Work 1 · Passage 7
Aristotle
Greek
· εἰ δʼ οὕτως, οὐδʼ ᾗ ἀγαθόν. ἀλλὰ μὴν οὐδὲ τῷ ἀίδιον εἶναι μᾶλλον ἀγαθὸν ἔσται, εἴπερ μηδὲ λευκότερον τὸ πολυχρόνιον τοῦ ἐφημέρου. πιθανώτερον δʼ ἐοίκασιν οἱ Πυθαγόρειοι λέγειν περὶ αὐτοῦ, τιθέντες ἐν τῇ τῶν ἀγαθῶν συστοιχίᾳ τὸ ἕν· οἷς δὴ καὶ Σπεύσιππος ἐπακολουθῆσαι δοκεῖ. ἀλλὰ περὶ μὲν τούτων ἄλλος ἔστω λόγος· τοῖς δὲ λεχθεῖσιν ἀμφισβήτησίς τις ὑποφαίνεται διὰ τὸ μὴ περὶ παντὸς ἀγαθοῦ τοὺς λόγους εἰρῆσθαι, λέγεσθαι δὲ καθʼ ἓν εἶδος τὰ καθʼ αὑτὰ διωκόμενα καὶ ἀγαπώμενα, τὰ δὲ ποιητικὰ τούτων ἢ φυλακτικά πως ἢ τῶν ἐναντίων κωλυτικὰ διὰ ταῦτα λέγεσθαι καὶ τρόπον ἄλλον. δῆλον οὖν ὅτι διττῶς λέγοιτʼ ἂν τἀγαθά, καὶ τὰ μὲν καθʼ αὑτά, θάτερα δὲ διὰ ταῦτα. χωρίσαντες οὖν ἀπὸ τῶν ὠφελίμων τὰ καθʼ αὑτὰ σκεψώμεθα εἰ λέγεται κατὰ μίαν ἰδέαν. καθʼ αὑτὰ δὲ ποῖα θείη τις ἄν; ἢ ὅσα καὶ μονούμενα διώκεται, οἷον τὸ φρονεῖν καὶ ὁρᾶν καὶ ἡδοναί τινες καὶ τιμαί; ταῦτα γὰρ εἰ καὶ διʼ ἄλλο τι διώκομεν, ὅμως τῶν καθʼ αὑτὰ ἀγαθῶν θείη τις ἄν. ἢ οὐδʼ ἄλλο οὐδὲν πλὴν τῆς ἰδέας; ὥστε μάταιον ἔσται τὸ εἶδος. εἰ δὲ καὶ ταῦτʼ ἐστὶ τῶν καθʼ αὑτά, τὸν τἀγαθοῦ λόγον ἐν ἅπασιν αὐτοῖς τὸν αὐτὸν ἐμφαίνεσθαι δεήσει, καθάπερ ἐν χιόνι καὶ ψιμυθίῳ τὸν τῆς λευκότητος. τιμῆς δὲ καὶ φρονήσεως καὶ ἡδονῆς ἕτεροι καὶ διαφέροντες οἱ λόγοι ταύτῃ ᾗ ἀγαθά. οὐκ ἔστιν ἄρα τὸ ἀγαθὸν κοινόν τι κατὰ μίαν ἰδέαν. ἀλλὰ πῶς δὴ λέγεται; οὐ γὰρ ἔοικε τοῖς γε ἀπὸ τύχης ὁμωνύμοις. ἀλλʼ ἆρά γε τῷ ἀφʼ ἑνὸς εἶναι ἢ πρὸς ἓν ἅπαντα συντελεῖν, ἢ μᾶλλον κατʼ ἀναλογίαν; ὡς γὰρ ἐν σώματι ὄψις, ἐν ψυχῇ νοῦς, καὶ ἄλλο δὴ ἐν ἄλλῳ. ἀλλʼ ἴσως ταῦτα μὲν ἀφετέον τὸ νῦν· ἐξακριβοῦν γὰρ ὑπὲρ αὐτῶν ἄλλης ἂν εἴη φιλοσοφίας οἰκειότερον. ὁμοίως δὲ καὶ περὶ τῆς ἰδέας
Transliteration
ei dʼ houtos, oudʼ he agathon. alla men oude to aidion einai mallon agathon estai, eiper mede leukoteron to polychronion tou ephemerou. pithanoteron dʼ eoikasin hoi Pythagoreioi legein peri autou, tithentes en te ton agathon systoichia to hen hois de kai Speusippos epakolouthesai dokei. alla peri men touton allos esto logos tois de lechtheisin amphisbetesis tis hypophainetai dia to me peri pantos agathou tous logous eiresthai, legesthai de kathʼ hen eidos ta kathʼ hauta diokomena kai agapomena, ta de poietika touton e phylaktika pos e ton enantion kolytika dia tauta legesthai kai tropon allon. delon oun hoti dittos legoitʼ an tagatha, kai ta men kathʼ hauta, thatera de dia tauta. chorisantes oun apo ton ophelimon ta kathʼ hauta skepsometha ei legetai kata mian idean. kathʼ hauta de poia theie tis an; e hosa kai monoumena dioketai, hoion to phronein kai horan kai hedonai tines kai timai; tauta gar ei kai diʼ allo ti diokomen, homos ton kathʼ hauta agathon theie tis an. e oudʼ allo ouden plen tes ideas; hoste mataion estai to eidos. ei de kai tautʼ esti ton kathʼ hauta, ton tagathou logon en hapasin autois ton auton emphainesthai deesei, kathaper en chioni kai psimythio ton tes leukotetos. times de kai phroneseos kai hedones heteroi kai diapherontes hoi logoi taute he agatha. ouk estin ara to agathon koinon ti kata mian idean. alla pos de legetai; ou gar eoike tois ge apo tyches homonymois. allʼ ara ge to aphʼ henos einai e pros hen hapanta syntelein, e mallon katʼ analogian; hos gar en somati opsis, en psyche nous, kai allo de en allo. allʼ isos tauta men apheteon to nyn exakriboun gar hyper auton alles an eie philosophias oikeioteron. homoios de kai peri tes ideas
Translation coming soon for this language.
Source edition (provenance)
perseus:tlg0086.tlg010.perseus-grc2; aristotle:ne; book 1 section 6 part 2; bekker 1096b; transliteration: greek-transliteration (build)