Languages

Work 1 · Passage 20

Work 1 · Passage 20

Aristotle

Greek

· ἀεὶ γὰρ ἢ μάλιστα πάντων πράξει καὶ θεωρήσει τὰ κατʼ ἀρετήν, καὶ τὰς τύχας οἴσει κάλλιστα καὶ πάντῃ πάντως ἐμμελῶς ὅ γʼ ὡς ἀληθῶς ἀγαθὸς καὶ τετράγωνος ἄνευ ψόγου. πολλῶν δὲ γινομένων κατὰ τύχην καὶ διαφερόντων μεγέθει καὶ μικρότητι, τὰ μὲν μικρὰ τῶν εὐτυχημάτων, ὁμοίως δὲ καὶ τῶν ἀντικειμένων, δῆλον ὡς οὐ ποιεῖ ῥοπὴν τῆς ζωῆς, τὰ δὲ μεγάλα καὶ πολλὰ γινόμενα μὲν εὖ μακαριώτερον τὸν βίον ποιήσει (καὶ γὰρ αὐτὰ συνεπικοσμεῖν πέφυκεν, καὶ ἡ χρῆσις αὐτῶν καλὴ καὶ σπουδαία γίνεται), ἀνάπαλιν δὲ συμβαίνοντα θλίβει καὶ λυμαίνεται τὸ μακάριον· λύπας τε γὰρ ἐπιφέρει καὶ ἐμποδίζει πολλαῖς ἐνεργείαις. ὅμως δὲ καὶ ἐν τούτοις διαλάμπει τὸ καλόν, ἐπειδὰν φέρῃ τις εὐκόλως πολλὰς καὶ μεγάλας ἀτυχίας, μὴ διʼ ἀναλγησίαν, ἀλλὰ γεννάδας ὢν καὶ μεγαλόψυχος. εἰ δʼ εἰσὶν αἱ ἐνέργειαι κύριαι τῆς ζωῆς, καθάπερ εἴπομεν, οὐδεὶς ἂν γένοιτο τῶν μακαρίων ἄθλιος· οὐδέποτε γὰρ πράξει τὰ μισητὰ καὶ τὰ φαῦλα. τὸν γὰρ ὡς ἀληθῶς ἀγαθὸν καὶ ἔμφρονα πάσας οἰόμεθα τὰς τύχας εὐσχημόνως φέρειν καὶ ἐκ τῶν ὑπαρχόντων ἀεὶ τὰ κάλλιστα πράττειν, καθάπερ καὶ στρατηγὸν ἀγαθὸν τῷ παρόντι στρατοπέδῳ χρῆσθαι πολεμικώτατα καὶ σκυτοτόμον ἐκ τῶν δοθέντων σκυτῶν κάλλιστον ὑπόδημα ποιεῖν· τὸν αὐτὸν δὲ τρόπον καὶ τοὺς ἄλλους τεχνίτας ἅπαντας. εἰ δʼ οὕτως, ἄθλιος μὲν οὐδέποτε γένοιτʼ ἂν ὁ εὐδαίμων, οὐ μὴν μακάριός γε, ἂν Πριαμικαῖς τύχαις περιπέσῃ. οὐδὲ δὴ ποικίλος γε καὶ εὐμετάβολος

Transliteration

aei gar e malista panton praxei kai theoresei ta katʼ areten, kai tas tychas oisei kallista kai pante pantos emmelos ho gʼ hos alethos agathos kai tetragonos aneu psogou. pollon de ginomenon kata tychen kai diapheronton megethei kai mikroteti, ta men mikra ton eutychematon, homoios de kai ton antikeimenon, delon hos ou poiei rhopen tes zoes, ta de megala kai polla ginomena men eu makarioteron ton bion poiesei (kai gar auta synepikosmein pephyken, kai he chresis auton kale kai spoudaia ginetai), anapalin de symbainonta thlibei kai lymainetai to makarion lypas te gar epipherei kai empodizei pollais energeiais. homos de kai en toutois dialampei to kalon, epeidan phere tis eukolos pollas kai megalas atychias, me diʼ analgesian, alla gennadas on kai megalopsychos. ei dʼ eisin hai energeiai kyriai tes zoes, kathaper eipomen, oudeis an genoito ton makarion athlios oudepote gar praxei ta miseta kai ta phaula. ton gar hos alethos agathon kai emphrona pasas oiometha tas tychas euschemonos pherein kai ek ton hyparchonton aei ta kallista prattein, kathaper kai strategon agathon to paronti stratopedo chresthai polemikotata kai skytotomon ek ton dothenton skyton kalliston hypodema poiein ton auton de tropon kai tous allous technitas hapantas. ei dʼ houtos, athlios men oudepote genoitʼ an ho eudaimon, ou men makarios ge, an Priamikais tychais peripese. oude de poikilos ge kai eumetabolos

Translation coming soon for this language.

Source edition (provenance)

perseus:tlg0086.tlg010.perseus-grc2; aristotle:ne; book 1 section 10 part 3; bekker 1100b; transliteration: greek-transliteration (build)

Share X Facebook