Work 3 · Passage 24
Aristotle
Greek
· τούτῳ γὰρ ἐπιθυμήματα ταῦτα. οὐκ ἔστι δὲ οὐδʼ ἐν τοῖς ἄλλοις ζῴοις κατὰ ταύτας τὰς αἰσθήσεις ἡδονὴ πλὴν κατὰ συμβεβηκός. οὐδὲ γὰρ ταῖς ὀσμαῖς τῶν λαγωῶν αἱ κύνες χαίρουσιν ἀλλὰ τῇ βρώσει, τὴν δʼ αἴσθησιν ἡ ὀσμὴ ἐποίησεν· οὐδʼ ὁ λέων τῇ φωνῇ τοῦ βοὸς ἀλλὰ τῇ ἐδωδῇ· ὅτι δʼ ἐγγύς ἐστι, διὰ τῆς φωνῆς ᾔσθετο, καὶ χαίρειν δὴ ταύτῃ φαίνεται· ὁμοίως δʼ οὐδʼ ἰδὼν ἀλλʼ ὅτι βορὰν ἕξει. περὶ τὰς τοιαύτας δʼ ἡδονὰς ἡ σωφροσύνη καὶ ἡ ἀκολασία ἐστὶν ὧν καὶ τὰ λοιπὰ ζῷα κοινωνεῖ, ὅθεν ἀνδραποδώδεις καὶ θηριώδεις φαίνονται· αὗται δʼ εἰσὶν ἁφὴ καὶ γεῦσις. φαίνονται δὲ καὶ τῇ γεύσει ἐπὶ μικρὸν ἢ οὐθὲν χρῆσθαι· τῆς γὰρ γεύσεώς ἐστιν ἡ κρίσις τῶν χυμῶν, ὅπερ ποιοῦσιν οἱ τοὺς οἴνους δοκιμάζοντες καὶ τὰ ὄψα ἀρτύοντες· οὐ πάνυ δὲ χαίρουσι τούτοις, ἢ οὐχ οἵ γε ἀκόλαστοι, ἀλλὰ τῇ ἀπολαύσει, ἣ γίνεται πᾶσα διʼ ἁφῆς καὶ ἐν σιτίοις καὶ ἐν ποτοῖς καὶ τοῖς ἀφροδισίοις λεγομένοις. διὸ καὶ ηὔξατό τις ὀψοφάγος ὢν τὸν φάρυγγα αὑτῷ μακρότερον γεράνου γενέσθαι, ὡς ἡδόμενος τῇ ἁφῇ. κοινοτάτη δὴ τῶν αἰσθήσεων καθʼ ἣν ἡ ἀκολασία· καὶ δόξειεν ἂν δικαίως ἐπονείδιστος εἶναι, ὅτι οὐχ ᾗ ἄνθρωποί ἐσμεν ὑπάρχει, ἀλλʼ ᾗ ζῷα. τὸ δὴ τοιούτοις χαίρειν καὶ μάλιστα ἀγαπᾶν θηριῶδες. καὶ γὰρ αἱ ἐλευθεριώταται τῶν διὰ τῆς ἁφῆς ἡδονῶν ἀφῄρηνται, οἷον αἱ ἐν τοῖς γυμνασίοις διὰ τρίψεως καὶ τῆς θερμασίας γινόμεναι· οὐ γὰρ περὶ πᾶν τὸ σῶμα ἡ τοῦ ἀκολάστου ἁφή, ἀλλὰ περί τινα μέρη.
Transliteration
touto gar epithymemata tauta. ouk esti de oudʼ en tois allois zoois kata tautas tas aistheseis hedone plen kata symbebekos. oude gar tais osmais ton lagoon hai kynes chairousin alla te brosei, ten dʼ aisthesin he osme epoiesen oudʼ ho leon te phone tou boos alla te edode hoti dʼ engys esti, dia tes phones estheto, kai chairein de taute phainetai homoios dʼ oudʼ idon allʼ hoti boran hexei. peri tas toiautas dʼ hedonas he sophrosyne kai he akolasia estin hon kai ta loipa zoa koinonei, hothen andrapododeis kai theriodeis phainontai hautai dʼ eisin haphe kai geusis. phainontai de kai te geusei epi mikron e outhen chresthai tes gar geuseos estin he krisis ton chymon, hoper poiousin hoi tous oinous dokimazontes kai ta opsa artyontes ou pany de chairousi toutois, e ouch hoi ge akolastoi, alla te apolausei, he ginetai pasa diʼ haphes kai en sitiois kai en potois kai tois aphrodisiois legomenois. dio kai euxato tis opsophagos on ton pharynga hauto makroteron geranou genesthai, hos hedomenos te haphe. koinotate de ton aistheseon kathʼ hen he akolasia kai doxeien an dikaios eponeidistos einai, hoti ouch he anthropoi esmen hyparchei, allʼ he zoa. to de toioutois chairein kai malista agapan theriodes. kai gar hai eleutheriotatai ton dia tes haphes hedonon apherentai, hoion hai en tois gymnasiois dia tripseos kai tes thermasias ginomenai ou gar peri pan to soma he tou akolastou haphe, alla peri tina mere.
Translation coming soon for this language.
Source edition (provenance)
perseus:tlg0086.tlg010.perseus-grc2; aristotle:ne; book 3 section 10 part 2; bekker 1118a; transliteration: greek-transliteration (build)