Languages

Work 1 · Passage 16

Work 1 · Passage 16

Plato

Greek

τὸν δοκοῦντά τε, ἦ δʼ ὅς, καὶ τὸν ὄντα χρηστὸν φίλον· τὸν δὲ δοκοῦντα μέν, ὄντα δὲ μή, δοκεῖν ἀλλὰ μὴ εἶναι φίλον. καὶ περὶ τοῦ ἐχθροῦ δὲ ἡ αὐτὴ θέσις. φίλος μὲν δή, ὡς ἔοικε, τούτῳ τῷ λόγῳ ὁ ἀγαθὸς ἔσται, ἐχθρὸς δὲ ὁ πονηρός. ναί. κελεύεις δὴ ἡμᾶς προσθεῖναι τῷ δικαίῳ ἢ ὡς τὸ πρῶτον ἐλέγομεν, λέγοντες δίκαιον εἶναι τὸν μὲν φίλον εὖ ποιεῖν, τὸν δʼ ἐχθρὸν κακῶς· νῦν πρὸς τούτῳ ὧδε λέγειν, ὅτι ἔστιν δίκαιον τὸν μὲν φίλον ἀγαθὸν ὄντα εὖ ποιεῖν, τὸν δʼ ἐχθρὸν κακὸν ὄντα βλάπτειν; πάνυ μὲν οὖν, ἔφη, οὕτως ἄν μοι δοκεῖ καλῶς λέγεσθαι. ἔστιν ἄρα, ἦν δʼ ἐγώ, δικαίου ἀνδρὸς βλάπτειν καὶ ὁντινοῦν ἀνθρώπων; καὶ πάνυ γε, ἔφη· τούς γε πονηρούς τε καὶ ἐχθροὺς δεῖ βλάπτειν. βλαπτόμενοι δʼ ἵπποι βελτίους ἢ χείρους γίγνονται; χείρους. ἆρα εἰς τὴν τῶν κυνῶν ἀρετήν, ἢ εἰς τὴν τῶν ἵππων; εἰς τὴν τῶν ἵππων. ἆρʼ οὖν καὶ κύνες βλαπτόμενοι χείρους γίγνονται εἰς τὴν τῶν κυνῶν ἀλλʼ οὐκ εἰς τὴν τῶν ἵππων ἀρετήν; ἀνάγκη. ἀνθρώπους δέ, ὦ ἑταῖρε, μὴ οὕτω φῶμεν, βλαπτομένους εἰς τὴν ἀνθρωπείαν ἀρετὴν χείρους γίγνεσθαι; πάνυ μὲν οὖν. ἀλλʼ ἡ δικαιοσύνη οὐκ ἀνθρωπεία ἀρετή; καὶ τοῦτʼ ἀνάγκη. καὶ τοὺς βλαπτομένους ἄρα, ὦ φίλε, τῶν ἀνθρώπων ἀνάγκη ἀδικωτέρους γίγνεσθαι. ἔοικεν. ἆρʼ οὖν τῇ μουσικῇ οἱ μουσικοὶ ἀμούσους δύνανται ποιεῖν; ἀδύνατον. ἀλλὰ τῇ ἱππικῇ οἱ ἱππικοὶ ἀφίππους; οὐκ ἔστιν. ἀλλὰ τῇ δικαιοσύνῃ δὴ οἱ δίκαιοι ἀδίκους; ἢ καὶ συλλήβδην ἀρετῇ οἱ ἀγαθοὶ κακούς; ἀλλὰ ἀδύνατον. οὐ γὰρ θερμότητος οἶμαι ἔργον ψύχειν ἀλλὰ τοῦ ἐναντίου. ναί. οὐδὲ ξηρότητος ὑγραίνειν ἀλλὰ τοῦ ἐναντίου. πάνυ γε. οὐδὲ δὴ τοῦ ἀγαθοῦ βλάπτειν ἀλλὰ τοῦ ἐναντίου. φαίνεται. ὁ δέ γε δίκαιος ἀγαθός

Transliteration

ton dokounta te, ē dʼ hos, kai ton onta chrēston philon ton de dokounta men, onta de mē, dokein alla mē einai philon. kai peri tou echthrou de hē autē thesis. philos men dē, hōs eoike, toutō tō logō ho agathos estai, echthros de ho ponēros. nai. keleueis dē hēmas prostheinai tō dikaiō ē hōs to prōton elegomen, legontes dikaion einai ton men philon eu poiein, ton dʼ echthron kakōs nyn pros toutō hōde legein, hoti estin dikaion ton men philon agathon onta eu poiein, ton dʼ echthron kakon onta blaptein; pany men oun, ephē, houtōs an moi dokei kalōs legesthai. estin ara, ēn dʼ egō, dikaiou andros blaptein kai hontinoun anthrōpōn; kai pany ge, ephē tous ge ponērous te kai echthrous dei blaptein. blaptomenoi dʼ hippoi beltious ē cheirous gignontai; cheirous. ara eis tēn tōn kynōn aretēn, ē eis tēn tōn hippōn; eis tēn tōn hippōn. arʼ oun kai kynes blaptomenoi cheirous gignontai eis tēn tōn kynōn allʼ ouk eis tēn tōn hippōn aretēn; anankē. anthrōpous de, ō hetaire, mē houtō phōmen, blaptomenous eis tēn anthrōpeian aretēn cheirous gignesthai; pany men oun. allʼ hē dikaiosynē ouk anthrōpeia aretē; kai toutʼ anankē. kai tous blaptomenous ara, ō phile, tōn anthrōpōn anankē adikōterous gignesthai. eoiken. arʼ oun tē mousikē hoi mousikoi amousoys dynantai poiein; adynaton. alla tē hippikē hoi hippikoi aphippous; ouk estin. alla tē dikaiosynē dē hoi dikaioi adikous; ē kai syllēbdēn aretē hoi agathoi kakous; alla adynaton. ou gar thermotētos oimai ergon psychein alla tou enantiou. nai. oude xērotētos hygrainein alla tou enantiou. pany ge. oude dē tou agathou blaptein alla tou enantiou. phainetai. ho de ge dikaios agathos

Translation coming soon for this language.

Source edition (provenance)

perseus:tlg0059.tlg030.perseus-grc2; plato:rep; section 335 part 1; transliteration: greek-transliteration (build)

Share X Facebook