Work 1 · Passage 5
Aristotle
Greek
ἡμεῖς δὲ λέγωμεν ὅθεν παρεξέβημεν. τὸ γὰρ ἀγαθὸν καὶ τὴν εὐδαιμονίαν οὐκ ἀλόγως ἐοίκασιν ἐκ τῶν βίων ὑπολαμβάνειν οἱ μὲν πολλοὶ καὶ φορτικώτατοι τὴν ἡδονήν· διὸ καὶ τὸν βίον ἀγαπῶσι τὸν ἀπολαυστικόν. τρεῖς γάρ εἰσι μάλιστα οἱ προύχοντες, ὅ τε νῦν εἰρημένος καὶ ὁ πολιτικὸς καὶ τρίτος ὁ θεωρητικός. οἱ μὲν οὖν πολλοὶ παντελῶς ἀνδραποδώδεις φαίνονται βοσκημάτων βίον προαιρούμενοι, τυγχάνουσι δὲ λόγου διὰ τὸ πολλοὺς τῶν ἐν ταῖς ἐξουσίαις ὁμοιοπαθεῖν Σαρδαναπάλλῳ. οἱ δὲ χαρίεντες καὶ πρακτικοὶ τιμήν· τοῦ γὰρ πολιτικοῦ βίου σχεδὸν τοῦτο τέλος. φαίνεται δʼ ἐπιπολαιότερον εἶναι τοῦ ζητουμένου· δοκεῖ γὰρ ἐν τοῖς τιμῶσι μᾶλλον εἶναι ἢ ἐν τῷ τιμωμένῳ, τἀγαθὸν δὲ οἰκεῖόν τι καὶ δυσαφαίρετον εἶναι μαντευόμεθα. ἔτι δʼ ἐοίκασι τὴν τιμὴν διώκειν ἵνα πιστεύσωσιν ἑαυτοὺς ἀγαθοὺς εἶναι· ζητοῦσι γοῦν ὑπὸ τῶν φρονίμων τιμᾶσθαι, καὶ παρʼ οἷς γινώσκονται, καὶ ἐπʼ ἀρετῇ· δῆλον οὖν ὅτι κατά γε τούτους ἡ ἀρετὴ κρείττων. τάχα δὲ καὶ μᾶλλον ἄν τις τέλος τοῦ πολιτικοῦ βίου ταύτην ὑπολάβοι. φαίνεται δὲ ἀτελεστέρα καὶ αὕτη· δοκεῖ γὰρ ἐνδέχεσθαι καὶ καθεύδειν ἔχοντα τὴν ἀρετὴν ἢ ἀπρακτεῖν διὰ βίου, καὶ πρὸς τούτοις κακοπαθεῖν καὶ ἀτυχεῖν τὰ μέγιστα· τὸν δʼ οὕτω ζῶντα οὐδεὶς ἂν εὐδαιμονίσειεν, εἰ μὴ θέσιν διαφυλάττων. καὶ περὶ μὲν τούτων ἅλις· ἱκανῶς γὰρ καὶ ἐν τοῖς ἐγκυκλίοις εἴρηται περὶ αὐτῶν. τρίτος δʼ ἐστὶν ὁ θεωρητικός, ὑπὲρ οὗ τὴν ἐπίσκεψιν ἐν τοῖς ἑπομένοις ποιησόμεθα. ὁ δὲ χρηματιστὴς βίαιός τις ἐστίν, καὶ ὁ πλοῦτος δῆλον ὅτι οὐ τὸ ζητούμενον ἀγαθόν· χρήσιμον γὰρ καὶ ἄλλου χάριν. διὸ μᾶλλον τὰ πρότερον λεχθέντα τέλη τις ἂν ὑπολάβοι· διʼ αὑτὰ γὰρ ἀγαπᾶται. φαίνεται δʼ οὐδʼ ἐκεῖνα· καίτοι πολλοὶ λόγοι πρὸς αὐτὰ καταβέβληνται. ταῦτα μὲν οὖν ἀφείσθω.
Transliteration
hemeis de legomen hothen parexebemen. to gar agathon kai ten eudaimonian ouk alogos eoikasin ek ton bion hypolambanein hoi men polloi kai phortikotatoi ten hedonen dio kai ton bion agaposi ton apolaustikon. treis gar eisi malista hoi prouchontes, ho te nyn eiremenos kai ho politikos kai tritos ho theoretikos. hoi men oun polloi pantelos andrapododeis phainontai boskematon bion proairoumenoi, tynchanousi de logou dia to pollous ton en tais exousiais homoiopathein Sardanapallo. hoi de charientes kai praktikoi timen tou gar politikou biou schedon touto telos. phainetai dʼ epipolaioteron einai tou zetoumenoy dokei gar en tois timosi mallon einai e en to timomeno, tagathon de oikeion ti kai dysaphaireton einai manteuometha. eti dʼ eoikasi ten timen diokein hina pisteusosin heautous agathous einai zetousi goun hypo ton phronimon timasthai, kai parʼ hois ginoskontai, kai epʼ arete delon oun hoti kata ge toutoys he arete kreitton. tacha de kai mallon an tis telos tou politikou biou tauten hypolaboi. phainetai de atelestera kai haute dokei gar endechesthai kai katheudein echonta ten areten e apraktein dia biou, kai pros toutois kakopathein kai atychein ta megista ton dʼ houto zonta oudeis an eudaimoniseien, ei me thesin diaphylatton. kai peri men touton halis hikanos gar kai en tois enkykliois eiretai peri auton. tritos dʼ estin ho theoretikos, hyper hou ten episkepsin en tois hepomenois poiesometha. ho de chrematistes biaios tis estin, kai ho ploutos delon hoti ou to zetoumenon agathon chresimon gar kai allou charin. dio mallon ta proteron lechthenta tele tis an hypolaboi diʼ hauta gar agapatai. phainetai dʼ oudʼ ekeina kaitoi polloi logoi pros auta katabeblentai. tauta men oun apheistho.
Translation coming soon for this language.
Source edition (provenance)
perseus:tlg0086.tlg010.perseus-grc2; aristotle:ne; book 1 section 5; bekker 1096a; transliteration: greek-transliteration (build)