Work 1 · Passage 8
Aristotle
Greek
· εἰ γὰρ καὶ ἔστιν ἕν τι τὸ κοινῇ κατηγορούμενον ἀγαθὸν ἢ χωριστὸν αὐτό τι καθʼ αὑτό, δῆλον ὡς οὐκ ἂν εἴη πρακτὸν οὐδὲ κτητὸν ἀνθρώπῳ· νῦν δὲ τοιοῦτόν τι ζητεῖται. τάχα δέ τῳ δόξειεν ἂν βέλτιον εἶναι γνωρίζειν αὐτὸ πρὸς τὰ κτητὰ καὶ πρακτὰ τῶν ἀγαθῶν· οἷον γὰρ παράδειγμα τοῦτʼ ἔχοντες μᾶλλον εἰσόμεθα καὶ τὰ ἡμῖν ἀγαθά, κἂν εἰδῶμεν, ἐπιτευξόμεθα αὐτῶν. πιθανότητα μὲν οὖν τινα ἔχει ὁ λόγος, ἔοικε δὲ ταῖς ἐπιστήμαις διαφωνεῖν· πᾶσαι γὰρ ἀγαθοῦ τινὸς ἐφιέμεναι καὶ τὸ ἐνδεὲς ἐπιζητοῦσαι παραλείπουσι τὴν γνῶσιν αὐτοῦ. καίτοι βοήθημα τηλικοῦτον τοὺς τεχνίτας ἅπαντας ἀγνοεῖν καὶ μηδʼ ἐπιζητεῖν οὐκ εὔλογον. ἄπορον δὲ καὶ τί ὠφεληθήσεται ὑφάντης ἢ τέκτων πρὸς τὴν αὑτοῦ τέχνην εἰδὼς τὸ αὐτὸ τοῦτο ἀγαθόν, ἢ πῶς ἰατρικώτερος ἢ στρατηγικώτερος ἔσται ὁ τὴν ἰδέαν αὐτὴν τεθεαμένος. φαίνεται μὲν γὰρ οὐδὲ τὴν ὑγίειαν οὕτως ἐπισκοπεῖν ὁ ἰατρός, ἀλλὰ τὴν ἀνθρώπου, μᾶλλον δʼ ἴσως τὴν τοῦδε· καθʼ ἕκαστον γὰρ ἰατρεύει. καὶ περὶ μὲν τούτων ἐπὶ τοσοῦτον εἰρήσθω.
Transliteration
ei gar kai estin hen ti to koine kategoroumenon agathon e choriston auto ti kathʼ hauto, delon hos ouk an eie prakton oude kteton anthropo nyn de toiouton ti zeteitai. tacha de to doxeien an beltion einai gnorizein auto pros ta kteta kai prakta ton agathon hoion gar paradeigma toutʼ echontes mallon eisometha kai ta hemin agatha, kan eidomen, epiteuxometha auton. pithanoteta men oun tina echei ho logos, eoike de tais epistemais diaphonein pasai gar agathou tinos ephiemenai kai to endees epizetousai paraleipousi ten gnosin autou. kaitoi boethema telikouton tous technitas hapantas agnoein kai medʼ epizetein ouk eulogon. aporon de kai ti ophelethesetai hyphantes e tekton pros ten hautou technen eidos to auto touto agathon, e pos iatrikoteros e strategikoteros estai ho ten idean auten tetheamenos. phainetai men gar oude ten hygieian houtos episkopein ho iatros, alla ten anthropou, mallon dʼ isos ten toude kathʼ hekaston gar iatreuei. kai peri men touton epi tosouton eirestho.
Translation coming soon for this language.
Source edition (provenance)
perseus:tlg0086.tlg010.perseus-grc2; aristotle:ne; book 1 section 6 part 3; bekker 1096b; transliteration: greek-transliteration (build)