Work 5 · Passage 8
Plato
Greek
ΣΩ. τίνας ταύτας; εἰπέ. οἷον καὶ ἐγώ σοι εἴποιμι ἂν καὶ ἄλλα σχήματα, εἴ με κελεύοις· καὶ σὺ οὖν ἐμοὶ εἰπὲ ἄλλας ἀρετάς. ΜΕΝ. ἡ ἀνδρεία τοίνυν ἔμοιγε δοκεῖ ἀρετὴ εἶναι καὶ σωφροσύνη καὶ σοφία καὶ μεγαλοπρέπεια καὶ ἄλλαι πάμπολλαι. ΣΩ. πάλιν, ὦ Μένων, ταὐτὸν πεπόνθαμεν· πολλὰς αὖ ηὑρήκαμεν ἀρετὰς μίαν ζητοῦντες, ἄλλον τρόπον ἢ νυνδή· τὴν δὲ μίαν, ἣ διὰ πάντων τούτων ἐστίν, οὐ δυνάμεθα ἀνευρεῖν. ΜΕΝ. οὐ γὰρ δύναμαί πω, ὦ Σώκρατες, ὡς σὺ ζητεῖς, μίαν ἀρετὴν λαβεῖν κατὰ πάντων, ὥσπερ ἐν τοῖς ἄλλοις. ΣΩ. εἰκότως γε· ἀλλʼ ἐγὼ προθυμήσομαι, ἐὰν οἷός τʼ ὦ, ἡμᾶς προβιβάσαι. μανθάνεις γάρ που ὅτι οὑτωσὶ ἔχει περὶ παντός· εἴ τίς σε ἀνέροιτο τοῦτο ὃ νυνδὴ ἐγὼ ἔλεγον, τί ἐστιν σχῆμα, ὦ Μένων; εἰ αὐτῷ εἶπες ὅτι στρογγυλότης, εἴ σοι εἶπεν ἅπερ ἐγώ, πότερον σχῆμα ἡ στρογγυλότης ἐστὶν ἢ σχῆμά τι; εἶπες δήπου ἂν ὅτι σχῆμά τι. ΜΕΝ. πάνυ γε. ΣΩ. οὐκοῦν διὰ ταῦτα, ὅτι καὶ ἄλλα ἔστιν σχήματα; ΜΕΝ. ναί. ΣΩ. καὶ εἴ γε προσανηρώτα σε ὁποῖα, ἔλεγες ἄν; ΜΕΝ. ἔγωγε. ΣΩ. καὶ αὖ εἰ περὶ χρώματος ὡσαύτως ἀνήρετο ὅτι ἐστίν, καὶ εἰπόντος σου ὅτι τὸ λευκόν, μετὰ ταῦτα ὑπέλαβεν ὁ ἐρωτῶν
Transliteration
SŌ. tinas tautas; eipe. hoion kai egō soi eipoimi an kai alla schēmata, ei me keleuois kai sy oun emoi eipe allas aretas. MEN. hē andreia toinyn emoige dokei aretē einai kai sōphrosynē kai sophia kai megaloprepeia kai allai pampollai. SŌ. palin, ō Menōn, tauton peponthamen pollas au hēurēkamen aretas mian zētountes, allon tropon ē nyndē tēn de mian, hē dia pantōn toutōn estin, ou dynametha aneurein. MEN. ou gar dynamai pō, ō Sōkrates, hōs sy zēteis, mian aretēn labein kata pantōn, hōsper en tois allois. SŌ. eikotōs ge allʼ egō prothymēsomai, ean hoios tʼ ō, hēmas probibasai. manthaneis gar pou hoti houtōsi echei peri pantos ei tis se aneroito touto ho nyndē egō elegon, ti estin schēma, ō Menōn; ei autō eipes hoti strongylotēs, ei soi eipen haper egō, poteron schēma hē strongylotēs estin ē schēma ti; eipes dēpou an hoti schēma ti. MEN. pany ge. SŌ. oukoyn dia tauta, hoti kai alla estin schēmata; MEN. nai. SŌ. kai ei ge prosanērōta se hopoia, eleges an; MEN. egōge. SŌ. kai au ei peri chrōmatos hōsautōs anēreto hoti estin, kai eipontos sou hoti to leukon, meta tauta hypelaben ho erōtōn
Translation coming soon for this language.
Source edition (provenance)
perseus:tlg0059.tlg024.perseus-grc2; plato:meno; section 74 part 1; transliteration: greek-transliteration (build)