Languages

Theme 2 · Passage 101

Theme 2 · Passage 101

Attributed to Socrates (via Plato, Xenophon, and others)

Greek

· ὅστις γὰρ νόμων διαφθορεύς ἐστιν σφόδρα που δόξειεν ἂν νέων γε καὶ ἀνοήτων ἀνθρώπων διαφθορεὺς εἶναι. πότερον οὖν φεύξῃ τάς τε εὐνομουμένας πόλεις καὶ τῶν ἀνδρῶν τοὺς κοσμιωτάτους; καὶ τοῦτο ποιοῦντι ἆρα ἄξιόν σοι ζῆν ἔσται; ἢ πλησιάσεις τούτοις καὶ ἀναισχυντήσεις διαλεγόμενος—τίνας λόγους, ὦ Σώκρατες; ἢ οὕσπερ ἐνθάδε, ὡς ἡ ἀρετὴ καὶ ἡ δικαιοσύνη πλείστου ἄξιον τοῖς ἀνθρώποις καὶ τὰ νόμιμα καὶ οἱ νόμοι; καὶ οὐκ οἴει ἄσχημον φανεῖσθαι τὸ τοῦ Σωκράτους πρᾶγμα; οἴεσθαί γε χρή. ἀλλʼ ἐκ μὲν τούτων τῶν τόπων ἀπαρεῖς, ἥξεις δὲ εἰς Θετταλίαν παρὰ τοὺς ξένους τοὺς Κρίτωνος; ἐκεῖ γὰρ δὴ πλείστη ἀταξία καὶ ἀκολασία, καὶ ἴσως ἂν ἡδέως σου ἀκούοιεν ὡς γελοίως ἐκ τοῦ δεσμωτηρίου ἀπεδίδρασκες σκευήν τέ τινα περιθέμενος, ἢ διφθέραν λαβὼν ἢ ἄλλα οἷα δὴ εἰώθασιν ἐνσκευάζεσθαι οἱ ἀποδιδράσκοντες, καὶ τὸ σχῆμα τὸ σαυτοῦ μεταλλάξας· ὅτι δὲ γέρων ἀνήρ, σμικροῦ χρόνου τῷ βίῳ λοιποῦ ὄντος ὡς τὸ εἰκός, ἐτόλμησας οὕτω γλίσχρως ἐπιθυμεῖν ζῆν, νόμους τοὺς μεγίστους παραβάς, οὐδεὶς ὃς ἐρεῖ; ἴσως, ἂν μή τινα λυπῇς· εἰ δὲ μή, ἀκούσῃ, ὦ Σώκρατες, πολλὰ καὶ ἀνάξια σαυτοῦ. ὑπερχόμενος δὴ βιώσῃ πάντας ἀνθρώπους καὶ δουλεύων— τί ποιῶν ἢ εὐωχούμενος ἐν Θετταλίᾳ, ὥσπερ ἐπὶ δεῖπνον ἀποδεδημηκὼς εἰς Θετταλίαν;

Transliteration

hostis gar nomōn diaphthoreus estin sphodra pou doxeien an neōn ge kai anoētōn anthrōpōn diaphthoreus einai. poteron oun pheuxē tas te eunomoumenas poleis kai tōn andrōn tous kosmiōtatous; kai touto poiounti ara axion soi zēn estai; ē plēsiaseis toutois kai anaischyntēseis dialegomenos—tinas logous, ō Sōkrates; ē housper enthade, hōs hē aretē kai hē dikaiosynē pleistou axion tois anthrōpois kai ta nomima kai hoi nomoi; kai ouk oiei aschēmon phaneisthai to tou Sōkratous pragma; oiesthai ge chrē. allʼ ek men toutōn tōn topōn apareis, hēxeis de eis THettalian para tous xenous tous Kritōnos; ekei gar dē pleistē ataxia kai akolasia, kai isōs an hēdeōs sou akouoien hōs geloiōs ek tou desmōtēriou apedidraskes skeuēn te tina perithemenos, ē diphtheran labōn ē alla hoia dē eiōthasin enskeuazesthai hoi apodidraskontes, kai to schēma to sautou metallaxas hoti de gerōn anēr, smikrou chronou tō biō loipou ontos hōs to eikos, etolmēsas houtō glischrōs epithymein zēn, nomous tous megistous parabas, oudeis hos erei; isōs, an mē tina lypēs ei de mē, akousē, ō Sōkrates, polla kai anaxia sautou. hyperchomenos dē biōsē pantas anthrōpous kai douleuōn— ti poiōn ē euōchoumenos en THettalia, hōsper epi deipnon apodedēmēkōs eis THettalian;

Translation coming soon for this language.

Source edition (provenance)

perseus:tlg0059.tlg003.perseus-grc2; plato:crito; section 53 part 2; transliteration: greek-transliteration (build)

Share X Facebook