Languages

Theme 2 · Passage 94

Theme 2 · Passage 94

Attributed to Socrates (via Plato, Xenophon, and others)

Greek

ΣΩ. ἢ πρὸς μὲν ἄρα σοι τὸν πατέρα οὐκ ἐξ ἴσου ἦν τὸ δίκαιον καὶ πρὸς δεσπότην, εἴ σοι ὢν ἐτύγχανεν, ὥστε ἅπερ πάσχοις ταῦτα καὶ ἀντιποιεῖν, οὔτε κακῶς ἀκούοντα ἀντιλέγειν οὔτε τυπτόμενον ἀντιτύπτειν οὔτε ἄλλα τοιαῦτα πολλά· πρὸς δὲ τὴν πατρίδα ἄρα καὶ τοὺς νόμους ἐξέσται σοι, ὥστε, ἐάν σε ἐπιχειρῶμεν ἡμεῖς ἀπολλύναι δίκαιον ἡγούμενοι εἶναι, καὶ σὺ δὲ ἡμᾶς τοὺς νόμους καὶ τὴν πατρίδα καθʼ ὅσον δύνασαι ἐπιχειρήσεις ἀνταπολλύναι, καὶ φήσεις ταῦτα ποιῶν δίκαια πράττειν, ὁ τῇ ἀληθείᾳ τῆς ἀρετῆς ἐπιμελόμενος; ἢ οὕτως εἶ σοφὸς ὥστε λέληθέν σε ὅτι μητρός τε καὶ πατρὸς καὶ τῶν ἄλλων προγόνων ἁπάντων τιμιώτερόν ἐστιν πατρὶς καὶ σεμνότερον καὶ ἁγιώτερον καὶ ἐν μείζονι μοίρᾳ καὶ παρὰ θεοῖς καὶ παρʼ ἀνθρώποις τοῖς νοῦν ἔχουσι, καὶ σέβεσθαι δεῖ καὶ μᾶλλον ὑπείκειν καὶ θωπεύειν πατρίδα χαλεπαίνουσαν ἢ πατέρα, καὶ ἢ πείθειν ἢ ποιεῖν ἃ ἂν κελεύῃ, καὶ πάσχειν ἐάν τι προστάττῃ παθεῖν ἡσυχίαν ἄγοντα, ἐάντε τύπτεσθαι ἐάντε δεῖσθαι, ἐάντε εἰς πόλεμον ἄγῃ τρωθησόμενον ἢ ἀποθανούμενον, ποιητέον ταῦτα, καὶ τὸ δίκαιον οὕτως ἔχει, καὶ οὐχὶ ὑπεικτέον οὐδὲ ἀναχωρητέον οὐδὲ λειπτέον τὴν τάξιν, ἀλλὰ καὶ ἐν πολέμῳ καὶ ἐν δικαστηρίῳ καὶ πανταχοῦ ποιητέον ἃ ἂν κελεύῃ ἡ πόλις καὶ ἡ πατρίς, ἢ πείθειν αὐτὴν ᾗ τὸ δίκαιον πέφυκε· βιάζεσθαι δὲ οὐχ ὅσιον οὔτε μητέρα οὔτε πατέρα, πολὺ δὲ τούτων ἔτι ἧττον τὴν πατρίδα; τί φήσομεν πρὸς ταῦτα, ὦ Κρίτων; ἀληθῆ λέγειν τοὺς νόμους ἢ οὔ;

Transliteration

SŌ. ē pros men ara soi ton patera ouk ex isou ēn to dikaion kai pros despotēn, ei soi ōn etynchanen, hōste haper paschois tauta kai antipoiein, oute kakōs akouonta antilegein oute typtomenon antityptein oute alla toiauta polla pros de tēn patrida ara kai tous nomous exestai soi, hōste, ean se epicheirōmen hēmeis apollynai dikaion hēgoumenoi einai, kai sy de hēmas tous nomous kai tēn patrida kathʼ hoson dynasai epicheirēseis antapollynai, kai phēseis tauta poiōn dikaia prattein, ho tē alētheia tēs aretēs epimelomenos; ē houtōs ei sophos hōste lelēthen se hoti mētros te kai patros kai tōn allōn progonōn hapantōn timiōteron estin patris kai semnoteron kai hagiōteron kai en meizoni moira kai para theois kai parʼ anthrōpois tois noun echousi, kai sebesthai dei kai mallon hypeikein kai thōpeuein patrida chalepainousan ē patera, kai ē peithein ē poiein ha an keleuē, kai paschein ean ti prostattē pathein hēsychian agonta, eante typtesthai eante deisthai, eante eis polemon agē trōthēsomenon ē apothanoumenon, poiēteon tauta, kai to dikaion houtōs echei, kai ouchi hypeikteon oude anachōrēteon oude leipteon tēn taxin, alla kai en polemō kai en dikastēriō kai pantachou poiēteon ha an keleuē hē polis kai hē patris, ē peithein autēn hē to dikaion pephyke biazesthai de ouch hosion oute mētera oute patera, poly de toutōn eti hētton tēn patrida; ti phēsomen pros tauta, ō Kritōn; alēthē legein tous nomous ē ou;

Translation coming soon for this language.

Source edition (provenance)

perseus:tlg0059.tlg003.perseus-grc2; plato:crito; section 51.1; transliteration: greek-transliteration (build)

Share X Facebook