Theme 2 · Passage 33
Attributed to Socrates (via Plato, Xenophon, and others)
Greek
ΚΡ. μήτε τοίνυν ταῦτα φοβοῦ—καὶ γὰρ οὐδὲ πολὺ τἀργύριόν ἐστιν ὃ θέλουσι λαβόντες τινὲς σῶσαί σε καὶ ἐξαγαγεῖν ἐνθένδε. ἔπειτα οὐχ ὁρᾷς τούτους τοὺς συκοφάντας ὡς εὐτελεῖς, καὶ οὐδὲν ἂν δέοι ἐπʼ αὐτοὺς πολλοῦ ἀργυρίου; σοὶ δὲ ὑπάρχει μὲν τὰ ἐμὰ χρήματα, ὡς ἐγὼ οἶμαι, ἱκανά· ἔπειτα καὶ εἴ τι ἐμοῦ κηδόμενος οὐκ οἴει δεῖν ἀναλίσκειν τἀμά, ξένοι οὗτοι ἐνθάδε ἕτοιμοι ἀναλίσκειν· εἷς δὲ καὶ κεκόμικεν ἐπʼ αὐτὸ τοῦτο ἀργύριον ἱκανόν, Σιμμίας ὁ Θηβαῖος, ἕτοιμος δὲ καὶ Κέβης καὶ ἄλλοι πολλοὶ πάνυ. ὥστε, ὅπερ λέγω, μήτε ταῦτα φοβούμενος ἀποκάμῃς σαυτὸν σῶσαι, μήτε, ὃ ἔλεγες ἐν τῷ δικαστηρίῳ, δυσχερές σοι γενέσθω ὅτι οὐκ ἂν ἔχοις ἐξελθὼν ὅτι χρῷο σαυτῷ· πολλαχοῦ μὲν γὰρ καὶ ἄλλοσε ὅποι ἂν ἀφίκῃ ἀγαπήσουσί σε· ἐὰν δὲ βούλῃ εἰς Θετταλίαν ἰέναι, εἰσὶν ἐμοὶ ἐκεῖ ξένοι οἵ σε περὶ πολλοῦ ποιήσονται καὶ ἀσφάλειάν σοι παρέξονται, ὥστε σε μηδένα λυπεῖν τῶν κατὰ Θετταλίαν.ἔτι δέ, ὦ Σώκρατες, οὐδὲ δίκαιόν μοι δοκεῖς ἐπιχειρεῖν πρᾶγμα, σαυτὸν προδοῦναι, ἐξὸν σωθῆναι, καὶ τοιαῦτα σπεύδεις περὶ σαυτὸν γενέσθαι ἅπερ ἂν καὶ οἱ ἐχθροί σου σπεύσαιέν τε καὶ ἔσπευσαν σὲ διαφθεῖραι βουλόμενοι. πρὸς δὲ τούτοις καὶ τοὺς ὑεῖς τοὺς σαυτοῦ ἔμοιγε δοκεῖς προδιδόναι, οὕς σοι ἐξὸν καὶ ἐκθρέψαι καὶ ἐκπαιδεῦσαι οἰχήσῃ καταλιπών, καὶ τὸ σὸν μέρος ὅτι ἂν τύχωσι τοῦτο πράξουσιν· τεύξονται δέ, ὡς τὸ εἰκός, τοιούτων οἷάπερ εἴωθεν γίγνεσθαι ἐν ταῖς ὀρφανίαις περὶ τοὺς ὀρφανούς. ἢ γὰρ οὐ χρὴ ποιεῖσθαι παῖδας ἢ συνδιαταλαιπωρεῖν καὶ τρέφοντα καὶ παιδεύοντα, σὺ δέ μοι δοκεῖς τὰ ῥᾳθυμότατα αἱρεῖσθαι. χρὴ δέ, ἅπερ ἂν ἀνὴρ ἀγαθὸς καὶ ἀνδρεῖος ἕλοιτο, ταῦτα αἱρεῖσθαι, φάσκοντά γε δὴ ἀρετῆς διὰ παντὸς τοῦ βίου ἐπιμελεῖσθαι
Transliteration
KR. mēte toinyn tauta phobou—kai gar oude poly targyrion estin ho thelousi labontes tines sōsai se kai exagagein enthende. epeita ouch horas toutoys tous sykophantas hōs euteleis, kai ouden an deoi epʼ autous pollou argyriou; soi de hyparchei men ta ema chrēmata, hōs egō oimai, hikana epeita kai ei ti emou kēdomenos ouk oiei dein analiskein tama, xenoi houtoi enthade hetoimoi analiskein heis de kai kekomiken epʼ auto touto argyrion hikanon, Simmias ho THēbaios, hetoimos de kai Kebēs kai alloi polloi pany. hōste, hoper legō, mēte tauta phoboumenos apokamēs sauton sōsai, mēte, ho eleges en tō dikastēriō, dyscheres soi genesthō hoti ouk an echois exelthōn hoti chrōo sautō pollachou men gar kai allose hopoi an aphikē agapēsousi se ean de boulē eis THettalian ienai, eisin emoi ekei xenoi hoi se peri pollou poiēsontai kai asphaleian soi parexontai, hōste se mēdena lypein tōn kata THettalian.eti de, ō Sōkrates, oude dikaion moi dokeis epicheirein pragma, sauton prodounai, exon sōthēnai, kai toiauta speudeis peri sauton genesthai haper an kai hoi echthroi sou speusaien te kai espeusan se diaphtheirai boulomenoi. pros de toutois kai tous hyeis tous sautou emoige dokeis prodidonai, hous soi exon kai ekthrepsai kai ekpaideusai oichēsē katalipōn, kai to son meros hoti an tychōsi touto praxousin teuxontai de, hōs to eikos, toioutōn hoiaper eiōthen gignesthai en tais orphaniais peri tous orphanous. ē gar ou chrē poieisthai paidas ē syndiatalaipōrein kai trephonta kai paideuonta, sy de moi dokeis ta rhathymotata haireisthai. chrē de, haper an anēr agathos kai andreios heloito, tauta haireisthai, phaskonta ge dē aretēs dia pantos tou biou epimeleisthai
Translation coming soon for this language.
Source edition (provenance)
perseus:tlg0059.tlg003.perseus-grc2; plato:crito; section 45.3 part 1; transliteration: greek-transliteration (build)