Languages

Work 3 · Passage 11

Work 3 · Passage 11

Aristotle

Greek

ὄντος δὴ βουλητοῦ μὲν τοῦ τέλους, βουλευτῶν δὲ καὶ προαιρετῶν τῶν πρὸς τὸ τέλος, αἱ περὶ ταῦτα πράξεις κατὰ προαίρεσιν ἂν εἶεν καὶ ἑκούσιοι. αἱ δὲ τῶν ἀρετῶν ἐνέργειαι περὶ ταῦτα. ἐφʼ ἡμῖν δὴ καὶ ἡ ἀρετή, ὁμοίως δὲ καὶ ἡ κακία. ἐν οἷς γὰρ ἐφʼ ἡμῖν τὸ πράττειν, καὶ τὸ μὴ πράττειν, καὶ ἐν οἷς τὸ μή, καὶ τὸ ναί· ὥστʼ εἰ τὸ πράττειν καλὸν ὂν ἐφʼ ἡμῖν ἐστί, καὶ τὸ μὴ πράττειν ἐφʼ ἡμῖν ἔσται αἰσχρὸν ὄν, καὶ εἰ τὸ μὴ πράττειν καλὸν ὂν ἐφʼ ἡμῖν, καὶ τὸ πράττειν αἰσχρὸν ὂν ἐφʼ ἡμῖν. εἰ δʼ ἐφʼ ἡμῖν τὰ καλὰ πράττειν καὶ τὰ αἰσχρά, ὁμοίως δὲ καὶ τὸ μὴ πράττειν, τοῦτο δʼ ἦν τὸ ἀγαθοῖς καὶ κακοῖς εἶναι, ἐφʼ ἡμῖν ἄρα τὸ ἐπιεικέσι καὶ φαύλοις εἶναι. τὸ δὲ λέγειν ὡς οὐδεὶς ἑκὼν πονηρὸς οὐδʼ ἄκων μακάριος ἔοικε τὸ μὲν ψευδεῖ τὸ δʼ ἀληθεῖ· μακάριος μὲν γὰρ οὐδεὶς ἄκων, ἡ δὲ μοχθηρία ἑκούσιον. ἢ τοῖς γε νῦν εἰρημένοις ἀμφισβητητέον, καὶ τὸν ἄνθρωπον οὐ φατέον ἀρχὴν εἶναι οὐδὲ γεννητὴν τῶν πράξεων ὥσπερ καὶ τέκνων. εἰ δὲ ταῦτα φαίνεται καὶ μὴ ἔχομεν εἰς ἄλλας ἀρχὰς ἀναγαγεῖν παρὰ τὰς ἐν ἡμῖν, ὧν καὶ αἱ ἀρχαὶ ἐν ἡμῖν, καὶ αὐτὰ ἐφʼ ἡμῖν καὶ ἑκούσια. τούτοις δʼ ἔοικε μαρτυρεῖσθαι καὶ ἰδίᾳ ὑφʼ ἑκάστων καὶ ὑπʼ αὐτῶν τῶν νομοθετῶν· κολάζουσι γὰρ καὶ τιμωροῦνται τοὺς δρῶντας μοχθηρά, ὅσοι μὴ βίᾳ ἢ διʼ ἄγνοιαν ἧς μὴ αὐτοὶ αἴτιοι, τοὺς δὲ τὰ καλὰ πράττοντας τιμῶσιν, ὡς τοὺς μὲν προτρέψοντες τοὺς δὲ κωλύσοντες. καίτοι ὅσα μήτʼ ἐφʼ ἡμῖν ἐστὶ μήθʼ ἑκούσια, οὐδεὶς προτρέπεται πράττειν, ὡς οὐδὲν πρὸ ἔργου ὂν τὸ πεισθῆναι μὴ θερμαίνεσθαι ἢ ἀλγεῖν ἢ πεινῆν ἢ ἄλλʼ ὁτιοῦν τῶν τοιούτων· οὐθὲν γὰρ ἧττον πεισόμεθα αὐτά. καὶ γὰρ ἐπʼ αὐτῷ τῷ ἀγνοεῖν κολάζουσιν, ἐὰν αἴτιος εἶναι δοκῇ τῆς ἀγνοίας, οἷον τοῖς μεθύουσι διπλᾶ τὰ ἐπιτίμια· ἡ γὰρ ἀρχὴ ἐν αὐτῷ

Transliteration

ontos de bouletoy men tou telous, bouleuton de kai proaireton ton pros to telos, hai peri tauta praxeis kata proairesin an eien kai hekousioi. hai de ton areton energeiai peri tauta. ephʼ hemin de kai he arete, homoios de kai he kakia. en hois gar ephʼ hemin to prattein, kai to me prattein, kai en hois to me, kai to nai hostʼ ei to prattein kalon on ephʼ hemin esti, kai to me prattein ephʼ hemin estai aischron on, kai ei to me prattein kalon on ephʼ hemin, kai to prattein aischron on ephʼ hemin. ei dʼ ephʼ hemin ta kala prattein kai ta aischra, homoios de kai to me prattein, touto dʼ en to agathois kai kakois einai, ephʼ hemin ara to epieikesi kai phaulois einai. to de legein hos oudeis hekon poneros oudʼ akon makarios eoike to men pseudei to dʼ alethei makarios men gar oudeis akon, he de mochtheria hekousion. e tois ge nyn eiremenois amphisbeteteon, kai ton anthropon ou phateon archen einai oude genneten ton praxeon hosper kai teknon. ei de tauta phainetai kai me echomen eis allas archas anagagein para tas en hemin, hon kai hai archai en hemin, kai auta ephʼ hemin kai hekousia. toutois dʼ eoike martyreisthai kai idia hyphʼ hekaston kai hypʼ auton ton nomotheton kolazousi gar kai timorountai tous drontas mochthera, hosoi me bia e diʼ agnoian hes me autoi aitioi, tous de ta kala prattontas timosin, hos tous men protrepsontes tous de kolysontes. kaitoi hosa metʼ ephʼ hemin esti methʼ hekousia, oudeis protrepetai prattein, hos ouden pro ergou on to peisthenai me thermainesthai e algein e peinen e allʼ hotioun ton toiouton outhen gar hetton peisometha auta. kai gar epʼ auto to agnoein kolazousin, ean aitios einai doke tes agnoias, hoion tois methyousi dipla ta epitimia he gar arche en auto

Translation coming soon for this language.

Source edition (provenance)

perseus:tlg0086.tlg010.perseus-grc2; aristotle:ne; book 3 section 5 part 1; bekker 1114a; transliteration: greek-transliteration (build)

Share X Facebook