Languages

Work 3 · Passage 6

Work 3 · Passage 6

Aristotle

Greek

· καὶ τῷ ψευδεῖ καὶ ἀληθεῖ διαιρεῖται, οὐ τῷ κακῷ καὶ ἀγαθῷ, ἡ προαίρεσις δὲ τούτοις μᾶλλον. ὅλως μὲν οὖν δόξῃ ταὐτὸν ἴσως οὐδὲ λέγει οὐδείς. ἀλλʼ οὐδὲ τινί· τῷ γὰρ προαιρεῖσθαι τἀγαθὰ ἢ τὰ κακὰ ποιοί τινές ἐσμεν, τῷ δὲ δοξάζειν οὔ. καὶ προαιρούμεθα μὲν λαβεῖν ἢ φυγεῖν τι τῶν τοιούτων, δοξάζομεν δὲ τί ἐστιν ἢ τίνι συμφέρει ἢ πῶς· λαβεῖν δʼ ἢ φυγεῖν οὐ πάνυ δοξάζομεν. καὶ ἡ μὲν προαίρεσις ἐπαινεῖται τῷ εἶναι οὗ δεῖ μᾶλλον ἢ τῷ ὀρθῶς, ἡ δὲ δόξα τῷ ὡς ἀληθῶς. καὶ προαιρούμεθα μὲν ἃ μάλιστα ἴσμεν ἀγαθὰ ὄντα, δοξάζομεν δὲ ἃ οὐ πάνυ ἴσμεν· δοκοῦσι δὲ οὐχ οἱ αὐτοὶ προαιρεῖσθαί τε ἄριστα καὶ δοξάζειν, ἀλλʼ ἔνιοι δοξάζειν μὲν ἄμεινον, διὰ κακίαν δʼ αἱρεῖσθαι οὐχ ἃ δεῖ. εἰ δὲ προγίνεται δόξα τῆς προαιρέσεως ἢ παρακολουθεῖ, οὐδὲν διαφέρει· οὐ τοῦτο γὰρ σκοποῦμεν, ἀλλʼ εἰ ταὐτόν ἐστι δόξῃ τινί. τί οὖν ἢ ποῖόν τι ἐστίν, ἐπειδὴ τῶν εἰρημένων οὐθέν; ἑκούσιον μὲν δὴ φαίνεται, τὸ δʼ ἑκούσιον οὐ πᾶν προαιρετόν. ἀλλʼ ἆρά γε τὸ προβεβουλευμένον; ἡ γὰρ προαίρεσις μετὰ λόγου καὶ διανοίας. ὑποσημαίνειν δʼ ἔοικε καὶ τοὔνομα ὡς ὂν πρὸ ἑτέρων αἱρετόν.

Transliteration

kai to pseudei kai alethei diaireitai, ou to kako kai agatho, he proairesis de toutois mallon. holos men oun doxe tauton isos oude legei oudeis. allʼ oude tini to gar proaireisthai tagatha e ta kaka poioi tines esmen, to de doxazein ou. kai proairoumetha men labein e phygein ti ton toiouton, doxazomen de ti estin e tini sympherei e pos labein dʼ e phygein ou pany doxazomen. kai he men proairesis epaineitai to einai hou dei mallon e to orthos, he de doxa to hos alethos. kai proairoumetha men ha malista ismen agatha onta, doxazomen de ha ou pany ismen dokousi de ouch hoi autoi proaireisthai te arista kai doxazein, allʼ enioi doxazein men ameinon, dia kakian dʼ haireisthai ouch ha dei. ei de proginetai doxa tes proaireseos e parakolouthei, ouden diapherei ou touto gar skopoumen, allʼ ei tauton esti doxe tini. ti oun e poion ti estin, epeide ton eiremenon outhen; hekousion men de phainetai, to dʼ hekousion ou pan proaireton. allʼ ara ge to probebouleumenon; he gar proairesis meta logou kai dianoias. hyposemainein dʼ eoike kai tounoma hos on pro heteron haireton.

Translation coming soon for this language.

Source edition (provenance)

perseus:tlg0086.tlg010.perseus-grc2; aristotle:ne; book 3 section 2 part 2; bekker 1112a; transliteration: greek-transliteration (build)

Share X Facebook