Theme 3 · Passage 78
Attributed to Socrates (via Plato, Xenophon, and others)
Greek
τὸ δὲ Ὀμήρου ἔφη ὁ κατήγορος πολλάκις αὐτὸν λέγειν, ὅτι Ὀδυσσεὺς ὅντινα μὲν βασιλῆα καὶ ἔξοχον ἄνδρα κιχείη, τὸν δʼ ἀγανοῖς ἐπέεσσιν ἐρητύσασκε παραστάς· δαιμόνιʼ, οὔ σε ἔοικε κακὸν ὣς δειδίσσεσθαι, ἀλλʼ αὐτός τε κάθησο καὶ ἄλλους ἵδρυε λαούς. ὃν δʼ αὖ δήμου τʼ ἄνδρα ἴδοι βοόωντά τʼ ἐφεύροι, τὸν σκήπτρῳ ἐλάσασκεν ὁμοκλήσασκέ τε μύθῳ· δαιμόνιʼ, ἀτρέμας ἧσο, καὶ ἄλλων μῦθον ἄκουε, οἳ σέο φέρτεροί εἰσι· σὺ δʼ ἀπτόλεμος καὶ ἄναλκις, οὔτε ποτʼ ἐν πολέμῳ ἐναρίθμιος οὔτʼ ἐνὶ βουλῇ. Hom. Il. 2.188 ταῦτα δὴ αὐτὸν ἐξηγεῖσθαι, ὡς ὁ ποιητὴς ἐπαινοίη παίεσθαι τοὺς δημότας καὶ πένητας.
Transliteration
to de Omērou ephē ho katēgoros pollakis auton legein, hoti Odysseus hontina men basilēa kai exochon andra kicheiē, ton dʼ aganois epeessin erētysaske parastas daimoniʼ, ou se eoike kakon hōs deidissesthai, allʼ autos te kathēso kai allous hidrye laous. hon dʼ au dēmou tʼ andra idoi booōnta tʼ epheuroi, ton skēptrō elasasken homoklēsaske te mythō daimoniʼ, atremas hēso, kai allōn mython akoue, hoi seo pherteroi eisi sy dʼ aptolemos kai analkis, oute potʼ en polemō enarithmios outʼ eni boulē. Hom. Il. 2.188 tauta dē auton exēgeisthai, hōs ho poiētēs epainoiē paiesthai tous dēmotas kai penētas.
Translation coming soon for this language.
Source edition (provenance)
perseus:tlg0032.tlg002.perseus-grc2; xenophon:memorabilia; section 1.2.58; transliteration: greek-transliteration (build)