Languages

Theme 3 · Passage 141

Theme 3 · Passage 141

Attributed to Socrates (via Plato, Xenophon, and others)

Greek

ἐνθυμώμεθα γάρ, ἔφη, εἴ τις μὴ ὢν ἀγαθὸς αὐλητὴς δοκεῖν βούλοιτο, τί ἂν αὐτῷ ποιητέον εἴη. ἆρʼ οὐ τὰ ἔξω τῆς τέχνης μιμητέον τοὺς ἀγαθοὺς αὐλητάς; καὶ πρῶτον μέν, ὅτι ἐκεῖνοι σκεύη τε καλὰ κέκτηνται καὶ ἀκολούθους πολλοὺς περιάγονται, καὶ τούτῳ ταῦτα ποιητέον· ἔπειτα, ὅτι ἐκείνους πολλοὶ ἐπαινοῦσι, καὶ τούτῳ πολλοὺς ἐπαινέτας παρασκευαστέον. ἀλλὰ μὴν ἔργον γε οὐδαμοῦ ληπτέον, ἢ εὐθὺς ἐλεγχθήσεται γελοῖος ὢν καὶ οὐ μόνον αὐλητὴς κακός, ἀλλὰ καὶ ἄνθρωπος ἀλαζών. καίτοι πολλὰ μὲν δαπανῶν, μηδὲν δʼ ὠφελούμενος, πρὸς δὲ τούτοις κακοδοξῶν, πῶς οὐκ ἐπιπόνως τε καὶ ἀλυσιτελῶς καὶ καταγελάστως βιώσεται;

Transliteration

enthymōmetha gar, ephē, ei tis mē ōn agathos aulētēs dokein bouloito, ti an autō poiēteon eiē. arʼ ou ta exō tēs technēs mimēteon tous agathous aulētas; kai prōton men, hoti ekeinoi skeuē te kala kektēntai kai akolouthoys pollous periagontai, kai toutō tauta poiēteon epeita, hoti ekeinous polloi epainousi, kai toutō pollous epainetas paraskeuasteon. alla mēn ergon ge oudamoy lēpteon, ē euthys elenchthēsetai geloios ōn kai ou monon aulētēs kakos, alla kai anthrōpos alazōn. kaitoi polla men dapanōn, mēden dʼ ōpheloumenos, pros de toutois kakodoxōn, pōs ouk epiponōs te kai alysitelōs kai katagelastōs biōsetai;

Translation coming soon for this language.

Source edition (provenance)

perseus:tlg0032.tlg002.perseus-grc2; xenophon:memorabilia; section 1.7.2; transliteration: greek-transliteration (build)

Share X Facebook