Languages

Theme 2 · Passage 102

Theme 2 · Passage 102

Attributed to Socrates (via Plato, Xenophon, and others)

Greek

ΣΩ. λόγοι δὲ ἐκεῖνοι οἱ περὶ δικαιοσύνης τε καὶ τῆς ἄλλης ἀρετῆς ποῦ ἡμῖν ἔσονται; ἀλλὰ δὴ τῶν παίδων ἕνεκα βούλει ζῆν, ἵνα αὐτοὺς ἐκθρέψῃς καὶ παιδεύσῃς; τί δέ; εἰς Θετταλίαν αὐτοὺς ἀγαγὼν θρέψεις τε καὶ παιδεύσεις, ξένους ποιήσας, ἵνα καὶ τοῦτο ἀπολαύσωσιν; ἢ τοῦτο μὲν οὔ, αὐτοῦ δὲ τρεφόμενοι σοῦ ζῶντος βέλτιον θρέψονται καὶ παιδεύσονται μὴ συνόντος σοῦ αὐτοῖς; οἱ γὰρ ἐπιτήδειοι οἱ σοὶ ἐπιμελήσονται αὐτῶν. πότερον ἐὰν μὲν εἰς Θετταλίαν ἀποδημήσῃς, ἐπιμελήσονται, ἐὰν δὲ εἰς Ἅιδου ἀποδημήσῃς, οὐχὶ ἐπιμελήσονται; εἴπερ γέ τι ὄφελος αὐτῶν ἐστιν τῶν σοι φασκόντων ἐπιτηδείων εἶναι, οἴεσθαί γε χρή.ἀλλʼ, ὦ Σώκρατες, πειθόμενος ἡμῖν τοῖς σοῖς τροφεῦσι μήτε παῖδας περὶ πλείονος ποιοῦ μήτε τὸ ζῆν μήτε ἄλλο μηδὲν πρὸ τοῦ δικαίου, ἵνα εἰς Ἅιδου ἐλθὼν ἔχῃς πάντα ταῦτα ἀπολογήσασθαι τοῖς ἐκεῖ ἄρχουσιν· οὔτε γὰρ ἐνθάδε σοι φαίνεται ταῦτα πράττοντι ἄμεινον εἶναι οὐδὲ δικαιότερον οὐδὲ ὁσιώτερον, οὐδὲ ἄλλῳ τῶν σῶν οὐδενί, οὔτε ἐκεῖσε ἀφικομένῳ ἄμεινον ἔσται. ἀλλὰ νῦν μὲν ἠδικημένος ἄπει, ἐὰν ἀπίῃς, οὐχ ὑφʼ ἡμῶν τῶν νόμων ἀλλὰ ὑπʼ ἀνθρώπων· ἐὰν δὲ ἐξέλθῃς οὕτως αἰσχρῶς ἀνταδικήσας τε καὶ ἀντικακουργήσας, τὰς σαυτοῦ ὁμολογίας τε καὶ συνθήκας τὰς πρὸς ἡμᾶς παραβὰς καὶ κακὰ ἐργασάμενος τούτους οὓς ἥκιστα ἔδει, σαυτόν τε καὶ φίλους καὶ πατρίδα καὶ ἡμᾶς, ἡμεῖς τέ σοι χαλεπανοῦμεν ζῶντι, καὶ ἐκεῖ οἱ ἡμέτεροι ἀδελφοὶ οἱ ἐν Ἅιδου νόμοι οὐκ εὐμενῶς σε ὑποδέξονται, εἰδότες ὅτι καὶ ἡμᾶς ἐπεχείρησας ἀπολέσαι τὸ σὸν μέρος. ἀλλὰ μή σε πείσῃ Κρίτων ποιεῖν ἃ λέγει μᾶλλον ἢ ἡμεῖς.ταῦτα, ὦ φίλε ἑταῖρε Κρίτων, εὖ ἴσθι ὅτι ἐγὼ δοκῶ ἀκούειν, ὥσπερ οἱ κορυβαντιῶντες τῶν αὐλῶν δοκοῦσιν ἀκούειν, καὶ ἐν ἐμοὶ αὕτη ἡ ἠχὴ τούτων τῶν λόγων βομβεῖ καὶ ποιεῖ μὴ δύνασθαι τῶν ἄλλων ἀκούειν· ἀλλὰ ἴσθι, ὅσα γε τὰ νῦν ἐμοὶ δοκοῦντα, ἐὰν λέγῃς παρὰ ταῦτα, μάτην ἐρεῖς. ὅμως μέντοι εἴ τι οἴει πλέον ποιήσειν, λέγε.

Transliteration

SŌ. logoi de ekeinoi hoi peri dikaiosynēs te kai tēs allēs aretēs pou hēmin esontai; alla dē tōn paidōn heneka boulei zēn, hina autous ekthrepsēs kai paideusēs; ti de; eis THettalian autous agagōn threpseis te kai paideuseis, xenous poiēsas, hina kai touto apolausōsin; ē touto men ou, autou de trephomenoi sou zōntos beltion threpsontai kai paideusontai mē synontos sou autois; hoi gar epitēdeioi hoi soi epimelēsontai autōn. poteron ean men eis THettalian apodēmēsēs, epimelēsontai, ean de eis hAidou apodēmēsēs, ouchi epimelēsontai; eiper ge ti ophelos autōn estin tōn soi phaskontōn epitēdeiōn einai, oiesthai ge chrē.allʼ, ō Sōkrates, peithomenos hēmin tois sois tropheusi mēte paidas peri pleionos poiou mēte to zēn mēte allo mēden pro tou dikaiou, hina eis hAidou elthōn echēs panta tauta apologēsasthai tois ekei archousin oute gar enthade soi phainetai tauta prattonti ameinon einai oude dikaioteron oude hosiōteron, oude allō tōn sōn oudeni, oute ekeise aphikomenō ameinon estai. alla nyn men ēdikēmenos apei, ean apiēs, ouch hyphʼ hēmōn tōn nomōn alla hypʼ anthrōpōn ean de exelthēs houtōs aischrōs antadikēsas te kai antikakourgēsas, tas sautou homologias te kai synthēkas tas pros hēmas parabas kai kaka ergasamenos toutoys hous hēkista edei, sauton te kai philous kai patrida kai hēmas, hēmeis te soi chalepanoumen zōnti, kai ekei hoi hēmeteroi adelphoi hoi en hAidou nomoi ouk eumenōs se hypodexontai, eidotes hoti kai hēmas epecheirēsas apolesai to son meros. alla mē se peisē Kritōn poiein ha legei mallon ē hēmeis.tauta, ō phile hetaire Kritōn, eu isthi hoti egō dokō akouein, hōsper hoi korybantiōntes tōn aulōn dokousin akouein, kai en emoi hautē hē ēchē toutōn tōn logōn bombei kai poiei mē dynasthai tōn allōn akouein alla isthi, hosa ge ta nyn emoi dokounta, ean legēs para tauta, matēn ereis. homōs mentoi ei ti oiei pleon poiēsein, lege.

Translation coming soon for this language.

Source edition (provenance)

perseus:tlg0059.tlg003.perseus-grc2; plato:crito; section 54.1; transliteration: greek-transliteration (build)

Share X Facebook