Languages

Work 1 · Passage 6

Work 1 · Passage 6

Aristotle

Greek

τὸ δὲ καθόλου βέλτιον ἴσως ἐπισκέψασθαι καὶ διαπορῆσαι πῶς λέγεται, καίπερ προσάντους τῆς τοιαύτης ζητήσεως γινομένης διὰ τὸ φίλους ἄνδρας εἰσαγαγεῖν τὰ εἴδη. δόξειε δʼ ἂν ἴσως βέλτιον εἶναι καὶ δεῖν ἐπὶ σωτηρίᾳ γε τῆς ἀληθείας καὶ τὰ οἰκεῖα ἀναιρεῖν, ἄλλως τε καὶ φιλοσόφους ὄντας· ἀμφοῖν γὰρ ὄντοιν φίλοιν ὅσιον προτιμᾶν τὴν ἀλήθειαν. οἱ δὴ κομίσαντες τὴν δόξαν ταύτην οὐκ ἐποίουν ἰδέας ἐν οἷς τὸ πρότερον καὶ ὕστερον ἔλεγον, διόπερ οὐδὲ τῶν ἀριθμῶν ἰδέαν κατεσκεύαζον· τὸ δʼ ἀγαθὸν λέγεται καὶ ἐν τῷ τί ἐστι καὶ ἐν τῷ ποιῷ καὶ ἐν τῷ πρός τι, τὸ δὲ καθʼ αὑτὸ καὶ ἡ οὐσία πρότερον τῇ φύσει τοῦ πρός τι (παραφυάδι γὰρ τοῦτʼ ἔοικε καὶ συμβεβηκότι τοῦ ὄντος)· ὥστʼ οὐκ ἂν εἴη κοινή τις ἐπὶ τούτοις ἰδέα. ἔτι δʼ ἐπεὶ τἀγαθὸν ἰσαχῶς λέγεται τῷ ὄντι (καὶ γὰρ ἐν τῷ τί λέγεται, οἷον ὁ θεὸς καὶ ὁ νοῦς, καὶ ἐν τῷ ποιῷ αἱ ἀρεταί, καὶ ἐν τῷ ποσῷ τὸ μέτριον, καὶ ἐν τῷ πρός τι τὸ χρήσιμον, καὶ ἐν χρόνῳ καιρός, καὶ ἐν τόπῳ δίαιτα καὶ ἕτερα τοιαῦτα), δῆλον ὡς οὐκ ἂν εἴη κοινόν τι καθόλου καὶ ἕν· οὐ γὰρ ἂν ἐλέγετʼ ἐν πάσαις ταῖς κατηγορίαις, ἀλλʼ ἐν μιᾷ μόνῃ. ἔτι δʼ ἐπεὶ τῶν κατὰ μίαν ἰδέαν μία καὶ ἐπιστήμη, καὶ τῶν ἀγαθῶν ἁπάντων ἦν ἂν μία τις ἐπιστήμη· νῦν δʼ εἰσὶ πολλαὶ καὶ τῶν ὑπὸ μίαν κατηγορίαν, οἷον καιροῦ, ἐν πολέμῳ μὲν γὰρ στρατηγικὴ ἐν νόσῳ δʼ ἰατρική, καὶ τοῦ μετρίου ἐν τροφῇ μὲν ἰατρικὴ ἐν πόνοις δὲ γυμναστική. ἀπορήσειε δʼ ἄν τις τί ποτε καὶ βούλονται λέγειν αὐτοέκαστον, εἴπερ ἔν τε αὐτοανθρώπῳ καὶ ἐν ἀνθρώπῳ εἷς καὶ ὁ αὐτὸς λόγος ἐστὶν ὁ τοῦ ἀνθρώπου. ᾗ γὰρ ἄνθρωπος, οὐδὲν διοίσουσιν

Transliteration

to de katholou beltion isos episkepsasthai kai diaporesai pos legetai, kaiper prosantous tes toiautes zeteseos ginomenes dia to philous andras eisagagein ta eide. doxeie dʼ an isos beltion einai kai dein epi soteria ge tes aletheias kai ta oikeia anairein, allos te kai philosophous ontas amphoin gar ontoin philoin hosion protiman ten aletheian. hoi de komisantes ten doxan tauten ouk epoioun ideas en hois to proteron kai hysteron elegon, dioper oude ton arithmon idean kateskeuazon to dʼ agathon legetai kai en to ti esti kai en to poio kai en to pros ti, to de kathʼ hauto kai he ousia proteron te physei tou pros ti (paraphyadi gar toutʼ eoike kai symbebekoti tou ontos) hostʼ ouk an eie koine tis epi toutois idea. eti dʼ epei tagathon isachos legetai to onti (kai gar en to ti legetai, hoion ho theos kai ho nous, kai en to poio hai aretai, kai en to poso to metrion, kai en to pros ti to chresimon, kai en chrono kairos, kai en topo diaita kai hetera toiauta), delon hos ouk an eie koinon ti katholou kai hen ou gar an elegetʼ en pasais tais kategoriais, allʼ en mia mone. eti dʼ epei ton kata mian idean mia kai episteme, kai ton agathon hapanton en an mia tis episteme nyn dʼ eisi pollai kai ton hypo mian kategorian, hoion kairou, en polemo men gar strategike en noso dʼ iatrike, kai tou metriou en trophe men iatrike en ponois de gymnastike. aporeseie dʼ an tis ti pote kai boulontai legein autoekaston, eiper en te autoanthropo kai en anthropo heis kai ho autos logos estin ho tou anthropou. he gar anthropos, ouden dioisousin

Translation coming soon for this language.

Source edition (provenance)

perseus:tlg0086.tlg010.perseus-grc2; aristotle:ne; book 1 section 6 part 1; bekker 1096b; transliteration: greek-transliteration (build)

Share X Facebook