Theme 2 · Passage 93
Attributed to Socrates (via Plato, Xenophon, and others)
Greek
ΣΩ. τί οὖν ἂν εἴπωσιν οἱ νόμοι· ὦ Σώκρατες, ἦ καὶ ταῦτα ὡμολόγητο ἡμῖν τε καὶ σοί, ἢ ἐμμενεῖν ταῖς δίκαις αἷς ἂν ἡ πόλις δικάζῃ; εἰ οὖν αὐτῶν θαυμάζοιμεν λεγόντων, ἴσως ἂν εἴποιεν ὅτι ὦ Σώκρατες, μὴ θαύμαζε τὰ λεγόμενα ἀλλʼ ἀποκρίνου, ἐπειδὴ καὶ εἴωθας χρῆσθαι τῷ ἐρωτᾶν τε καὶ ἀποκρίνεσθαι. φέρε γάρ, τί ἐγκαλῶν ἡμῖν καὶ τῇ πόλει ἐπιχειρεῖς ἡμᾶς ἀπολλύναι; οὐ πρῶτον μέν σε ἐγεννήσαμεν ἡμεῖς, καὶ διʼ ἡμῶν ἔλαβε τὴν μητέρα σου ὁ πατὴρ καὶ ἐφύτευσέν σε; φράσον οὖν, τούτοις ἡμῶν, τοῖς νόμοις τοῖς περὶ τοὺς γάμους, μέμφῃ τι ὡς οὐ καλῶς ἔχουσιν; οὐ μέμφομαι, φαίην ἄν. ἀλλὰ τοῖς περὶ τὴν τοῦ γενομένου τροφήν τε καὶ παιδείαν ἐν ᾗ καὶ σὺ ἐπαιδεύθης; ἢ οὐ καλῶς προσέταττον ἡμῶν οἱ ἐπὶ τούτῳ τεταγμένοι νόμοι, παραγγέλλοντες τῷ πατρὶ τῷ σῷ σε ἐν μουσικῇ καὶ γυμναστικῇ παιδεύειν; καλῶς, φαίην ἄν. εἶεν. ἐπειδὴ δὲ ἐγένου τε καὶ ἐξετράφης καὶ ἐπαιδεύθης, ἔχοις ἂν εἰπεῖν πρῶτον μὲν ὡς οὐχὶ ἡμέτερος ἦσθα καὶ ἔκγονος καὶ δοῦλος, αὐτός τε καὶ οἱ σοὶ πρόγονοι; καὶ εἰ τοῦθʼ οὕτως ἔχει, ἆρʼ ἐξ ἴσου οἴει εἶναι σοὶ τὸ δίκαιον καὶ ἡμῖν, καὶ ἅττʼ ἂν ἡμεῖς σε ἐπιχειρῶμεν ποιεῖν, καὶ σοὶ ταῦτα ἀντιποιεῖν οἴει δίκαιον εἶναι;
Transliteration
SŌ. ti oun an eipōsin hoi nomoi ō Sōkrates, ē kai tauta hōmologēto hēmin te kai soi, ē emmenein tais dikais hais an hē polis dikazē; ei oun autōn thaumazoimen legontōn, isōs an eipoien hoti ō Sōkrates, mē thaumaze ta legomena allʼ apokrinou, epeidē kai eiōthas chrēsthai tō erōtan te kai apokrinesthai. phere gar, ti enkalōn hēmin kai tē polei epicheireis hēmas apollynai; ou prōton men se egennēsamen hēmeis, kai diʼ hēmōn elabe tēn mētera sou ho patēr kai ephyteusen se; phrason oun, toutois hēmōn, tois nomois tois peri tous gamous, memphē ti hōs ou kalōs echousin; ou memphomai, phaiēn an. alla tois peri tēn tou genomenou trophēn te kai paideian en hē kai sy epaideuthēs; ē ou kalōs prosetatton hēmōn hoi epi toutō tetagmenoi nomoi, parangellontes tō patri tō sō se en mousikē kai gymnastikē paideuein; kalōs, phaiēn an. eien. epeidē de egenou te kai exetraphēs kai epaideuthēs, echois an eipein prōton men hōs ouchi hēmeteros ēstha kai ekgonos kai doulos, autos te kai hoi soi progonoi; kai ei touthʼ houtōs echei, arʼ ex isou oiei einai soi to dikaion kai hēmin, kai hattʼ an hēmeis se epicheirōmen poiein, kai soi tauta antipoiein oiei dikaion einai;
Translation coming soon for this language.
Source edition (provenance)
perseus:tlg0059.tlg003.perseus-grc2; plato:crito; section 50.5; transliteration: greek-transliteration (build)