Work 3 · Passage 12
Aristotle
Greek
· κύριος γὰρ τοῦ μὴ μεθυσθῆναι, τοῦτο δʼ αἴτιον τῆς ἀγνοίας. καὶ τοὺς ἀγνοοῦντάς τι τῶν ἐν τοῖς νόμοις, ἃ δεῖ ἐπίστασθαι καὶ μὴ χαλεπά ἐστι, κολάζουσιν, ὁμοίως δὲ καὶ ἐν τοῖς ἄλλοις, ὅσα διʼ ἀμέλειαν ἀγνοεῖν δοκοῦσιν, ὡς ἐπʼ αὐτοῖς ὂν τὸ μὴ ἀγνοεῖν· τοῦ γὰρ ἐπιμεληθῆναι κύριοι. ἀλλʼ ἴσως τοιοῦτός ἐστιν ὥστε μὴ ἐπιμεληθῆναι. ἀλλὰ τοῦ τοιούτους γενέσθαι αὐτοὶ αἴτιοι ζῶντες ἀνειμένως, καὶ τοῦ ἀδίκους ἢ ἀκολάστους εἶναι, οἳ μὲν κακουργοῦντες, οἳ δὲ ἐν πότοις καὶ τοῖς τοιούτοις διάγοντες· αἱ γὰρ περὶ ἕκαστα ἐνέργειαι τοιούτους ποιοῦσιν. τοῦτο δὲ δῆλον ἐκ τῶν μελετώντων πρὸς ἡντινοῦν ἀγωνίαν ἢ πρᾶξιν· διατελοῦσι γὰρ ἐνεργοῦντες. τὸ μὲν οὖν ἀγνοεῖν ὅτι ἐκ τοῦ ἐνεργεῖν περὶ ἕκαστα αἱ ἕξεις γίνονται, κομιδῇ ἀναισθήτου. ἔτι δʼ ἄλογον τὸν ἀδικοῦντα μὴ βούλεσθαι ἄδικον εἶναι ἢ τὂν ἀκολασταίνοντα ἀκόλαστον. εἰ δὲ μὴ ἀγνοῶν τις πράττει ἐξ ὧν ἔσται ἄδικος, ἑκὼν ἄδικος ἂν εἴη, οὐ μὴν ἐάν γε βούληται, ἄδικος ὢν παύσεται καὶ ἔσται δίκαιος. οὐδὲ γὰρ ὁ νοσῶν ὑγιής. καὶ εἰ οὕτως ἔτυχεν, ἑκὼν νοσεῖ, ἀκρατῶς βιοτεύων καὶ ἀπειθῶν τοῖς ἰατροῖς. τότε μὲν οὖν ἐξῆν αὐτῷ μὴ νοσεῖν, προεμένῳ δʼ οὐκέτι, ὥσπερ οὐδʼ ἀφέντι λίθον ἔτʼ αὐτὸν δυνατὸν ἀναλαβεῖν· ἀλλʼ ὅμως ἐπʼ αὐτῷ τὸ βαλεῖν · ἡ γὰρ ἀρχὴ ἐν αὐτῷ. οὕτω δὲ καὶ τῷ ἀδίκῳ καὶ τῷ ἀκολάστῳ ἐξ ἀρχῆς μὲν ἐξῆν τοιούτοις μὴ γενέσθαι, διὸ ἑκόντες εἰσίν· γενομένοις δʼ οὐκέτι ἔστι μὴ εἶναι. οὐ μόνον δʼ αἱ τῆς ψυχῆς κακίαι ἑκούσιοί εἰσιν, ἀλλʼ ἐνίοις καὶ αἱ τοῦ σώματος, οἷς καὶ ἐπιτιμῶμεν· τοῖς μὲν γὰρ διὰ φύσιν αἰσχροῖς οὐδεὶς ἐπιτιμᾷ, τοῖς δὲ διʼ ἀγυμνασίαν καὶ ἀμέλειαν. ὁμοίως δὲ καὶ περὶ ἀσθένειαν καὶ πήρωσιν· οὐθεὶς γὰρ ἂν ὀνειδίσειε τυφλῷ φύσει ἢ ἐκ νόσου ἢ ἐκ πληγῆς, ἀλλὰ μᾶλλον ἐλεήσαι
Transliteration
kyrios gar tou me methysthenai, touto dʼ aition tes agnoias. kai tous agnoountas ti ton en tois nomois, ha dei epistasthai kai me chalepa esti, kolazousin, homoios de kai en tois allois, hosa diʼ ameleian agnoein dokousin, hos epʼ autois on to me agnoein tou gar epimelethenai kyrioi. allʼ isos toioutos estin hoste me epimelethenai. alla tou toioutoys genesthai autoi aitioi zontes aneimenos, kai tou adikous e akolastous einai, hoi men kakourgoyntes, hoi de en potois kai tois toioutois diagontes hai gar peri hekasta energeiai toioutoys poiousin. touto de delon ek ton meletonton pros hentinoun agonian e praxin diatelousi gar energountes. to men oun agnoein hoti ek tou energein peri hekasta hai hexeis ginontai, komide anaisthetou. eti dʼ alogon ton adikounta me boulesthai adikon einai e ton akolastainonta akolaston. ei de me agnoon tis prattei ex hon estai adikos, hekon adikos an eie, ou men ean ge bouletai, adikos on pausetai kai estai dikaios. oude gar ho noson hygies. kai ei houtos etychen, hekon nosei, akratos bioteuon kai apeithon tois iatrois. tote men oun exen auto me nosein, proemeno dʼ ouketi, hosper oudʼ aphenti lithon etʼ auton dynaton analabein allʼ homos epʼ auto to balein he gar arche en auto. houto de kai to adiko kai to akolasto ex arches men exen toioutois me genesthai, dio hekontes eisin genomenois dʼ ouketi esti me einai. ou monon dʼ hai tes psyches kakiai hekousioi eisin, allʼ eniois kai hai tou somatos, hois kai epitimomen tois men gar dia physin aischrois oudeis epitima, tois de diʼ agymnasian kai ameleian. homoios de kai peri astheneian kai perosin outheis gar an oneidiseie typhlo physei e ek nosou e ek pleges, alla mallon eleesai
Translation coming soon for this language.
Source edition (provenance)
perseus:tlg0086.tlg010.perseus-grc2; aristotle:ne; book 3 section 5 part 2; bekker 1114a; transliteration: greek-transliteration (build)