Languages

Work 1 · Passage 2

Work 1 · Passage 2

Aristotle

Greek

εἰ δή τι τέλος ἐστὶ τῶν πρακτῶν ὃ διʼ αὑτὸ βουλόμεθα, τἆλλα δὲ διὰ τοῦτο, καὶ μὴ πάντα διʼ ἕτερον αἱρούμεθα (πρόεισι γὰρ οὕτω γʼ εἰς ἄπειρον, ὥστʼ εἶναι κενὴν καὶ ματαίαν τὴν ὄρεξιν), δῆλον ὡς τοῦτʼ ἂν εἴη τἀγαθὸν καὶ τὸ ἄριστον. ἆρʼ οὖν καὶ πρὸς τὸν βίον ἡ γνῶσις αὐτοῦ μεγάλην ἔχει ῥοπήν, καὶ καθάπερ τοξόται σκοπὸν ἔχοντες μᾶλλον ἂν τυγχάνοιμεν τοῦ δέοντος; εἰ δʼ οὕτω, πειρατέον τύπῳ γε περιλαβεῖν αὐτὸ τί ποτʼ ἐστὶ καὶ τίνος τῶν ἐπιστημῶν ἢ δυνάμεων. δόξειε δʼ ἂν τῆς κυριωτάτης καὶ μάλιστα ἀρχιτεκτονικῆς. τοιαύτη δʼ ἡ πολιτικὴ φαίνεται· τίνας γὰρ εἶναι χρεὼν τῶν ἐπιστημῶν ἐν ταῖς πόλεσι, καὶ ποίας ἑκάστους μανθάνειν καὶ μέχρι τίνος, αὕτη διατάσσει· ὁρῶμεν δὲ καὶ τὰς ἐντιμοτάτας τῶν δυνάμεων ὑπὸ ταύτην οὔσας, οἷον στρατηγικὴν οἰκονομικὴν ῥητορικήν· χρωμένης δὲ ταύτης ταῖς λοιπαῖς τῶν ἐπιστημῶν, ἔτι δὲ νομοθετούσης τί δεῖ πράττειν καὶ τίνων ἀπέχεσθαι, τὸ ταύτης τέλος περιέχοι ἂν τὰ τῶν ἄλλων, ὥστε τοῦτʼ ἂν εἴη τἀνθρώπινον ἀγαθόν. εἰ γὰρ καὶ ταὐτόν ἐστιν ἑνὶ καὶ πόλει, μεῖζόν γε καὶ τελειότερον τὸ τῆς πόλεως φαίνεται καὶ λαβεῖν καὶ σῴζειν· ἀγαπητὸν μὲν γὰρ καὶ ἑνὶ μόνῳ, κάλλιον δὲ καὶ θειότερον ἔθνει καὶ πόλεσιν. ἡ μὲν οὖν μέθοδος τούτων ἐφίεται, πολιτική τις οὖσα.

Transliteration

ei de ti telos esti ton prakton ho diʼ hauto boulometha, talla de dia touto, kai me panta diʼ heteron hairoumetha (proeisi gar houto gʼ eis apeiron, hostʼ einai kenen kai mataian ten orexin), delon hos toutʼ an eie tagathon kai to ariston. arʼ oun kai pros ton bion he gnosis autou megalen echei rhopen, kai kathaper toxotai skopon echontes mallon an tynchanoimen tou deontos; ei dʼ houto, peirateon typo ge perilabein auto ti potʼ esti kai tinos ton epistemon e dynameon. doxeie dʼ an tes kyriotates kai malista architektonikes. toiaute dʼ he politike phainetai tinas gar einai chreon ton epistemon en tais polesi, kai poias hekastous manthanein kai mechri tinos, haute diatassei horomen de kai tas entimotatas ton dynameon hypo tauten ousas, hoion strategiken oikonomiken rhetoriken chromenes de tautes tais loipais ton epistemon, eti de nomothetouses ti dei prattein kai tinon apechesthai, to tautes telos periechoi an ta ton allon, hoste toutʼ an eie tanthropinon agathon. ei gar kai tauton estin heni kai polei, meizon ge kai teleioteron to tes poleos phainetai kai labein kai sozein agapeton men gar kai heni mono, kallion de kai theioteron ethnei kai polesin. he men oun methodos touton ephietai, politike tis ousa.

Translation coming soon for this language.

Source edition (provenance)

perseus:tlg0086.tlg010.perseus-grc2; aristotle:ne; book 1 section 2; bekker 1094b; transliteration: greek-transliteration (build)

Share X Facebook