Work 3 · Passage 7
Aristotle
Greek
βουλεύονται δὲ πότερον περὶ πάντων, καὶ πᾶν βουλευτόν ἐστιν, ἢ περὶ ἐνίων οὐκ ἔστι βουλή; λεκτέον δʼ ἴσως βουλευτὸν οὐχ ὑπὲρ οὗ βουλεύσαιτʼ ἄν τις ἠλίθιος ἢ μαινόμενος, ἀλλʼ ὑπὲρ ὧν ὁ νοῦν ἔχων. περὶ δὴ τῶν ἀιδίων οὐδεὶς βουλεύεται, οἷον περὶ τοῦ κόσμου ἢ τῆς διαμέτρου καὶ τῆς πλευρᾶς, ὅτι ἀσύμμετροι. ἀλλʼ οὐδὲ περὶ τῶν ἐν κινήσει, ἀεὶ δὲ κατὰ ταὐτὰ γινομένων, εἴτʼ ἐξ ἀνάγκης εἴτε καὶ φύσει ἢ διά τινα αἰτίαν ἄλλην, οἷον τροπῶν καὶ ἀνατολῶν. οὐδὲ περὶ τῶν ἄλλοτε ἄλλως, οἷον αὐχμῶν καὶ ὄμβρων. οὐδὲ περὶ τῶν ἀπὸ τύχης, οἷον θησαυροῦ εὑρέσεως. ἀλλʼ οὐδὲ περὶ τῶν ἀνθρωπίνων ἁπάντων, οἷον πῶς ἂν Σκύθαι ἄριστα πολιτεύοιντο οὐδεὶς Λακεδαιμονίων βουλεύεται. οὐ γὰρ γένοιτʼ ἂν τούτων οὐθὲν διʼ ἡμῶν. βουλευόμεθα δὲ περὶ τῶν ἐφʼ ἡμῖν καὶ πρακτῶν· ταῦτα δὲ καὶ ἔστι λοιπά. αἰτίαι γὰρ δοκοῦσιν εἶναι φύσις καὶ ἀνάγκη καὶ τύχη, ἔτι δὲ νοῦς καὶ πᾶν τὸ διʼ ἀνθρώπου. τῶν δʼ ἀνθρώπων ἕκαστοι βουλεύονται περὶ τῶν διʼ αὑτῶν πρακτῶν. καὶ περὶ μὲν τὰς ἀκριβεῖς καὶ αὐτάρκεις τῶν ἐπιστημῶν οὐκ ἔστι βουλή, οἷον περὶ γραμμάτων (οὐ γὰρ διστάζομεν πῶς γραπτέον)· ἀλλʼ ὅσα γίνεται διʼ ἡμῶν, μὴ ὡσαύτως δʼ ἀεί, περὶ τούτων βουλευόμεθα, οἷον περὶ τῶν κατʼ ἰατρικὴν καὶ χρηματιστικήν, καὶ περὶ κυβερνητικὴν μᾶλλον ἢ γυμναστικήν, ὅσῳ ἧττον διηκρίβωται, καὶ ἔτι περὶ τῶν λοιπῶν ὁμοίως, μᾶλλον δὲ καὶ περὶ τὰς τέχνας ἢ τὰς ἐπιστήμας
Transliteration
bouleuontai de poteron peri panton, kai pan bouleuton estin, e peri enion ouk esti boule; lekteon dʼ isos bouleuton ouch hyper hou bouleusaitʼ an tis elithios e mainomenos, allʼ hyper hon ho noun echon. peri de ton aidion oudeis bouleuetai, hoion peri tou kosmou e tes diametrou kai tes pleuras, hoti asymmetroi. allʼ oude peri ton en kinesei, aei de kata tauta ginomenon, eitʼ ex anankes eite kai physei e dia tina aitian allen, hoion tropon kai anatolon. oude peri ton allote allos, hoion auchmon kai ombron. oude peri ton apo tyches, hoion thesaurou heureseos. allʼ oude peri ton anthropinon hapanton, hoion pos an Skythai arista politeuointo oudeis Lakedaimonion bouleuetai. ou gar genoitʼ an touton outhen diʼ hemon. bouleuometha de peri ton ephʼ hemin kai prakton tauta de kai esti loipa. aitiai gar dokousin einai physis kai ananke kai tyche, eti de nous kai pan to diʼ anthropou. ton dʼ anthropon hekastoi bouleuontai peri ton diʼ hauton prakton. kai peri men tas akribeis kai autarkeis ton epistemon ouk esti boule, hoion peri grammaton (ou gar distazomen pos grapteon) allʼ hosa ginetai diʼ hemon, me hosautos dʼ aei, peri touton bouleuometha, hoion peri ton katʼ iatriken kai chrematistiken, kai peri kybernetiken mallon e gymnastiken, hoso hetton diekribotai, kai eti peri ton loipon homoios, mallon de kai peri tas technas e tas epistemas
Translation coming soon for this language.
Source edition (provenance)
perseus:tlg0086.tlg010.perseus-grc2; aristotle:ne; book 3 section 3 part 1; bekker 1112b; transliteration: greek-transliteration (build)