Languages

Work 1 · Passage 21

Work 1 · Passage 21

Aristotle

Greek

· οὔτε γὰρ ἐκ τῆς εὐδαιμονίας κινηθήσεται ῥᾳδίως, οὐδʼ ὑπὸ τῶν τυχόντων ἀτυχημάτων ἀλλʼ ὑπὸ μεγάλων καὶ πολλῶν, ἔκ τε τῶν τοιούτων οὐκ ἂν γένοιτο πάλιν εὐδαίμων ἐν ὀλίγῳ χρόνῳ, ἀλλʼ εἴπερ, ἐν πολλῷ τινὶ καὶ τελείῳ, μεγάλων καὶ καλῶν ἐν αὐτῷ γενόμενος ἐπήβολος. τί οὖν κωλύει λέγειν εὐδαίμονα τὸν κατʼ ἀρετὴν τελείαν ἐνεργοῦντα καὶ τοῖς ἐκτὸς ἀγαθοῖς ἱκανῶς κεχορηγημένον μὴ τὸν τυχόντα χρόνον ἀλλὰ τέλειον βίον; ἢ προσθετέον καὶ βιωσόμενον οὕτω καὶ τελευτήσοντα κατὰ λόγον; ἐπειδὴ τὸ μέλλον ἀφανὲς ἡμῖν ἐστίν, τὴν εὐδαιμονίαν δὲ τέλος καὶ τέλειον τίθεμεν πάντῃ πάντως. εἰ δʼ οὕτω, μακαρίους ἐροῦμεν τῶν ζώντων οἷς ὑπάρχει καὶ ὑπάρξει τὰ λεχθέντα, μακαρίους δʼ ἀνθρώπους. καὶ περὶ μὲν τούτων ἐπὶ τοσοῦτον διωρίσθω.

Transliteration

oute gar ek tes eudaimonias kinethesetai rhadios, oudʼ hypo ton tychonton atychematon allʼ hypo megalon kai pollon, ek te ton toiouton ouk an genoito palin eudaimon en oligo chrono, allʼ eiper, en pollo tini kai teleio, megalon kai kalon en auto genomenos epebolos. ti oun kolyei legein eudaimona ton katʼ areten teleian energounta kai tois ektos agathois hikanos kechoregemenon me ton tychonta chronon alla teleion bion; e prostheteon kai biosomenon houto kai teleutesonta kata logon; epeide to mellon aphanes hemin estin, ten eudaimonian de telos kai teleion tithemen pante pantos. ei dʼ houto, makarious eroumen ton zonton hois hyparchei kai hyparxei ta lechthenta, makarious dʼ anthropous. kai peri men touton epi tosouton dioristho.

Translation coming soon for this language.

Source edition (provenance)

perseus:tlg0086.tlg010.perseus-grc2; aristotle:ne; book 1 section 10 part 4; bekker 1100b; transliteration: greek-transliteration (build)

Share X Facebook