Work 1 · Passage 19
Aristotle
Greek
· τάχα γὰρ ἂν θεωρηθείη καὶ τὸ νῦν ἐπιζητούμενον ἐξ ἐκείνου. εἰ δὴ τὸ τέλος ὁρᾶν δεῖ καὶ τότε μακαρίζειν ἕκαστον οὐχ ὡς ὄντα μακάριον ἀλλʼ ὅτι πρότερον ἦν, πῶς οὐκ ἄτοπον, εἰ ὅτʼ ἔστιν εὐδαίμων, μὴ ἀληθεύσεται κατʼ αὐτοῦ τὸ ὑπάρχον διὰ τὸ μὴ βούλεσθαι τοὺς ζῶντας εὐδαιμονίζειν διὰ τὰς μεταβολάς, καὶ διὰ τὸ μόνιμόν τι τὴν εὐδαιμονίαν ὑπειληφέναι καὶ μηδαμῶς εὐμετάβολον, τὰς δὲ τύχας πολλάκις ἀνακυκλεῖσθαι περὶ τοὺς αὐτούς; δῆλον γὰρ ὡς εἰ συνακολουθοίημεν ταῖς τύχαις, τὸν αὐτὸν εὐδαίμονα καὶ πάλιν ἄθλιον ἐροῦμεν πολλάκις, χαμαιλέοντά τινα τὸν εὐδαίμονα ἀποφαίνοντες καὶ σαθρῶς ἱδρυμένον. ἢ τὸ μὲν ταῖς τύχαις ἐπακολουθεῖν οὐδαμῶς ὀρθόν; οὐ γὰρ ἐν ταύταις τὸ εὖ ἢ κακῶς, ἀλλὰ προσδεῖται τούτων ὁ ἀνθρώπινος βίος, καθάπερ εἴπομεν, κύριαι δʼ εἰσὶν αἱ κατʼ ἀρετὴν ἐνέργειαι τῆς εὐδαιμονίας, αἱ δʼ ἐναντίαι τοῦ ἐναντίου. μαρτυρεῖ δὲ τῷ λόγῳ καὶ τὸ νῦν διαπορηθέν. περὶ οὐδὲν γὰρ οὕτως ὑπάρχει τῶν ἀνθρωπίνων ἔργων βεβαιότης ὡς περὶ τὰς ἐνεργείας τὰς κατʼ ἀρετήν· μονιμώτεραι γὰρ καὶ τῶν ἐπιστημῶν αὗται δοκοῦσιν εἶναι· τούτων δʼ αὐτῶν αἱ τιμιώταται μονιμώτεραι διὰ τὸ μάλιστα καὶ συνεχέστατα καταζῆν ἐν αὐταῖς τοὺς μακαρίους· τοῦτο γὰρ ἔοικεν αἰτίῳ τοῦ μὴ γίνεσθαι περὶ αὐτὰς λήθην. ὑπάρξει δὴ τὸ ζητούμενον τῷ εὐδαίμονι, καὶ ἔσται διὰ βίου τοιοῦτος
Transliteration
tacha gar an theoretheie kai to nyn epizetoumenon ex ekeinou. ei de to telos horan dei kai tote makarizein hekaston ouch hos onta makarion allʼ hoti proteron en, pos ouk atopon, ei hotʼ estin eudaimon, me aletheusetai katʼ autou to hyparchon dia to me boulesthai tous zontas eudaimonizein dia tas metabolas, kai dia to monimon ti ten eudaimonian hypeilephenai kai medamos eumetabolon, tas de tychas pollakis anakykleisthai peri tous autous; delon gar hos ei synakolouthoiemen tais tychais, ton auton eudaimona kai palin athlion eroumen pollakis, chamaileonta tina ton eudaimona apophainontes kai sathros hidrymenon. e to men tais tychais epakolouthein oudamos orthon; ou gar en tautais to eu e kakos, alla prosdeitai touton ho anthropinos bios, kathaper eipomen, kyriai dʼ eisin hai katʼ areten energeiai tes eudaimonias, hai dʼ enantiai tou enantiou. martyrei de to logo kai to nyn diaporethen. peri ouden gar houtos hyparchei ton anthropinon ergon bebaiotes hos peri tas energeias tas katʼ areten monimoterai gar kai ton epistemon hautai dokousin einai touton dʼ auton hai timiotatai monimoterai dia to malista kai synechestata katazen en autais tous makarious touto gar eoiken aitio tou me ginesthai peri autas lethen. hyparxei de to zetoumenon to eudaimoni, kai estai dia biou toioutos
Translation coming soon for this language.
Source edition (provenance)
perseus:tlg0086.tlg010.perseus-grc2; aristotle:ne; book 1 section 10 part 2; bekker 1100b; transliteration: greek-transliteration (build)