Languages

Work 3 · Passage 22

Work 3 · Passage 22

Aristotle

Greek

περὶ θάρρη δὲ καὶ φόβους ἡ ἀνδρεία οὖσα οὐχ ὁμοίως περὶ ἄμφω ἐστίν, ἀλλὰ μᾶλλον περὶ τὰ φοβερά· ὁ γὰρ ἐν τούτοις ἀτάραχος καὶ περὶ ταῦθʼ ὡς δεῖ ἔχων ἀνδρεῖος μᾶλλον ἢ ὁ περὶ τὰ θαρραλέα. τῷ δὴ τὰ λυπηρὰ ὑπομένειν, ὡς εἴρηται, ἀνδρεῖοι λέγονται. διὸ καὶ ἐπίλυπον ἡ ἀνδρεία, καὶ δικαίως ἐπαινεῖται· χαλεπώτερον γὰρ τὰ λυπηρὰ ὑπομένειν ἢ τῶν ἡδέων ἀπέχεσθαι. οὐ μὴν ἀλλὰ δόξειεν ἂν εἶναι τὸ κατὰ τὴν ἀνδρείαν τέλος ἡδύ, ὑπὸ τῶν κύκλῳ δʼ ἀφανίζεσθαι, οἷον κἀν τοῖς γυμνικοῖς ἀγῶσι γίνεται· τοῖς γὰρ πύκταις τὸ μὲν τέλος ἡδύ, οὗ ἕνεκα, ὁ στέφανος καὶ αἱ τιμαί, τὸ δὲ τύπτεσθαι ἀλγεινόν, εἴπερ σάρκινοι, καὶ λυπηρόν, καὶ πᾶς ὁ πόνος· διὰ δὲ τὸ πολλὰ ταῦτʼ εἶναι, μικρὸν ὂν τὸ οὗ ἕνεκα οὐδὲν ἡδὺ φαίνεται ἔχειν. εἰ δὴ τοιοῦτόν ἐστι καὶ τὸ περὶ τὴν ἀνδρείαν, ὁ μὲν θάνατος καὶ τὰ τραύματα λυπηρὰ τῷ ἀνδρείῳ καὶ ἄκοντι ἔσται, ὑπομενεῖ δὲ αὐτὰ ὅτι καλὸν ἢ ὅτι αἰσχρὸν τὸ μή. καὶ ὅσῳ ἂν μᾶλλον τὴν ἀρετὴν ἔχῃ πᾶσαν καὶ εὐδαιμονέστερος ᾖ, μᾶλλον ἐπὶ τῷ θανάτῳ λυπήσεται· τῷ τοιούτῳ γὰρ μάλιστα ζῆν ἄξιον, καὶ οὗτος μεγίστων ἀγαθῶν ἀποστερεῖται εἰδώς, λυπηρὸν δὲ τοῦτο. ἀλλʼ οὐδὲν ἧττον ἀνδρεῖος, ἴσως δὲ καὶ μᾶλλον, ὅτι τὸ ἐν τῷ πολέμῳ καλὸν ἀντʼ ἐκείνων αἱρεῖται. οὐ δὴ ἐν ἁπάσαις ταῖς ἀρεταῖς τὸ ἡδέως ἐνεργεῖν ὑπάρχει, πλὴν ἐφʼ ὅσον τοῦ τέλους ἐφάπτεται. στρατιώτας δʼ οὐδὲν ἴσως κωλύει μὴ τοὺς τοιούτους κρατίστους εἶναι, ἀλλὰ τοὺς ἧττον μὲν ἀνδρείους, ἄλλο δʼ ἀγαθὸν μηδὲν ἔχοντας· ἕτοιμοι γὰρ οὗτοι πρὸς τοὺς κινδύνους, καὶ τὸν βίον πρὸς μικρὰ κέρδη καταλλάττονται. περὶ μὲν οὖν ἀνδρείας ἐπὶ τοσοῦτον εἰρήσθω· τί δʼ ἐστίν, οὐ χαλεπὸν τύπῳ γε περιλαβεῖν ἐκ τῶν εἰρημένων.

Transliteration

peri tharrhe de kai phobous he andreia ousa ouch homoios peri ampho estin, alla mallon peri ta phobera ho gar en toutois atarachos kai peri tauthʼ hos dei echon andreios mallon e ho peri ta tharrhalea. to de ta lypera hypomenein, hos eiretai, andreioi legontai. dio kai epilypon he andreia, kai dikaios epaineitai chalepoteron gar ta lypera hypomenein e ton hedeon apechesthai. ou men alla doxeien an einai to kata ten andreian telos hedy, hypo ton kyklo dʼ aphanizesthai, hoion kan tois gymnikois agosi ginetai tois gar pyktais to men telos hedy, hou heneka, ho stephanos kai hai timai, to de typtesthai algeinon, eiper sarkinoi, kai lyperon, kai pas ho ponos dia de to polla tautʼ einai, mikron on to hou heneka ouden hedy phainetai echein. ei de toiouton esti kai to peri ten andreian, ho men thanatos kai ta traumata lypera to andreio kai akonti estai, hypomenei de auta hoti kalon e hoti aischron to me. kai hoso an mallon ten areten eche pasan kai eudaimonesteros e, mallon epi to thanato lypesetai to toiouto gar malista zen axion, kai houtos megiston agathon apostereitai eidos, lyperon de touto. allʼ ouden hetton andreios, isos de kai mallon, hoti to en to polemo kalon antʼ ekeinon haireitai. ou de en hapasais tais aretais to hedeos energein hyparchei, plen ephʼ hoson tou telous ephaptetai. stratiotas dʼ ouden isos kolyei me tous toioutoys kratistous einai, alla tous hetton men andreious, allo dʼ agathon meden echontas hetoimoi gar houtoi pros tous kindynous, kai ton bion pros mikra kerde katallattontai. peri men oun andreias epi tosouton eirestho ti dʼ estin, ou chalepon typo ge perilabein ek ton eiremenon.

Translation coming soon for this language.

Source edition (provenance)

perseus:tlg0086.tlg010.perseus-grc2; aristotle:ne; book 3 section 9; bekker 1117b; transliteration: greek-transliteration (build)

Share X Facebook