Languages

Theme 2 · Passage 96

Theme 2 · Passage 96

Attributed to Socrates (via Plato, Xenophon, and others)

Greek

ΣΩ. σκόπει τοίνυν, ὦ Σώκρατες, φαῖεν ἂν ἴσως οἱ νόμοι, εἰ ἡμεῖς ταῦτα ἀληθῆ λέγομεν, ὅτι οὐ δίκαια ἡμᾶς ἐπιχειρεῖς δρᾶν ἃ νῦν ἐπιχειρεῖς. ἡμεῖς γάρ σε γεννήσαντες, ἐκθρέψαντες, παιδεύσαντες, μεταδόντες ἁπάντων ὧν οἷοί τʼ ἦμεν καλῶν σοὶ καὶ τοῖς ἄλλοις πᾶσιν πολίταις, ὅμως προαγορεύομεν τῷ ἐξουσίαν πεποιηκέναι Ἀθηναίων τῷ βουλομένῳ, ἐπειδὰν δοκιμασθῇ καὶ ἴδῃ τὰ ἐν τῇ πόλει πράγματα καὶ ἡμᾶς τοὺς νόμους, ᾧ ἂν μὴ ἀρέσκωμεν ἡμεῖς, ἐξεῖναι λαβόντα τὰ αὑτοῦ ἀπιέναι ὅποι ἂν βούληται. καὶ οὐδεὶς ἡμῶν τῶν νόμων ἐμποδών ἐστιν οὐδʼ ἀπαγορεύει, ἐάντε τις βούληται ὑμῶν εἰς ἀποικίαν ἰέναι, εἰ μὴ ἀρέσκοιμεν ἡμεῖς τε καὶ ἡ πόλις, ἐάντε μετοικεῖν ἄλλοσέ ποι ἐλθών, ἰέναι ἐκεῖσε ὅποι ἂν βούληται, ἔχοντα τὰ αὑτοῦ. ὃς δʼ ἂν ὑμῶν παραμείνῃ, ὁρῶν ὃν τρόπον ἡμεῖς τάς τε δίκας δικάζομεν καὶ τἆλλα τὴν πόλιν διοικοῦμεν, ἤδη φαμὲν τοῦτον ὡμολογηκέναι ἔργῳ ἡμῖν ἃ ἂν ἡμεῖς κελεύωμεν ποιήσειν ταῦτα, καὶ τὸν μὴ πειθόμενον τριχῇ φαμεν ἀδικεῖν, ὅτι τε γεννηταῖς οὖσιν ἡμῖν οὐ πείθεται, καὶ ὅτι τροφεῦσι, καὶ ὅτι ὁμολογήσας ἡμῖν πείσεσθαι οὔτε πείθεται οὔτε πείθει ἡμᾶς, εἰ μὴ καλῶς τι ποιοῦμεν,προτιθέντων ἡμῶν καὶ οὐκ ἀγρίως ἐπιταττόντων ποιεῖν ἃ ἂν κελεύωμεν, ἀλλὰ ἐφιέντων δυοῖν θάτερα, ἢ πείθειν ἡμᾶς ἢ ποιεῖν, τούτων οὐδέτερα ποιεῖ.

Transliteration

SŌ. skopei toinyn, ō Sōkrates, phaien an isōs hoi nomoi, ei hēmeis tauta alēthē legomen, hoti ou dikaia hēmas epicheireis dran ha nyn epicheireis. hēmeis gar se gennēsantes, ekthrepsantes, paideusantes, metadontes hapantōn hōn hoioi tʼ ēmen kalōn soi kai tois allois pasin politais, homōs proagoreuomen tō exousian pepoiēkenai Athēnaiōn tō boulomenō, epeidan dokimasthē kai idē ta en tē polei pragmata kai hēmas tous nomous, hō an mē areskōmen hēmeis, exeinai labonta ta hautou apienai hopoi an boulētai. kai oudeis hēmōn tōn nomōn empodōn estin oudʼ apagoreuei, eante tis boulētai hymōn eis apoikian ienai, ei mē areskoimen hēmeis te kai hē polis, eante metoikein allose poi elthōn, ienai ekeise hopoi an boulētai, echonta ta hautou. hos dʼ an hymōn parameinē, horōn hon tropon hēmeis tas te dikas dikazomen kai talla tēn polin dioikoumen, ēdē phamen touton hōmologēkenai ergō hēmin ha an hēmeis keleuōmen poiēsein tauta, kai ton mē peithomenon trichē phamen adikein, hoti te gennētais ousin hēmin ou peithetai, kai hoti tropheusi, kai hoti homologēsas hēmin peisesthai oute peithetai oute peithei hēmas, ei mē kalōs ti poioumen,protithentōn hēmōn kai ouk agriōs epitattontōn poiein ha an keleuōmen, alla ephientōn dyoin thatera, ē peithein hēmas ē poiein, toutōn oudetera poiei.

Translation coming soon for this language.

Source edition (provenance)

perseus:tlg0059.tlg003.perseus-grc2; plato:crito; section 51.3; transliteration: greek-transliteration (build)

Share X Facebook