Work 2 · Passage 11
Aristotle
Greek
· Μίλωνι μὲν γὰρ ὀλίγον, τῷ δὲ ἀρχομένῳ τῶν γυμνασίων πολύ. ὁμοίως ἐπὶ δρόμου καὶ πάλης. οὕτω δὴ πᾶς ἐπιστήμων τὴν ὑπερβολὴν μὲν καὶ τὴν ἔλλειψιν φεύγει, τὸ δὲ μέσον ζητεῖ καὶ τοῦθʼ αἱρεῖται, μέσον δὲ οὐ τὸ τοῦ πράγματος ἀλλὰ τὸ πρὸς ἡμᾶς. εἰ δὴ πᾶσα ἐπιστήμη οὕτω τὸ ἔργον εὖ ἐπιτελεῖ, πρὸς τὸ μέσον βλέπουσα καὶ εἰς τοῦτο ἄγουσα τὰ ἔργα (ὅθεν εἰώθασιν ἐπιλέγειν τοῖς εὖ ἔχουσιν ἔργοις ὅτι οὔτʼ ἀφελεῖν ἔστιν οὔτε προσθεῖναι, ὡς τῆς μὲν ὑπερβολῆς καὶ τῆς ἐλλείψεως φθειρούσης τὸ εὖ, τῆς δὲ μεσότητος σῳζούσης, οἱ δʼ ἀγαθοὶ τεχνῖται, ὡς λέγομεν, πρὸς τοῦτο βλέποντες ἐργάζονται)· ἡ δʼ ἀρετὴ πάσης τέχνης ἀκριβεστέρα καὶ ἀμείνων ἐστὶν ὥσπερ καὶ ἡ φύσις, τοῦ μέσου ἂν εἴη στοχαστική. λέγω δὲ τὴν ἠθικήν· αὕτη γάρ ἐστι περὶ πάθη καὶ πράξεις, ἐν δὲ τούτοις ἔστιν ὑπερβολὴ καὶ ἔλλειψις καὶ τὸ μέσον. οἷον καὶ φοβηθῆναι καὶ θαρρῆσαι καὶ ἐπιθυμῆσαι καὶ ὀργισθῆναι καὶ ἐλεῆσαι καὶ ὅλως ἡσθῆναι καὶ λυπηθῆναι ἔστι καὶ μᾶλλον καὶ ἧττον, καὶ ἀμφότερα οὐκ εὖ· τὸ δʼ ὅτε δεῖ καὶ ἐφʼ οἷς καὶ πρὸς οὓς καὶ οὗ ἕνεκα καὶ ὡς δεῖ, μέσον τε καὶ ἄριστον, ὅπερ ἐστὶ τῆς ἀρετῆς. ὁμοίως δὲ καὶ περὶ τὰς πράξεις ἔστιν ὑπερβολὴ καὶ ἔλλειψις καὶ τὸ μέσον. ἡ δʼ ἀρετὴ περὶ πάθη καὶ πράξεις ἐστίν, ἐν οἷς ἡ μὲν ὑπερβολὴ ἁμαρτάνεται καὶ ἡ ἔλλειψις , τὸ δὲ μέσον ἐπαινεῖται καὶ κατορθοῦται· ταῦτα δʼ ἄμφω τῆς ἀρετῆς. μεσότης τις ἄρα ἐστὶν ἡ ἀρετή, στοχαστική γε οὖσα τοῦ μέσου. ἔτι τὸ μὲν ἁμαρτάνειν πολλαχῶς ἔστιν (τὸ γὰρ κακὸν τοῦ ἀπείρου, ὡς οἱ Πυθαγόρειοι εἴκαζον, τὸ δʼ ἀγαθὸν τοῦ πεπερασμένου), τὸ δὲ κατορθοῦν μοναχῶς (διὸ καὶ τὸ μὲν ῥᾴδιον τὸ δὲ χαλεπόν, ῥᾴδιον μὲν τὸ ἀποτυχεῖν τοῦ σκοποῦ, χαλεπὸν δὲ τὸ ἐπιτυχεῖν)· καὶ διὰ ταῦτʼ οὖν τῆς μὲν κακίας ἡ ὑπερβολὴ καὶ ἡ ἔλλειψις, τῆς δʼ ἀρετῆς ἡ μεσότης
Transliteration
Miloni men gar oligon, to de archomeno ton gymnasion poly. homoios epi dromou kai pales. houto de pas epistemon ten hyperbolen men kai ten elleipsin pheugei, to de meson zetei kai touthʼ haireitai, meson de ou to tou pragmatos alla to pros hemas. ei de pasa episteme houto to ergon eu epitelei, pros to meson blepousa kai eis touto agousa ta erga h(othen eiothasin epilegein tois eu echousin ergois hoti outʼ aphelein estin oute prostheinai, hos tes men hyperboles kai tes elleipseos phtheirouses to eu, tes de mesotetos sozouses, hoi dʼ agathoi technitai, hos legomen, pros touto blepontes ergazontai) he dʼ arete pases technes akribestera kai ameinon estin hosper kai he physis, tou mesou an eie stochastike. lego de ten ethiken haute gar esti peri pathe kai praxeis, en de toutois estin hyperbole kai elleipsis kai to meson. hoion kai phobethenai kai tharrhesai kai epithymesai kai orgisthenai kai eleesai kai holos hesthenai kai lypethenai esti kai mallon kai hetton, kai amphotera ouk eu to dʼ hote dei kai ephʼ hois kai pros hous kai hou heneka kai hos dei, meson te kai ariston, hoper esti tes aretes. homoios de kai peri tas praxeis estin hyperbole kai elleipsis kai to meson. he dʼ arete peri pathe kai praxeis estin, en hois he men hyperbole hamartanetai kai he elleipsis , to de meson epaineitai kai katorthoutai tauta dʼ ampho tes aretes. mesotes tis ara estin he arete, stochastike ge ousa tou mesou. eti to men hamartanein pollachos estin (to gar kakon tou apeirou, hos hoi Pythagoreioi eikazon, to dʼ agathon tou peperasmenou), to de katorthoun monachos (dio kai to men rhadion to de chalepon, rhadion men to apotychein tou skopou, chalepon de to epitychein) kai dia tautʼ oun tes men kakias he hyperbole kai he elleipsis, tes dʼ aretes he mesotes
Translation coming soon for this language.
Source edition (provenance)
perseus:tlg0086.tlg010.perseus-grc2; aristotle:ne; book 2 section 6 part 2; bekker 1106b; transliteration: greek-transliteration (build)