Languages

Work 1 · Passage 17

Work 1 · Passage 17

Plato

Greek

; πάνυ γε. οὐκ ἄρα τοῦ δικαίου βλάπτειν ἔργον, ὦ Πολέμαρχε, οὔτε φίλον οὔτʼ ἄλλον οὐδένα, ἀλλὰ τοῦ ἐναντίου, τοῦ ἀδίκου. παντάπασί μοι δοκεῖς ἀληθῆ λέγειν, ἔφη, ὦ Σώκρατες. εἰ ἄρα τὰ ὀφειλόμενα ἑκάστῳ ἀποδιδόναι φησίν τις δίκαιον εἶναι, τοῦτο δὲ δὴ νοεῖ αὐτῷ τοῖς μὲν ἐχθροῖς βλάβην ὀφείλεσθαι παρὰ τοῦ δικαίου ἀνδρός, τοῖς δὲ φίλοις ὠφελίαν, οὐκ ἦν σοφὸς ὁ ταῦτα εἰπών. οὐ γὰρ ἀληθῆ ἔλεγεν· οὐδαμοῦ γὰρ δίκαιον οὐδένα ἡμῖν ἐφάνη ὂν βλάπτειν. συγχωρῶ, ἦ δʼ ὅς. μαχούμεθα ἄρα, ἦν δʼ ἐγώ, κοινῇ ἐγώ τε καὶ σύ, ἐάν τις αὐτὸ φῇ ἢ Σιμωνίδην ἢ Βίαντα ἢ Πιττακὸν εἰρηκέναι ἤ τινʼ ἄλλον τῶν σοφῶν τε καὶ μακαρίων ἀνδρῶν. ἐγὼ γοῦν, ἔφη, ἕτοιμός εἰμι κοινωνεῖν τῆς μάχης.

Transliteration

; pany ge. ouk ara tou dikaiou blaptein ergon, ō Polemarche, oute philon outʼ allon oudena, alla tou enantiou, tou adikou. pantapasi moi dokeis alēthē legein, ephē, ō Sōkrates. ei ara ta opheilomena hekastō apodidonai phēsin tis dikaion einai, touto de dē noei autō tois men echthrois blabēn opheilesthai para tou dikaiou andros, tois de philois ōphelian, ouk ēn sophos ho tauta eipōn. ou gar alēthē elegen oudamoy gar dikaion oudena hēmin ephanē on blaptein. synchōrō, ē dʼ hos. machoumetha ara, ēn dʼ egō, koinē egō te kai sy, ean tis auto phē ē Simōnidēn ē Bianta ē Pittakon eirēkenai ē tinʼ allon tōn sophōn te kai makariōn andrōn. egō goun, ephē, hetoimos eimi koinōnein tēs machēs.

Translation coming soon for this language.

Source edition (provenance)

perseus:tlg0059.tlg030.perseus-grc2; plato:rep; section 335 part 2; transliteration: greek-transliteration (build)

Share X Facebook