus:tlg0059.tlg024.perseus-grc2; plato:meno; section 99 part 1; transliteration: greek-transliteration (build)

Share X Facebook