Work 3 · Passage 25
Aristotle
Greek
τῶν δʼ ἐπιθυμιῶν αἳ μὲν κοιναὶ δοκοῦσιν εἶναι, αἳ δʼ ἴδιοι καὶ ἐπίθετοι· οἷον ἡ μὲν τῆς τροφῆς φυσική· πᾶς γὰρ ἐπιθυμεῖ ὁ ἐνδεὴς ξηρᾶς ἢ ὑγρᾶς τροφῆς, ὁτὲ δὲ ἀμφοῖν, καὶ εὐνῆς, φησὶν Ὅμηρος, ὁ νέος καὶ ἀκμάζων· τὸ δὲ τοιᾶσδε ἢ τοιᾶσδε, οὐκέτι πᾶς, οὐδὲ τῶν αὐτῶν. διὸ φαίνεται ἡμέτερον εἶναι. οὐ μὴν ἀλλʼ ἔχει γέ τι καὶ φυσικόν· ἕτερα γὰρ ἑτέροις ἐστὶν ἡδέα, καὶ ἔνια πᾶσιν ἡδίω τῶν τυχόντων. ἐν μὲν οὖν ταῖς φυσικαῖς ἐπιθυμίαις ὀλίγοι ἁμαρτάνουσι καὶ ἐφʼ ἕν, ἐπὶ τὸ πλεῖον· τὸ γὰρ ἐσθίειν τὰ τυχόντα ἢ πίνειν ἕως ἂν ὑπερπλησθῇ, ὑπερβάλλειν ἐστὶ τὸ κατὰ φύσιν τῷ πλήθει· ἀναπλήρωσις γὰρ τῆς ἐνδείας ἡ φυσικὴ ἐπιθυμία. διὸ λέγονται οὗτοι γαστρίμαργοι, ὡς παρὰ τὸ δέον πληροῦντες αὐτήν. τοιοῦτοι δὲ γίνονται οἱ λίαν ἀνδραποδώδεις. περὶ δὲ τὰς ἰδίας τῶν ἡδονῶν πολλοὶ καὶ πολλαχῶς ἁμαρτάνουσιν. τῶν γὰρ φιλοτοιούτων λεγομένων ἢ τῷ χαίρειν οἷς μὴ δεῖ, ἢ τῷ μᾶλλον ἢ ὡς οἱ πολλοί, ἢ μὴ ὡς δεῖ, κατὰ πάντα δʼ οἱ ἀκόλαστοι ὑπερβάλλουσιν· καὶ γὰρ χαίρουσιν ἐνίοις οἷς οὐ δεῖ (μισητὰ γάρ), καὶ εἴ τισι δεῖ χαίρειν τῶν τοιούτων, μᾶλλον ἢ δεῖ καὶ ἢ ὡς οἱ πολλοὶ χαίρουσιν. ἡ μὲν οὖν περὶ τὰς ἡδονὰς ὑπερβολὴ ὅτι ἀκολασία καὶ ψεκτόν, δῆλον· περὶ δὲ τὰς λύπας οὐχ ὥσπερ ἐπὶ τῆς ἀνδρείας τῷ ὑπομένειν λέγεται σώφρων οὐδʼ ἀκόλαστος τῷ μή, ἀλλʼ ὁ μὲν ἀκόλαστος τῷ λυπεῖσθαι μᾶλλον ἢ δεῖ ὅτι τῶν ἡδέων οὐ τυγχάνει (καὶ τὴν λύπην δὲ ποιεῖ αὐτῷ ἡ ἡδονή), ὁ δὲ σώφρων τῷ μὴ λυπεῖσθαι τῇ ἀπουσίᾳ καὶ τῷ ἀπέχεσθαι τοῦ ἡδέος. ὁ μὲν οὖν ἀκόλαστος ἐπιθυμεῖ τῶν ἡδέων πάντων ἢ τῶν μάλιστα, καὶ ἄγεται ὑπὸ τῆς ἐπιθυμίας ὥστε ἀντὶ τῶν ἄλλων ταῦθʼ αἱρεῖσθαι· διὸ καὶ λυπεῖται καὶ ἀποτυγχάνων καὶ ἐπιθυμῶν· μετὰ λύπης γὰρ ἡ ἐπιθυμία
Transliteration
ton dʼ epithymion hai men koinai dokousin einai, hai dʼ idioi kai epithetoi hoion he men tes trophes physike pas gar epithymei ho endees xeras e hygras trophes, hote de amphoin, kai eunes, phesin hOmeros, ho neos kai akmazon to de toiasde e toiasde, ouketi pas, oude ton auton. dio phainetai hemeteron einai. ou men allʼ echei ge ti kai physikon hetera gar heterois estin hedea, kai enia pasin hedio ton tychonton. en men oun tais physikais epithymiais oligoi hamartanousi kai ephʼ hen, epi to pleion to gar esthiein ta tychonta e pinein heos an hyperplesthe, hyperballein esti to kata physin to plethei anaplerosis gar tes endeias he physike epithymia. dio legontai houtoi gastrimargoi, hos para to deon plerountes auten. toioutoi de ginontai hoi lian andrapododeis. peri de tas idias ton hedonon polloi kai pollachos hamartanousin. ton gar philotoiouton legomenon e to chairein hois me dei, e to mallon e hos hoi polloi, e me hos dei, kata panta dʼ hoi akolastoi hyperballousin kai gar chairousin eniois hois ou dei (miseta gar), kai ei tisi dei chairein ton toiouton, mallon e dei kai e hos hoi polloi chairousin. he men oun peri tas hedonas hyperbole hoti akolasia kai psekton, delon peri de tas lypas ouch hosper epi tes andreias to hypomenein legetai sophron oudʼ akolastos to me, allʼ ho men akolastos to lypeisthai mallon e dei hoti ton hedeon ou tynchanei (kai ten lypen de poiei auto he hedone), ho de sophron to me lypeisthai te apousia kai to apechesthai tou hedeos. ho men oun akolastos epithymei ton hedeon panton e ton malista, kai agetai hypo tes epithymias hoste anti ton allon tauthʼ haireisthai dio kai lypeitai kai apotynchanon kai epithymon meta lypes gar he epithymia
Translation coming soon for this language.
Source edition (provenance)
perseus:tlg0086.tlg010.perseus-grc2; aristotle:ne; book 3 section 11 part 1; bekker 1119a; transliteration: greek-transliteration (build)