Languages

Work 1 · Passage 24

Work 1 · Passage 24

Aristotle

Greek

ἐπεὶ δʼ ἐστὶν ἡ εὐδαιμονία ψυχῆς ἐνέργειά τις κατʼ ἀρετὴν τελείαν, περὶ ἀρετῆς ἐπισκεπτέον ἂν εἴη· τάχα γὰρ οὕτως ἂν βέλτιον καὶ περὶ τῆς εὐδαιμονίας θεωρήσαιμεν. δοκεῖ δὲ καὶ ὁ κατʼ ἀλήθειαν πολιτικὸς περὶ ταύτην μάλιστα πεπονῆσθαι· βούλεται γὰρ τοὺς πολίτας ἀγαθοὺς ποιεῖν καὶ τῶν νόμων ὑπηκόους. παράδειγμα δὲ τούτων ἔχομεν τοὺς Κρητῶν καὶ Λακεδαιμονίων νομοθέτας, καὶ εἴ τινες ἕτεροι τοιοῦτοι γεγένηνται. εἰ δὲ τῆς πολιτικῆς ἐστὶν ἡ σκέψις αὕτη, δῆλον ὅτι γίνοιτʼ ἂν ἡ ζήτησις κατὰ τὴν ἐξ ἀρχῆς προαίρεσιν. περὶ ἀρετῆς δὲ ἐπισκεπτέον ἀνθρωπίνης δῆλον ὅτι· καὶ γὰρ τἀγαθὸν ἀνθρώπινον ἐζητοῦμεν καὶ τὴν εὐδαιμονίαν ἀνθρωπίνην. ἀρετὴν δὲ λέγομεν ἀνθρωπίνην οὐ τὴν τοῦ σώματος ἀλλὰ τὴν τῆς ψυχῆς· καὶ τὴν εὐδαιμονίαν δὲ ψυχῆς ἐνέργειαν λέγομεν. εἰ δὲ ταῦθʼ οὕτως ἔχει, δῆλον ὅτι δεῖ τὸν πολιτικὸν εἰδέναι πως τὰ περὶ ψυχῆς, ὥσπερ καὶ τὸν ὀφθαλμοὺς θεραπεύσοντα καὶ πᾶν τὸ σῶμα, καὶ μᾶλλον ὅσῳ τιμιωτέρα καὶ βελτίων ἡ πολιτικὴ τῆς ἰατρικῆς· τῶν δʼ ἰατρῶν οἱ χαρίεντες πολλὰ πραγματεύονται περὶ τὴν τοῦ σώματος γνῶσιν. θεωρητέον δὴ καὶ τῷ πολιτικῷ περὶ ψυχῆς, θεωρητέον δὲ τούτων χάριν, καὶ ἐφʼ ὅσον ἱκανῶς ἔχει πρὸς τὰ ζητούμενα· τὸ γὰρ ἐπὶ πλεῖον ἐξακριβοῦν ἐργωδέστερον ἴσως ἐστὶ τῶν προκειμένων. λέγεται δὲ περὶ αὐτῆς καὶ ἐν τοῖς ἐξωτερικοῖς λόγοις ἀρκούντως ἔνια, καὶ χρηστέον αὐτοῖς· οἷον τὸ μὲν ἄλογον αὐτῆς εἶναι, τὸ δὲ λόγον ἔχον. ταῦτα δὲ πότερον διώρισται καθάπερ τὰ τοῦ σώματος μόρια καὶ πᾶν τὸ μεριστόν, ἢ τῷ λόγῳ δύο ἐστὶν ἀχώριστα πεφυκότα καθάπερ ἐν τῇ περιφερείᾳ τὸ κυρτὸν καὶ τὸ κοῖλον, οὐθὲν διαφέρει πρὸς τὸ παρόν. τοῦ ἀλόγου δὲ τὸ μὲν ἔοικε κοινῷ καὶ φυτικῷ, λέγω δὲ τὸ αἴτιον τοῦ τρέφεσθαι καὶ αὔξεσθαι

Transliteration

epei dʼ estin he eudaimonia psyches energeia tis katʼ areten teleian, peri aretes episkepteon an eie tacha gar houtos an beltion kai peri tes eudaimonias theoresaimen. dokei de kai ho katʼ aletheian politikos peri tauten malista peponesthai bouletai gar tous politas agathous poiein kai ton nomon hypekoous. paradeigma de touton echomen tous Kreton kai Lakedaimonion nomothetas, kai ei tines heteroi toioutoi gegenentai. ei de tes politikes estin he skepsis haute, delon hoti ginoitʼ an he zetesis kata ten ex arches proairesin. peri aretes de episkepteon anthropines delon hoti kai gar tagathon anthropinon ezetoumen kai ten eudaimonian anthropinen. areten de legomen anthropinen ou ten tou somatos alla ten tes psyches kai ten eudaimonian de psyches energeian legomen. ei de tauthʼ houtos echei, delon hoti dei ton politikon eidenai pos ta peri psyches, hosper kai ton ophthalmous therapeusonta kai pan to soma, kai mallon hoso timiotera kai beltion he politike tes iatrikes ton dʼ iatron hoi charientes polla pragmateuontai peri ten tou somatos gnosin. theoreteon de kai to politiko peri psyches, theoreteon de touton charin, kai ephʼ hoson hikanos echei pros ta zetoumena to gar epi pleion exakriboun ergodesteron isos esti ton prokeimenon. legetai de peri autes kai en tois exoterikois logois arkountos enia, kai chresteon autois hoion to men alogon autes einai, to de logon echon. tauta de poteron dioristai kathaper ta tou somatos moria kai pan to meriston, e to logo dyo estin achorista pephykota kathaper en te periphereia to kyrton kai to koilon, outhen diapherei pros to paron. tou alogou de to men eoike koino kai phytiko, lego de to aition tou trephesthai kai auxesthai

Translation coming soon for this language.

Source edition (provenance)

perseus:tlg0086.tlg010.perseus-grc2; aristotle:ne; book 1 section 13 part 1; bekker 1102b; transliteration: greek-transliteration (build)

Share X Facebook