Languages

Work 2 · Passage 5

Work 2 · Passage 5

Aristotle

Greek

σημεῖον δὲ δεῖ ποιεῖσθαι τῶν ἕξεων τὴν ἐπιγινομένην ἡδονὴν ἢ λύπην τοῖς ἔργοις· ὁ μὲν γὰρ ἀπεχόμενος τῶν σωματικῶν ἡδονῶν καὶ αὐτῷ τούτῳ χαίρων σώφρων, ὁ δʼ ἀχθόμενος ἀκόλαστος, καὶ ὁ μὲν ὑπομένων τὰ δεινὰ καὶ χαίρων ἢ μὴ λυπούμενός γε ἀνδρεῖος, ὁ δὲ λυπούμενος δειλός. περὶ ἡδονὰς γὰρ καὶ λύπας ἐστὶν ἡ ἠθικὴ ἀρετή· διὰ μὲν γὰρ τὴν ἡδονὴν τὰ φαῦλα πράττομεν, διὰ δὲ τὴν λύπην τῶν καλῶν ἀπεχόμεθα. διὸ δεῖ ἦχθαί πως εὐθὺς ἐκ νέων, ὡς ὁ Πλάτων φησίν, ὥστε χαίρειν τε καὶ λυπεῖσθαι οἷς δεῖ· ἡ γὰρ ὀρθὴ παιδεία αὕτη ἐστίν. ἔτι δʼ εἰ αἱ ἀρεταί εἰσι περὶ πράξεις καὶ πάθη, παντὶ δὲ πάθει καὶ πάσῃ πράξει ἕπεται ἡδονὴ καὶ λύπη, καὶ διὰ τοῦτʼ ἂν εἴη ἡ ἀρετὴ περὶ ἡδονὰς καὶ λύπας. μηνύουσι δὲ καὶ αἱ κολάσεις γινόμεναι διὰ τούτων· ἰατρεῖαι γάρ τινές εἰσιν, αἱ δὲ ἰατρεῖαι διὰ τῶν ἐναντίων πεφύκασι γίνεσθαι. ἔτι, ὡς καὶ πρῴην εἴπομεν, πᾶσα ψυχῆς ἕξις, ὑφʼ οἵων πέφυκε γίνεσθαι χείρων καὶ βελτίων, πρὸς ταῦτα καὶ περὶ ταῦτα τὴν φύσιν ἔχει· διʼ ἡδονὰς δὲ καὶ λύπας φαῦλοι γίνονται, τῷ διώκειν ταύτας καὶ φεύγειν, ἢ ἃς μὴ δεῖ ἢ ὅτε οὐ δεῖ ἢ ὡς οὐ δεῖ ἢ ὁσαχῶς ἄλλως ὑπὸ τοῦ λόγου διορίζεται τὰ τοιαῦτα. διὸ καὶ ὁρίζονται τὰς ἀρετὰς ἀπαθείας τινὰς καὶ ἠρεμίας· οὐκ εὖ δέ, ὅτι ἁπλῶς λέγουσιν, ἀλλʼ οὐχ ὡς δεῖ καὶ ὡς οὐ δεῖ καὶ ὅτε, καὶ ὅσα ἄλλα προστίθεται. ὑπόκειται ἄρα ἡ ἀρετὴ εἶναι ἡ τοιαύτη περὶ ἡδονὰς καὶ λύπας τῶν βελτίστων πρακτική, ἡ δὲ κακία τοὐναντίον. γένοιτο δʼ ἂν ἡμῖν καὶ ἐκ τούτων φανερὸν ὅτι περὶ τῶν αὐτῶν. τριῶν γὰρ ὄντων τῶν εἰς τὰς αἱρέσεις καὶ τριῶν τῶν εἰς τὰς φυγάς, καλοῦ συμφέροντος ἡδέος, καὶ τῶν ἐναντίων, αἰσχροῦ βλαβεροῦ λυπηροῦ, περὶ ταῦτα μὲν πάντα ὁ ἀγαθὸς κατορθωτικός ἐστιν ὁ δὲ κακὸς ἁμαρτητικός, μάλιστα δὲ περὶ τὴν ἡδονήν

Transliteration

semeion de dei poieisthai ton hexeon ten epiginomenen hedonen e lypen tois ergois ho men gar apechomenos ton somatikon hedonon kai auto touto chairon sophron, ho dʼ achthomenos akolastos, kai ho men hypomenon ta deina kai chairon e me lypoumenos ge andreios, ho de lypoumenos deilos. peri hedonas gar kai lypas estin he ethike arete dia men gar ten hedonen ta phaula prattomen, dia de ten lypen ton kalon apechometha. dio dei echthai pos euthys ek neon, hos ho Platon phesin, hoste chairein te kai lypeisthai hois dei he gar orthe paideia haute estin. eti dʼ ei hai aretai eisi peri praxeis kai pathe, panti de pathei kai pase praxei hepetai hedone kai lype, kai dia toutʼ an eie he arete peri hedonas kai lypas. menyousi de kai hai kolaseis ginomenai dia touton iatreiai gar tines eisin, hai de iatreiai dia ton enantion pephykasi ginesthai. eti, hos kai proen eipomen, pasa psyches hexis, hyphʼ hoion pephyke ginesthai cheiron kai beltion, pros tauta kai peri tauta ten physin echei diʼ hedonas de kai lypas phauloi ginontai, to diokein tautas kai pheugein, e has me dei e hote ou dei e hos ou dei e hosachos allos hypo tou logou diorizetai ta toiauta. dio kai horizontai tas aretas apatheias tinas kai eremias ouk eu de, hoti haplos legousin, allʼ ouch hos dei kai hos ou dei kai hote, kai hosa alla prostithetai. hypokeitai ara he arete einai he toiaute peri hedonas kai lypas ton beltiston praktike, he de kakia tounantion. genoito dʼ an hemin kai ek touton phaneron hoti peri ton auton. trion gar onton ton eis tas haireseis kai trion ton eis tas phygas, kalou sympherontos hedeos, kai ton enantion, aischrou blaberou lyperou, peri tauta men panta ho agathos katorthotikos estin ho de kakos hamartetikos, malista de peri ten hedonen

Translation coming soon for this language.

Source edition (provenance)

perseus:tlg0086.tlg010.perseus-grc2; aristotle:ne; book 2 section 3 part 1; bekker 1105a; transliteration: greek-transliteration (build)

Share X Facebook