Work 1 · Passage 3
Aristotle
Greek
λέγοιτο δʼ ἂν ἱκανῶς, εἰ κατὰ τὴν ὑποκειμένην ὕλην διασαφηθείη· τὸ γὰρ ἀκριβὲς οὐχ ὁμοίως ἐν ἅπασι τοῖς λόγοις ἐπιζητητέον, ὥσπερ οὐδʼ ἐν τοῖς δημιουργουμένοις. τὰ δὲ καλὰ καὶ τὰ δίκαια, περὶ ὧν ἡ πολιτικὴ σκοπεῖται, πολλὴν ἔχει διαφορὰν καὶ πλάνην, ὥστε δοκεῖν νόμῳ μόνον εἶναι, φύσει δὲ μή. τοιαύτην δέ τινα πλάνην ἔχει καὶ τἀγαθὰ διὰ τὸ πολλοῖς συμβαίνειν βλάβας ἀπʼ αὐτῶν· ἤδη γάρ τινες ἀπώλοντο διὰ πλοῦτον, ἕτεροι δὲ διʼ ἀνδρείαν. ἀγαπητὸν οὖν περὶ τοιούτων καὶ ἐκ τοιούτων λέγοντας παχυλῶς καὶ τύπῳ τἀληθὲς ἐνδείκνυσθαι, καὶ περὶ τῶν ὡς ἐπὶ τὸ πολὺ καὶ ἐκ τοιούτων λέγοντας τοιαῦτα καὶ συμπεραίνεσθαι. τὸν αὐτὸν δὴ τρόπον καὶ ἀποδέχεσθαι χρεὼν ἕκαστα τῶν λεγομένων· πεπαιδευμένου γάρ ἐστιν ἐπὶ τοσοῦτον τἀκριβὲς ἐπιζητεῖν καθʼ ἕκαστον γένος, ἐφʼ ὅσον ἡ τοῦ πράγματος φύσις ἐπιδέχεται· παραπλήσιον γὰρ φαίνεται μαθηματικοῦ τε πιθανολογοῦντος ἀποδέχεσθαι καὶ ῥητορικὸν ἀποδείξεις ἀπαιτεῖν. ἕκαστος δὲ κρίνει καλῶς ἃ γινώσκει, καὶ τούτων ἐστὶν ἀγαθὸς κριτής. καθʼ ἕκαστον μὲν ἄρα ὁ πεπαιδευμένος, ἁπλῶς δʼ ὁ περὶ πᾶν πεπαιδευμένος. διὸ τῆς πολιτικῆς οὐκ ἔστιν οἰκεῖος ἀκροατὴς ὁ νέος· ἄπειρος γὰρ τῶν κατὰ τὸν βίον πράξεων, οἱ λόγοι δʼ ἐκ τούτων καὶ περὶ τούτων· ἔτι δὲ τοῖς πάθεσιν ἀκολουθητικὸς ὢν ματαίως ἀκούσεται καὶ ἀνωφελῶς, ἐπειδὴ τὸ τέλος ἐστὶν οὐ γνῶσις ἀλλὰ πρᾶξις. διαφέρει δʼ οὐδὲν νέος τὴν ἡλικίαν ἢ τὸ ἦθος νεαρός· οὐ γὰρ παρὰ τὸν χρόνον ἡ ἔλλειψις, ἀλλὰ διὰ τὸ κατὰ πάθος ζῆν καὶ διώκειν ἕκαστα. τοῖς γὰρ τοιούτοις ἀνόνητος ἡ γνῶσις γίνεται, καθάπερ τοῖς ἀκρατέσιν· τοῖς δὲ κατὰ λόγον τὰς ὀρέξεις ποιουμένοις καὶ πράττουσι πολυωφελὲς ἂν εἴη τὸ περὶ τούτων εἰδέναι. καὶ περὶ μὲν ἀκροατοῦ, καὶ πῶς ἀποδεκτέον, καὶ τί προτιθέμεθα, πεφροιμιάσθω ταῦτα.
Transliteration
legoito dʼ an hikanos, ei kata ten hypokeimenen hylen diasaphetheie to gar akribes ouch homoios en hapasi tois logois epizeteteon, hosper oudʼ en tois demiourgoymenois. ta de kala kai ta dikaia, peri hon he politike skopeitai, pollen echei diaphoran kai planen, hoste dokein nomo monon einai, physei de me. toiauten de tina planen echei kai tagatha dia to pollois symbainein blabas apʼ auton ede gar tines apolonto dia plouton, heteroi de diʼ andreian. agapeton oun peri toiouton kai ek toiouton legontas pachylos kai typo talethes endeiknysthai, kai peri ton hos epi to poly kai ek toiouton legontas toiauta kai symperainesthai. ton auton de tropon kai apodechesthai chreon hekasta ton legomenon pepaideumenou gar estin epi tosouton takribes epizetein kathʼ hekaston genos, ephʼ hoson he tou pragmatos physis epidechetai paraplesion gar phainetai mathematikou te pithanologountos apodechesthai kai rhetorikon apodeixeis apaitein. hekastos de krinei kalos ha ginoskei, kai touton estin agathos krites. kathʼ hekaston men ara ho pepaideumenos, haplos dʼ ho peri pan pepaideumenos. dio tes politikes ouk estin oikeios akroates ho neos apeiros gar ton kata ton bion praxeon, hoi logoi dʼ ek touton kai peri touton eti de tois pathesin akolouthetikos on mataios akousetai kai anophelos, epeide to telos estin ou gnosis alla praxis. diapherei dʼ ouden neos ten helikian e to ethos nearos ou gar para ton chronon he elleipsis, alla dia to kata pathos zen kai diokein hekasta. tois gar toioutois anonetos he gnosis ginetai, kathaper tois akratesin tois de kata logon tas orexeis poioumenois kai prattousi polyopheles an eie to peri touton eidenai. kai peri men akroatou, kai pos apodekteon, kai ti protithemetha, pephroimiastho tauta.
Translation coming soon for this language.
Source edition (provenance)
perseus:tlg0086.tlg010.perseus-grc2; aristotle:ne; book 1 section 3; bekker 1095a; transliteration: greek-transliteration (build)