Languages

Work 1 · Passage 4

Work 1 · Passage 4

Aristotle

Greek

λέγωμεν δʼ ἀναλαβόντες, ἐπειδὴ πᾶσα γνῶσις καὶ προαίρεσις ἀγαθοῦ τινὸς ὀρέγεται, τί ἐστὶν οὗ λέγομεν τὴν πολιτικὴν ἐφίεσθαι καὶ τί τὸ πάντων ἀκρότατον τῶν πρακτῶν ἀγαθῶν. ὀνόματι μὲν οὖν σχεδὸν ὑπὸ τῶν πλείστων ὁμολογεῖται· τὴν γὰρ εὐδαιμονίαν καὶ οἱ πολλοὶ καὶ οἱ χαρίεντες λέγουσιν, τὸ δʼ εὖ ζῆν καὶ τὸ εὖ πράττειν ταὐτὸν ὑπολαμβάνουσι τῷ εὐδαιμονεῖν· περὶ δὲ τῆς εὐδαιμονίας, τί ἐστιν, ἀμφισβητοῦσι καὶ οὐχ ὁμοίως οἱ πολλοὶ τοῖς σοφοῖς ἀποδιδόασιν. οἳ μὲν γὰρ τῶν ἐναργῶν τι καὶ φανερῶν, οἷον ἡδονὴν ἢ πλοῦτον ἢ τιμήν, ἄλλοι δʼ ἄλλο—πολλάκις δὲ καὶ ὁ αὐτὸς ἕτερον· νοσήσας μὲν γὰρ ὑγίειαν, πενόμενος δὲ πλοῦτον· συνειδότες δʼ ἑαυτοῖς ἄγνοιαν τοὺς μέγα τι καὶ ὑπὲρ αὐτοὺς λέγοντας θαυμάζουσιν. ἔνιοι δʼ ᾤοντο παρὰ τὰ πολλὰ ταῦτα ἀγαθὰ ἄλλο τι καθʼ αὑτὸ εἶναι, ὃ καὶ τούτοις πᾶσιν αἴτιόν ἐστι τοῦ εἶναι ἀγαθά. ἁπάσας μὲν οὖν ἐξετάζειν τὰς δόξας ματαιότερον ἴσως ἐστίν, ἱκανὸν δὲ τὰς μάλιστα ἐπιπολαζούσας ἢ δοκούσας ἔχειν τινὰ λόγον. μὴ λανθανέτω δʼ ἡμᾶς ὅτι διαφέρουσιν οἱ ἀπὸ τῶν ἀρχῶν λόγοι καὶ οἱ ἐπὶ τὰς ἀρχάς. εὖ γὰρ καὶ ὁ Πλάτων ἠπόρει τοῦτο καὶ ἐζήτει, πότερον ἀπὸ τῶν ἀρχῶν ἢ ἐπὶ τὰς ἀρχάς ἐστιν ἡ ὁδός, ὥσπερ ἐν τῷ σταδίῳ ἀπὸ τῶν ἀθλοθετῶν ἐπὶ τὸ πέρας ἢ ἀνάπαλιν. ἀρκτέον μὲν γὰρ ἀπὸ τῶν γνωρίμων, ταῦτα δὲ διττῶς· τὰ μὲν γὰρ ἡμῖν τὰ δʼ ἁπλῶς. ἴσως οὖν ἡμῖν γε ἀρκτέον ἀπὸ τῶν ἡμῖν γνωρίμων. διὸ δεῖ τοῖς ἔθεσιν ἦχθαι καλῶς τὸν περὶ καλῶν καὶ δικαίων καὶ ὅλως τῶν πολιτικῶν ἀκουσόμενον ἱκανῶς. ἀρχὴ γὰρ τὸ ὅτι, καὶ εἰ τοῦτο φαίνοιτο ἀρκούντως, οὐδὲν προσδεήσει τοῦ διότι· ὁ δὲ τοιοῦτος ἔχει ἢ λάβοι ἂν ἀρχὰς ῥᾳδίως. ᾧ δὲ μηδέτερον ὑπάρχει τούτων, ἀκουσάτω τῶν Ἡσιόδου·

Transliteration

legomen dʼ analabontes, epeide pasa gnosis kai proairesis agathou tinos oregetai, ti estin hou legomen ten politiken ephiesthai kai ti to panton akrotaton ton prakton agathon. onomati men oun schedon hypo ton pleiston homologeitai ten gar eudaimonian kai hoi polloi kai hoi charientes legousin, to dʼ eu zen kai to eu prattein tauton hypolambanousi to eudaimonein peri de tes eudaimonias, ti estin, amphisbetousi kai ouch homoios hoi polloi tois sophois apodidoasin. hoi men gar ton enargon ti kai phaneron, hoion hedonen e plouton e timen, alloi dʼ allo—pollakis de kai ho autos heteron nosesas men gar hygieian, penomenos de plouton syneidotes dʼ heautois agnoian tous mega ti kai hyper autous legontas thaumazousin. enioi dʼ oonto para ta polla tauta agatha allo ti kathʼ hauto einai, ho kai toutois pasin aition esti tou einai agatha. hapasas men oun exetazein tas doxas mataioteron isos estin, hikanon de tas malista epipolazousas e dokousas echein tina logon. me lanthaneto dʼ hemas hoti diapherousin hoi apo ton archon logoi kai hoi epi tas archas. eu gar kai ho Platon eporei touto kai ezetei, poteron apo ton archon e epi tas archas estin he hodos, hosper en to stadio apo ton athlotheton epi to peras e anapalin. arkteon men gar apo ton gnorimon, tauta de dittos ta men gar hemin ta dʼ haplos. isos oun hemin ge arkteon apo ton hemin gnorimon. dio dei tois ethesin echthai kalos ton peri kalon kai dikaion kai holos ton politikon akousomenon hikanos. arche gar to hoti, kai ei touto phainoito arkountos, ouden prosdeesei tou dioti ho de toioutos echei e laboi an archas rhadios. ho de medeteron hyparchei touton, akousato ton hEsiodou

Translation coming soon for this language.

Source edition (provenance)

perseus:tlg0086.tlg010.perseus-grc2; aristotle:ne; book 1 section 4; bekker 1095b; transliteration: greek-transliteration (build)

Share X Facebook