Theme 3 · Passage 105
Attributed to Socrates (via Plato, Xenophon, and others)
Greek
πρὸς δὲ τούτοις οὐ δοκεῖ σοι καὶ τάδε προνοίας ἔργοις ἐοικέναι, τὸ ἐπεὶ ἀσθενὴς μέν ἐστιν ἡ ὄψις, βλεφάροις αὐτὴν θυρῶσαι, ἅ, ὅταν μὲν αὐτῇ χρῆσθαί τι δέῃ, ἀναπετάννυται, ἐν δὲ τῷ ὕπνῳ συγκλείεται, ὡς δʼ ἂν μηδὲ ἄνεμοι βλάπτωσιν, ἡθμὸν βλεφαρίδας ἐμφῦσαι, ὀφρύσι τε ἀπογεισῶσαι τὰ ὑπὲρ τῶν ὀμμάτων, ὡς μηδʼ ὁ ἐκ τῆς κεφαλῆς ἱδρὼς κακουργῇ· τὸ δὲ τὴν ἀκοὴν δέχεσθαι μὲν πάσας φωνάς, ἐμπίμπλασθαι δὲ μήποτε· καὶ τοὺς μὲν πρόσθεν ὀδόντας πᾶσι ζῴοις οἵους τέμνειν εἶναι, τοὺς δὲ γομφίους οἵους παρὰ τούτων δεξαμένους λεαίνειν· καὶ στόμα μέν, διʼ οὗ ὧν ἐπιθυμεῖ τὰ ζῷα εἰσπέμπεται, πλησίον ὀφθαλμῶν καὶ ῥινῶν καταθεῖναι· ἐπεὶ δὲ τὰ ἀποχωροῦντα δυσχερῆ, ἀποστρέψαι τοὺς τούτων ὀχετοὺς ᾗ δυνατὸν προσωτάτω ἀπὸ τῶν αἰσθήσεων· ταῦτα οὕτω προνοητικῶς πεπραγμένα ἀπορεῖς πότερα τύχης ἢ γνώμης ἔργα ἐστίν;
Transliteration
pros de toutois ou dokei soi kai tade pronoias ergois eoikenai, to epei asthenēs men estin hē opsis, blepharois autēn thyrōsai, ha, hotan men autē chrēsthai ti deē, anapetannytai, en de tō hypnō synkleietai, hōs dʼ an mēde anemoi blaptōsin, hēthmon blepharidas emphysai, ophrysi te apogeisōsai ta hyper tōn ommatōn, hōs mēdʼ ho ek tēs kephalēs hidrōs kakourgē to de tēn akoēn dechesthai men pasas phōnas, empimplasthai de mēpote kai tous men prosthen odontas pasi zōois hoious temnein einai, tous de gomphious hoious para toutōn dexamenous leainein kai stoma men, diʼ hou hōn epithymei ta zōa eispempetai, plēsion ophthalmōn kai rhinōn katatheinai epei de ta apochōrounta dyscherē, apostrepsai tous toutōn ochetous hē dynaton prosōtatō apo tōn aisthēseōn tauta houtō pronoētikōs pepragmena aporeis potera tychēs ē gnōmēs erga estin;
Translation coming soon for this language.
Source edition (provenance)
perseus:tlg0032.tlg002.perseus-grc2; xenophon:memorabilia; section 1.4.6; transliteration: greek-transliteration (build)